Tirana u trondit këtë të hënë nga vrasja e një gjyqtari brenda sallës së gjyqit në një proces për prona. Gjyqtari i Apelit, Astrit Kalaja, u qëllua me 3 plumba nga Elvis Shkambi 30 vjeç, sapo gjyqtari mori vendim kundër xhaxhait të tij. Autori qëlloi me armë edhe ndaj palës kundërshtare, babë e bir, Ragip dhe Ervis Kurtaj. Pas krimit, i riu iu dorëzua patrullës së policisë në dalje të gjykatës. Mister se si u thye siguria e gjykatës duke u futur brenda një person i armatosur.
***
Rreth orës 15:40 kur sapo në sallë u shpall vendimi kundër xhaxhait të tij, Elvis Shkambi 30 vjeç nga Shkodra nxori një armë të cilën e kishte pasur me vete gjatë gjithë seancës të nisur prej orës 14:00 në Gjykatën e Apelit.
E mbushi me plumba dhe goditi gjyqtarin 60-vjeçar, Astrit Kalaja, në sallë. 2 plumba e kapën në gjoks dhe 1 në bark. Plagët e shkaktuara nuk lanë asnjë hapësirë për mjekët që të mund të ndërhynin. Ai humbi jetën rrugës për në spital.
Me të njëjtën armë, Elvis Shkambi qëlloi edhe ndaj 2 personave nga pala kundërshtare që ka bërë edhe padinë në Apel, babë e bir, Ragip Kurtaj 65 vjeç dhe Ervis Kurta, 45 vjeç.
Të dy ndodhen jashtë rrezikut në Spitalin e Traumës. Babai me plagë të lehta në kraharor dhe këmbë. Djali me plagë të lehta në dorë.
Burime për Report Tv, thonë se 30-vjeçari nga Shkodra, brenda sallës së gjyqit i vendosi pistoletën në kokë edhe sekretares së seancës, por nuk e qëlloi. Armën e krimit ia dorëzoi rojës së sigurisë së gjykatës.
Doli te dera e Gjykatës së Apelit, dhe iu dorëzua patrullës së policisë duke pranuar autorësinë: Unë jam autori.
Autori ishte në sallën e gjyqit duke ndjekur seancën për një pronë në Shkodër, ku palë e tretë e interesuar, ishte xhaxhai i tij i pranishëm në sallë, Gjon Shkambi, i cili e pretendonte atë prej shumë vitesh.
Ai e mbante armën pranë vetes. Sapo gjyqtari Astrit Kalaja mori vendim në favor të paditësve dhe jo xhaxhait të tij, e përdori kundër tij.
Elvis Shkambi ndodhet i shoqëruar në Drejtorinë e Policisë së Tiranës bashkë me personat që ishin në procesin gjyqësor, punonjës të gjykatës, përfshirë dhe rojën e sigurisë.
Këtu, lindin edhe pikëpyetjet e mëdha të masave të sigurisë në gjykatë, se si hyri brenda Gjykatës së Apelit në sallë gjyqi një person i armatosur.
30-vjeçari Elvis Shkambi u fut në gjykatë nga dera ku hyjnë qytetarët, të cilët kalojnë përmes një detektori, i njëjtë si në aeroporte. E paqartë ende se si pajisja nuk ka lëshuar sinjal për praninë e një arme dhe plumbat në xhep.
Nga Policia e Shtetit saktësohet se efektivët e tyre nuk kanë lidhje me këtë pajisje sigurie detektimi. Edhe burime nga Policia e Burgjeve thonë se nuk janë efektivë të tyre te skaneri. Siguria në gjykatë është e policisë private, por se e kujt është përgjegjësia, kjo pritet të zbardhet në vijim.
Dy prokurorë të SPAK, Adnand Xholi dhe Vladimir Mara, shkuan edhe në ambientet e Gjykatës së Apelit për të parë nga afër vendngjarjen. Megjithatë, hetimin deri më tani e ka në dorë Prokuroria e Tiranës.
Trupi i pajetë i gjyqtarit, Astrit Kalaja u dërgua në morgun e Tiranës, aty ku do t’i nënshtrohet një ekspertize mjeko-ligjore.
Dështim i masave të sigurisë
31-vjeçari Shkambi ka pranuar tashmë autorësinë e krimit, ndërsa mbetet e paqartë se si arriti që të futej brenda në sallë i armatosur, duke ngritur kështu alarmin për një dështim të masave të sigurisë në një prej institucioneve më të rëndësishme të drejtësisë. Gjykata e Apelit të Juridiksionit të Përgjithshëm ruhet nga polici private dhe jo nga Policia e Shtetit. Burimet i thanë Report Tv dhe Shqiptarja.com se dyshohet se nuk kanë funksionuar detektorët metalikë, duke mos kapur armën, që tashmë është sekuestruar nga policia. Para një viti në një nga proceset gjyqësore, pala humbëse kërcënoi me jetë trupën e gjykatësve. Çështja i kaloi organeve të drejtësisë dhe policia premtoi forcim të masave të sigurisë, por pa bërë asgjë konkrete.
Sherri për pronën, motiv i vrasjes
Objekt i vrasjes dhe konfliktit është godina e ish-Shkollës së Rezervave në lagjen "Skanderbeg". Në këtë ndërtesë janë strehuar 31 familje që në vitin 1992. Por në vitin 2012, Gjon Shkambi shfaqi pretendime për pronën me argumentin se është pasuri e trashëguar brezë pas brezi.
Siç rezulton, 31 familjet u strehuan në këtë godinë 33 vite më parë nga Bashkia e Shkodrës. Por banorët thonë se Gjon Shkambi që pretendon pronësinë mbi ndërtesën, ka dokumente false.
Çështja u komplikua në vitin 2012, kur Bashkia e Shkodrës firmosi shitjen e godinës te Gjon Shkami. Sipas banorëve, kryebashkiaku i Shkodrës në atë kohë, Lorenc Luka, i dha Gjon Shkambit dokument privatizimi pa vendim të këshillit bashkiak.
Në vitin 2020, 31 familjet u përplasën për herë të parë me zyrën private të përmbarimit. Që atëherë, çështja është zvarritur në dyert e institucioneve dhe të drejtësisë.
*Raportuan për Report Tv dhe Shqiptarja.com gazetarët Sokol Dema, Keti Banushi, Ergys Kavaja dhe Joana Preja
Report Tv ka siguruar disa pamje, ku në ambientet e Drejtorisë së Policisë së Tiranës duken Elvis Shkambi, autori i dyshuar i vrasjes së gjyqtarit Astrit Kalaja, dhe xhaxhai i tij, Gjon Shkambi, i cili po ashtu ishte pranishëm në sallën e gjyqit në Gjykatën e Apelit të Juridiksionit të Përgjithshëm kur nipi i tij qëlloi me armë zjarri magjistratin dhe 2 persona të tjerë, palë kundërshtare në përballjen gjyqësore.
I shoqëruari me të bardha është Elvis Shkambi, ndërsa tjetri është xhaxhai i tij, Gjon Skmabi
Detaje të reja kanë dal në lidhje me vrasjen e gjyqtarit të Gjykatës së Apelit në Tiranë, Astrit Kalaja nga 30- vjeçari Elvis Shkambi, ku shkak dyshohet humbja e gjyqit për pronën e xhaxhait të tij.
Burime për Report Tv, thonë se 31-vjeçari, brenda sallës së gjyqit, i vendosi pistoletën në kokë edhe sekretares së seancës, por nuk e qëlloi.
Autori i vrasjes Elvis Shkambi
Report Tv ka siguruar foton e autorit të vrasjes së gjyqtarit Astrit Kalaja. 31-vjeçari Elvis Shkambi u fut me armë në ambientet e Gjykatës së Apelit të Tiranës dhe qëlloi gjyqtarin pasi xhaxhai i tij humbi gjyqin për pronën.
Godina e ish-Shkollës së Rezervave në Shkodër është burimi i konfliktit mes disa palëve që çoi në vrasjen e gjyqtarit Astrit Kalaja në Tiranë dhe plagosjes së dy të tjerëve.
Report Tv ka siguruar pamjet e kësaj godine në lagjen “Skënderbeg” të Shkodrës.
Në këtë godinë strehohen 31 familje. Ndërsa familja Shkambi pretendon pronësinë e të gjithë godinës.
Në vitin 1992, 31 familjet familje me vendim të Bashkisë së Shkodrës u vendosën në godinën e ish-Shkollës së Rezervave të ndërtimit. Banorët pretendojnë se prona është ende shtetërore dhe se dokumentet e Gjon Shkambit janë të falsifikuara.
Ndërsa familja Shkambi kërkon të nxirren jashtë 31 familjet.
Në gjyqin e sotëm, Apeli i Juridiksionit të Përgjithshëm dha vendim jo në favor të autorit dhe familjes së tij.
Gjyqtari Astrit Kalaja u ekzekutua me 3 plumba brenda ambienteve të Gjykatës së Apelit të Juridiksionit të Përgjithshëm Tiranë nga autori Elvis Shkambi.
Ekzekutimi ndodhi menjëherë pasi gjyqtari dha vendim jo në favor të familjes Shkambi, në një lidhje me pronësinë e një trualli në Shkodër.
Në këtë moment, Elvis Shkambi 30 vjeç qëlloi me armë në drejtim të gjyqtarit Kalaja duke e lënë të vrarë.
Me 3 plumba u qëllua gjyqtari, 2 në kraharor dhe 1 në bark.
Astrit Kalaja ndërroi jetë rrugës për në Spitalin e Traumës, ku dhe u konstatua vdekja e tij.
Report Tv ka siguruar pamje nga momenti i transportimit të gjyqtarit Astrit Kalaja drejt Spitalit të Traumës pasi u qëllua me armë zjarri në ambientet e Gjykatës së Apelit të Juridiksionit të Përgjithshëm gjatë një seance gjyqësore, nga autori i dyshuar Elvis Shkambi.
Në pamje duket momenti kur gjyqtari Kalaja nxirret nga ambientet e gjykatës i shtrirë në barrelë dhe i veshur ende me uniformën që kishte veshur gjatë seancës.
Gjyqtari Astrit Kalaja, me një karrierë 32-vjeçare në sistemin e drejtësisë, ishte në krye të detyrës, duke shqyrtuar një çështje pronash, kur një nga personat palë në proces ka qëlluar me armë në drejtim të tij dhe dy personave të tjerë që ishin në gjyq. Fatkeqësisht, gjyqtari Kalaja nuk i ka mbijetuar dot plagëve dhe ka humbur jetën brenda në sallën e gjyqit.
Të plagosur kanë mbetur babë e bir, Rakip dhe Ervis Kurtaj. Njëri prej tyre, i është nënshtruar një operacioni, por ndodhen jashtë rrezikut për jetën. Forca të shumta policie mbërritën në vendin e ngjarjes dhe arrestuan autorin e dyshuar Elvis Shkambi, 30 vjeç, duke i sekuestruar edhe armën e krimit
Në Spitalin e Traumës në Tiranë ka mbërritur automjeti i Institutit të Mjekësisë Ligjore për të tërhqeur trupin e gjyqtarit Astrit Kalaja, i cili u vra ditën e sotme me armë zjarri në ambientet e Gjyaktës së Apelit të Juridiksionit të Përgjithshëm gjatë një senace gjyqësore, nga Elvis Shkambi.
Gjyqtari Astrit Kalaja
Report Tv zbardh detaje të reja nga vrasja e gjyqtarit të Apelit, Astrit Kalaja. Autori Elvis Shkambi ka qenë brenda në sallë në seancën gjyqësore që ka nisur rreth orës 14:00, ku vetë ai ishte palë në një gjyq për çështje pronash.
Gjyqtari ka dhënë vendim në favor të të plagosurve, dhe jo të tij. Pas përfundimit të vendimit gjyqtari është qëlluar nga autori. Ky i fundit menjëherë armën ia ka dhënë rojës së sigurisë së gjykatës. Pas kësaj ai ka dalë te dera e gjykatës ku i ka thënë patrullës së policisë që unë jam autori.
30-vjeçari Elvis Shkambi, i cili vrau gjyqtarin e Apelit, Astrit Kalaja, ka pranuar autorësinë, bëjnë me dije burime për gazetarin e Report Tv, Sokol Dema.
Policia e Tiranës ka njoftuar se ka sekuestruar armën që u qëllua për vdekje gjyqtari Astrit Kalaja.
Blutë gjithashtu theksojnë se autori i dyshuar Elvis Shkambi u kap menjëherë pas krimit ddhe ndodhet në ambientet e Drejtorisë Vendore e Policisë Tiranë.
"Rreth orës 15:40, në ambientet e Gjykasekuestrohet arma e krimittës së Apelit të Juridiksionit të Përgjithshëm Tiranë, gjatë një procesi gjyqësor, dyshohet se shtetasi E. Sh., 30 vjeç (palë në proces) ka qëlluar me armë zjarri drejt gjyqtarit, shtetasit A. K., dhe shtetasve R. K., 65 vjeç dhe E. K., 45 vjeç, atë e bir (pala tjetër në proces).
Si pasojë ka humbur jetën shtetasi A. K. dhe janë plagosur shtetasit R. K. dhe E. K, të cilët janë jashtë rrezikut për jetën.
Shërbimet e Policisë me marrjen e njoftimit kanë shkuar menjëherë në vendngjarje dhe kanë bërë të mundur kapjen dhe shoqërimin në ambientet e DVP Tiranë, të autorit të dyshuar, shtetasin E. Sh., si dhe kanë sekuestruar armën e krimit.
Në vijim do të jepet informacion më i plotë për ngjarjen", njoftoi sot policia.
Rakip dhe Ervis Kurtaj, janë babë e bir që mbetën të plagosur pasi një person qëlloi me armë brenda në sallën e gjyqit në Apelin e Tiranës, bëjnë me dije burime për Report Tv. I vdekur mbeti gjyqtari Astrit Kalaja.
Një vrasje me armë brenda Gjykatës së Apelit Tiranë ka tronditur sot vendin, ku mbeti i vrarë gjyqtari Astrit Kalaja.
Ngjarja konsiderohet tepër e rëndë, pasi kanë dështuar të gjitha masat e sigurisë brenda gjykatës, se si është e mundur që autori Elvis Shkambi u fut i armatosur brenda gjykatës.
Ajo që dihet deri më tani është fakti që Gjykata e Apelit të Juridiksionit të Përgjithshëm ruhet nga polici private.
Siç bëhet me dije nga burimet për Shqiptarja.com, dyshohet se nuk kanë funksionuar detektorët metalikë, duke mos kapur armën, që tashmë është sekuestruar nga policia. Edhe autori është arrestuar.
Dy prokurorë të SPAK kanë mbërritur në ambientet e Apelit të Tiranës, për të hetuar vrasjen e gjyqtarit Astrit Kalaja.
Me një karrierë 32 vjeçare në sistemin e drejtësisë në vend, Astrit Kalaja është emëruar për herë të parë magjistrat në Shkodër, më 24 nëntor 1993. Aty, ai shërbeu për shumë vite, derisa u emërua në Gjykatën e Apelit, Tiranë.
Ai iu nënshtrua procesit të vettingut dhe kaloi në të dyja shkallët si i pastër në të treja shtyllat e rivlerësimit. Në vitin 2019, Kalaja u konfirmua nga KPK, ndërsa edhe pasi komisioneri publik kërkoi shkarkimin e tij nga detyra, pasi pretendonte se gjyqtari nuk ka bërë deklarimin e mjaftueshëm të një apartamenti, e të një sipërfaqe toke, në vitin 2022, gjyqtari u cilësua i pastër edhe nga Kolegji i Posaçëm i Apelit. Po kështu, Kalaja u zgjodh edhe anëtar në Kolegjin Zgjedhor tre herë radhazi.
Astrit Kalaja lindi në Shkodër dhe u diplomua në vitin 1993 në fakultetin e Drejtësisë. Nga ky vit, deri më 2004, ai punoi si gjyqtar I Gjykatës së Rrethit, Shkodër. Në qershor të vitit 2004, deri në janar 2023, Kalaja ishte gjyqtar i Gjykatës së Apelit, qarku Shkodër, ku ka mbajtur edhe pozicionin e zv. Kryetarit atje. Më pas është transferuar në Apelin e Përgjithshëm në Tiranë.
Ai ka pasur disa dosje të bujshme në Apel, ndërsa në vitet 2005-2006 dhe 2007-2009 ka pasur vlerësimin "Shumë Mirë" për etikën dhe veprimtarinë profesionale, ndërsa gjatë gjithë karrierës së tij nuk ka pasur asnjë masë, disiplinore.
Gjyqtari Astrit Kalaja
Elvis Shkambi, 30 vjeç, është autori vrasjes së gjyqtarit Astrit Kalaja. Ai është futur i armatosur në sallën e gjyqit dhe ka qëlluar drejt gjyqtarit.
Gjyqtari i Gjykatës i Gjykatës së Apelit të Tiranës, Astrit Kalaja, ndërroi jetë pasi u qëllua me armë. Sipas informacioneve Kalaja ishte pa shenja jete kur mbërriti në Spitalin e Traumës.
Gjyqtari Kalaja mbeti i plagosur rëndë fillimisht nga sulmi me armë brenda gjykatës, e ndërroi jetë në spital.
Dy persona të tjerë kanë mbetur gjithashtu të plagosur nga sulmi me armë në Gjykatën e Apelit Tiranë.
Shqiptarja.com mëson se përveç gjyqtarit Astrit Kalaja i cili ishte objekt i sulmit nga autori i armatosur, kanë mbetur të plagosur edhe dy persona të tjerë, babë e bir, të cilët ishin palë në procesin gjyqësor.
Që të tre janë paraqitur në spital. Megjithatë, dy të plagosurit e tjerë mësohet se ndodhen jashtë rrezikut për jetën. Ndërkohë, autori është arrestuar dhe arma i është sekuestruar.
Komente
Lajme të tjera
-
Shpërthen bombola e gazit në një piceri në Tiranë, plagosen pronari dhe punonjësi (VIDEO)
4 Dhjetor, 11:30 -
Rinas/ Tentoi të hynte në Shqipëri me 240 mijë € të padeklaruara, nis hetimi për 36-vjeçarin
4 Dhjetor, 11:07 -
Superliga/ Sot tre ndeshje, Partizani pret Bylisin në kryeqytet! Kërnaja: Na kënaq vetëm fitorja
3 Dhjetor, 11:56 -
Në kërkim prej katër vitesh për vrasje në tentativë, arrestohet 26-vjeçari në Tiranë (EMRI)
3 Dhjetor, 10:00 -
Edlir Tetova kryen operacion në zemër, trajneri i Egnatias me urgjencë në spital! Gjendja e stabilizuar
3 Dhjetor, 08:31 -
‘E thjeshtë të rrish me rrogë deputeti në opozitë’, i riu ia plas në sy Berishës: Po na dekurajoni! Promovohen figura që nuk japin rezultate (VIDEO)
2 Dhjetor, 21:41 -
Nisi ciklin e foltoreve nga Tirana, Berisha: Do fillojmë analizën paszgjedhore, s'duhet të shndërrohet në gjueti shtrigash! Jemi në fazën e betejës vendimtare
2 Dhjetor, 19:31 -
Erion Braçe: Banorët e njësisë nr.5 marrin shërbim shëndetësor në katin e parë të një pallati! Gati 850 shtëpi në Selitë ende të palegalizuara
2 Dhjetor, 17:29 -
'Kam besim te ekipi', Ardian Nuhiu para derbin kundër Dinamos: Kjo Tiranë ka nevojë për mbështetje
2 Dhjetor, 12:28 -
Tiranë/ Kirurgët e spitalit ‘Shefqet Ndroqi’, realizojnë me sukses operacionin për heqjen e një formacioni cistik
2 Dhjetor, 09:19 -
Tiranë/ Shpërthen bombola e gazit në një banesë pranë tregut çam, policia në vendngjarje (VIDEO)
1 Dhjetor, 19:35 -
Katër aksidente në pak orë, 2 të vdekur në Tiranë dhe Fier! 18-vjeçarja shpëton mrekullisht pasi u përplas nga autobusi
1 Dhjetor, 17:42
TE LUMTE PUSHKA MOR DJALE.....
PërgjigjuDisa komentues me poshte flasin per gjyqtarin,te tjeret per sigurine ne gjykata. Asnjeri nuk diskuton se perse bashkia lejoi ne 92 qe ato familje te jetonin ne nje prone shteterore e vazhdoi t'i mbante aty edhe pas 30 vjetesh,asnje nuk flet nese qendonin apo jo pretendimet e paleve,asnje nuk ve ne diskutim veprimet e bashkiakut e nese ka qene veprim i vetem nje here,apo ka patur dhe raste te tjera dhe asnje nuk flet per 13 vjet gjyqe,kundergjyqe,apele e zvarritje.E mbi te gjitha,elefantin ne dhome-pronat.Ka 30 vjet qe cereku i Shqiperise pergjaket per te drejten e prones e nuk po shihet akoma drite ne fund te tunelit!
PërgjigjuNe kete vend vetem te kaloj me referendum denimi me vdekje sa gje qe e ndalon fajin e kane gjykatat prekuroret e shteti qe i beri corbe njerzit qe nga sali qeni e deri te ky i gjati
PërgjigjuViktim e korrupsiont qe gatoi vet. Nuk e vrau kush tjeter pervec fudullekut dhe mendjelehtesis se gjithcka varet nga cekici.
PërgjigjuSeshte rastesi qe 4 dit ka vec konflikte per prona ne media ne vlore hyrja ne keshill bashkiak me force per prona, ne durres rasti falcifikim pronash tani kjo ne tirane ramazon mos boj me shaka pa krip se sia thua per humorist aq me teper per diplomaci je 0
PërgjigjuThojn komentuesit ti marresh jeten dikuj nuk ban?? Por ti marresh lek-ti marresh prona ti marresh ca ke asht ne rregull Po mir ja bajn I dit shpresoj qe ti hyjne edhe ne parlament shpresoj shum
PërgjigjuDUA TE FALENDEROJ GJITH SHKODRANT EDHE KRAHINAT E TYRE JAN TREGUAR SI GJITHMONE EDHE NE KOMUNIZEM BURRA DHE TE FORT E TRIMA SY PA TREMBUR. GJYQTARI NE SHQIPERI ESHTE NJE VEMJE DHE POTHUAJSE GADI SHUMICA E MERITOJN KET FUND. EDHE NJE HER RRESPEKT PER TRIMAT ME TE FORT TE SHQIPERISE DHE JO VETEM. SHKODRANT
PërgjigjuNje hajdut pronsie me pake kure bredhe hu me hu 1 do te ngulet se keto hajdute duhet te eksekudohen ne sy te popullit we po i vrasin me vendimet e tyre
PërgjigjuSiguria neper institucionet shteterore ne teresi, ambientet e gjithcka mbrohet e survejohet nga privati. Nje afere korruptive shtetore per te ngopur me para te pangopshmit dhe veten, oligarket. Roje me benevreke te grisur nga 60-65 vjec, me 400 mije leke rroge. Ky shtet i djeshmi dhe i sotmi di vetem te fusi duart ne xhepat e shqiptareve per ti vjedhur dhe larguat nga vendi. Me qindra milione euro tendera per sigurine, per te kenaqur veten dhe pak njerez qe e kane monopol kete biznes qe ka lidhje me pushtetaret, dhe ne fund siguria zero. Shume shpejt se 2030 do ta shikoni Shqiperine duke shkerdhyer robt e nje gjaku, sepse do ngeleni vetem.
PërgjigjuKisha mendimin se keta gjyqtaret nuk i deportinte plumbi nga trashsia e dhjamit qe kan.
PërgjigjuTa baft zoti hallall si gjinin e nanes Ta baft zoti hallall
PërgjigjuNuk eshte kriminale kjo qe thua? Hallall se vrau nje njeri?! Si e perligj kete reagimin tend?
Gjynah djali shkrete 30 vjec ja mori jeten ky i korruptumi i shekullit Sic ka dhene gjithe rrjollin e velipojen te pa ftyrve Ja e mori pergj, fatkeqsi per familjen por njeri i pa ngopur, se familja mund te mjaftohen me 500 milion lek Ky donte 500 milion euro si te gjithe te pa mgopurit e tjere. Ktij djalit i lumte por ishalla mbushen me mend kto tjeret Se gjithe dukagjini u shkatrru se hapu kush gojen, gjoja trima ato sa per cifteli trima se i pame...
PërgjigjuTe Lumt dora or cum
PërgjigjuTi marresh jeten dikujt eshte gjithmone e padrejte dhe kerrkon denim maksimal. Por asnje sflet qe cfare realisht ishte kjo ceshtje, vendim a ka qene i sakte? Eshte bere drejtesi apo padrejtesi
PërgjigjuMa shum me dhimet ky djal i ri qe e detyrun me prish jeten e vet
PërgjigjuBurrat deri te pragu shpis durojn,kur ban padrejtsina kjo ner te gjen. ka burra shkodra. edhe ka me pas shkodra. edhe krahinat e shkodes.
PërgjigjuE vërteta është, ka burra shkodra qe e duan ne lule te ballit .
Ke pèrshtypjen se nè kètè vènd nuk funksionon mè asgjè. Shko me fèminè 3 vjeçar tek dentisti, e merr nè arkivol, shko tek gjykata, aty hyn edhe gomari me dru brènda dhe "askush nuk e sheh", njè gjyqtar humb jetèn dhe dy tè tjerè plagosen. Arsyeja? Vèjani emrin vetè sepse mua nuk mè bie ndèrmend ndonjè fjalè tjetèr veçse SHTHURJE DHE RRUMPALLÈ. A mban ndokush pèrgjegjèsi pèr ndonjè gjè, nè kètè vènd? Dhènia e drejtèsisè si shtyllè elementare e mbajtjes mè kèmbè tè njè shoqèrie NUK FUNKSIONON FARE dhe ka shkaktuar kaq shumè plagè nè Shqipèri,,,,tani edhe prania fizike nè kèto institucione sjell rrezik pèr jetèn,,,,quo vadis Shqipèri?
PërgjigjuSHTET PA SHTET...PARA FUTJES NE GJYKATE DUHET TE KONTROLLOHEN NJEREZIT PER ARME...SIC E KA BOTA...VENDOSET NJE PERSON DHE APARATURA PER ZBULIM METALESH..SIC JANE NE AEROPORT...
Përgjigju