Zëvendësministrja e Mjedisit, Ornela Çuçi zgjodhi ta urojë ndryshe vajzën e saj për 15-vjetorin. Së bashku me djalin, shokët e shoqet e klasës, por edhe këngëtaren Valbona Mema e kryebashkiakun e Tiranës, Erion Veliaj ata mbollën 7 pemë në Parkun e Liqenit, një dëshirë e vetë të rinjve të cilët me gjestin për mikeshën e tyre dhanë edhe një mesazh mjaft të rëndësishëm për kryeqytetin.
Zëvendësministrja Çuçi falenderoi të rinjtë të cilët zgjodhën të mbjellin pemë këtë ditë të veçantë.
“Ky është një mesazh për të gjithë ne të cilin duhet ta ndjekim! Në vend të një feste për ditëlindje, të mbjellim oksigjen për veten tonë, për fëmijët tanë, sepse Tirana është e fëmijëve, ata do ta trashëgojnë”, tha ajo.
Këngëtarja e njohur e muzikës shqiptare, Valbona Mema u shpreh e lumtur që iu bashkua një nisme të tille dhe ftoi edhe të gjithë qytetarët të bëjnë të njëjtën gjë, sepse të fal vërtet një kënaqësi të veçantë.
“Mora një kënaqësi shumë të madhe, sepse është një gjest që duhet ta bëjnë të gjithë. Të faleminderit shumë që bën kaq shumë gjëra të bukura për Tiranën!” u shpreh ajo për kryetarin Veliaj.
Kryebashkiaku tha se puna më e vështirë është të jesh një qytetar i mirë. Ai i ftoi të gjithë t’i bashkohen nismës për mbjelljen e pemëve.
“Vendi ku jemi sot nuk ekzistonte më parë, as rruga, as pista e biçikletave, as ajo e vrapit. E gjitha ishte një ferrishte e zaptuar, pa pemë. Madje digjej plastikë dhe popullohej nga disa baraka të ndërtuara pa leje. Në fillim ishte si të qëroje oriz, por pak nga pak e kthyem në një hapësirë publike dhe sot është ndoshta hapësira më cilësore publike që kemi në Tiranë. Parku i Liqenit është dyfishuar, por kjo nuk ndodhi brenda natës. Nuk kemi mbjellë vetëm oksigjen, por edhe shpresë se ky vend bëhet po të japim të gjithë nga një dorë”, tha Veliaj.
Në këtë kohë pandemie shumë qytetarë të Tiranës parapëlqejnë që si dhuratë për ditëlindje të mbjellin pemë për t’i shtuar gjelbërimin dhe oksigjenin qytetit.
Lajme të tjera
-
Veliaj në Torino, takon kryebashkiakun Lo Russo! Nis bashkëpunimi mes dy qyteteve, për Tiranën Kryeqyteti Mesdhetar i Kulturës në 2025
2 Nëntor, 11:31 -
Transformohet një bllok banimi në Njësinë 3, Veliaj: Premtim i mbajtur, rritet vlera e pronës për banorët e zonës
1 Nëntor, 15:35 -
Vijojnë punimet për ndërtimin e Teatrit të ri Kombëtar, ja pamjet me dron nga kantieri (VIDEO)
1 Nëntor, 12:02 -
Botërori i mundjes, Veliaj: Kemi energjinë për ta kthyer Tiranën në një qytet për të gjithë
31 Tetor, 16:32 -
Veliaj me pensionistët e Njësisë 1: Reforma për sigurimet shoqërore, hap rrugën për pensione më dinjitoze
31 Tetor, 15:17 -
Përurohen godinat e reja në 'Qytetin Studenti', Veliaj: Me kushte shumë herë më të mira dhe rezervim online në app 'Tirana ime'
30 Tetor, 15:46 -
Kampionia e Kubës në hedhjen e çekiçit bëhet ‘shqiptare’, Veliaj jep shtetësinë për 7 të huaj: Tirana si qytet i mundësive
29 Tetor, 15:25 -
Veliaj inspekton punimet për rikonstruksionin e shkollës 9-vjeçare ‘Shyqyri Peza’: Investimet në Kombinat do të jenë këtu për 100 vitet e ardhshme
28 Tetor, 19:13 -
Botërori i Skive/ Lara Colturi, kualifikohet në finalen e Kupës së Botës, Veliaj: Vëmendja ndaj sportit po jep fryte
27 Tetor, 09:47 -
Qendra për fëmijët autik në Tiranë, hapet gara ndërkombëtare për projektin
26 Tetor, 14:10 -
Sipërmarrësit bashkohen në 'Tirana Slush’D' për të transformuar ekosistemin e startup-eve, Veliaj: Liria për të krijuar dhe guxuar, themeli i suksesit
26 Tetor, 10:27 -
Veliaj 'shkund' bashkinë e Tiranës, zëvendëson 12 drejtues, ndryshime në UKT dhe Policinë Bashkiake! EMRAT kush ikin e kush vjen
25 Tetor, 12:04
