Të pajisur me mjete për kërkim nën rrënoja edhe gjatë natës, mbërrijnë nga Rumania 52 specialistë për katastrofa natyrore

Sapo kanë mbërritur në aeroportin e Rinasit dy avionë Hercules të ushtrisë rumune, me 52 specialistë për situata katastrofash natyrore. Po kështu në Rinas kanë mbërritur dy avion me ndihma nga Turqia dhe Zvicra.

Specialistët e ardhur nga Rumania janë të pajisur me pajisje kërkimi nën rrënoja ndërtesash që do të bëjnë të mundur nxjerrjen e personave të tjerë që mund te jenë gjallë në Durrës e në Thumanë.

Në pritje të këtyre skuadrave kanë qenë përfaqësues të lartë të shtetit ku së bashku me Ambasadorin rumun Pirplea u kanë shpjeguar specialistëve situatën e rënë dhe domosdoshmërinë e vijimit të kërkimeve gjatë natës nën rrënoja.




 

Lajmi kryesor:

Partnerët krah Shqipërisë! Merkel vë në lëvizje emergjencat, Macron sjell ekipet e sigurisë, ndihma nga Italia, Greqia dhe BE

TAG:
• edi rama
• solidaritet
• termet me viktima ne Shqiperi