Partizani dhe Tirana luajnë nesër në orën 19:00 në "Air Albania". Java e 24-t e Superligës ka në program derbin e kryeqytetit, me 90 minutëshin që është më shumë se një ndeshje futbolli, të paktën në shkallët e stadiumit.
Përpara këtij dueli të rëndësishëm për mediet foli edhe Orges Shehi. Trajneri i Partizanit vetëm pak muaj më parë ishte pjesë e stolit bardheblu dhe njeh në detaje lojtarët.
Për të kjo është një ndeshje mes dy klubeve rivale, duke mos e kthyer në një duel personal, sa i përket hatërmbetjeve të shkarkimit nga Tirana. Për Shehin klima te Partizani është më e qetë për të punuar.
"Tirana? Nuk mendoj se është sfidë e imja personale. Mendoj se është sfidë mes dy klubeve që kanë rivalitet historik. Kështu që kur kërkojmë nga lojtarët që të mos kenë dozë të madhe emocionale, sigurisht që dhe te ne te stafi do e trajtojmë si ndeshje të rëndësishme, por jo vendimtare.
Në karrierën time kam kaluar shumë derbi. Qëkur isha pjesë e Partizanit si lojtar mund të kenë qenë 10-12 derbi, por edhe 10 të tjera kur isha trajneri i Tiranës. Kështu që ju garantojmë që e kemi atë eksperiencën për t’u mos rrëmbyer nga doza emocionale.
Përgatitjet? Mund ta përmend shumë shkurt, këtu është shumë më qetë se te Tirana.
Gjendja e ekipit? Keko dihet që është mungesë prej javësh dhe nuk është me skuadrën. Maguete është stërvitur këto dy ditë me skuadrën dhe sot është testi përfundimtar për të vendosur nëse mund të jetë nesër apo jo. Por kjo mbetet për t’u parë, gjendja e Bintsukës nuk është optimale.
Ndeshjen me Dinamon e kishim në stol për të qenë pranë skuadrës, por nuk është i gatshëm për ndeshjen. Të tjerët janë normal dhe janë stërvitur. Kam parë në sytë e lojtarëve dëshirë dhe përkushtim për të bërë më mirë në ndeshjen e nesërme.
Tifozët dhe 'përballja' me Fanatics? Unë nuk di që të flas për të tjerët, ose për tifozët e Tiranës. Unë e di që vet kam marrëdhënie korrekte me të gjithë opinionin e futbollit në Shqipëri me të gjitha tifozeritë. Kështu që kam respekt për tifozeritë kudo që janë. Mendoj që nesër do të jetë dhe derbi i tifozëve, sepse dihet se çfarë atmosfere sjellin tifozët. Derbi nuk luhet vetëm për ne, por dhe për tifozët. Kërkojmë të fitojmë gjithmonë ne", tha Shehi.
Pas javës së 23-të, Partizani me 37 pikë mban vendin e dytë, teksa Tirana me 34 pikë vendin e katërt. Egnatia kryeson Superligën me 48 pikë.
Lajme të tjera
-
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'
25 Dhjetor, 18:54 -
Ben Andoni: PD-ja përballë protestave, por pa publikun?!
25 Dhjetor, 18:53
-
Kampione e dimrit, kapiteni Dita rrëfen Dinamon për Report TV: S’fshihemi për titullin, ‘Final-4’ i çuditshëm
25 Dhjetor, 13:41
-
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Afera Partizani/ Ankimoi masën arrest në shtëpi, Kushtetuesja shtyn për vitin e ardhshëm shqyrtimin e kërkesës së Berishës
24 Dhjetor, 16:31 -
Zyrtare/ Bruno Telushi pa ekip, AF Elbasani konfirmon largimin
24 Dhjetor, 11:48 -
Protesta e PD/ Berisha me një grusht militantësh bllokojnë 3 orë Tiranën: Qeveri teknike! Përplasen me policinë! Noka grusht efektivit
23 Dhjetor, 17:11 -
E përditshmja britanike 'Sunday Times': 10 vendet më të mira për t’u vizituar në Shqipëri
23 Dhjetor, 09:52 -
Tirana rrezikon mbijetesën, pesë titullarë me 'valixhe në duar'
23 Dhjetor, 09:29 -
Renditja/ Superliga mbyll vitin 2024, Teuta barazon pa gola me Bylisin! Tifozët numërohen me 'gishtat e një dore'
22 Dhjetor, 19:07 -
Superliga/ Dinamo me hap kampioni, fiton 2-1 kundër Egnatias dhe mbyll 2024 në krye! Tirana 'buzë greminës', Laçi e përmbys 3-1
21 Dhjetor, 18:29
