Menaxhimi i një hapësire në zonën bregdetare është bërë shkaku i një sherri mëngjesin e sotëm në zonën e Radhimës, ku një person mbeti i plagosur me qytën e pistoletës. Dy persona nisën konfliktin me sende të forta me Deat Kapajn, një sherr që më pas solli edhe përdorimin e armëve, por që fatmirësisht u qëllua vetëm në ajër.

Burime bëjnë me dije se personi i plagosur, Deat Kapaj, ka qenë më herët i dënuar për grabitjen e 100 mijë eurove nga banesa e kryeplakut të Radhimës. Sakaq policia ka identifikuar dy personat e tjerë të cilët janë përfshirë në sherr dhe është vënë në ndjekje të tyre. Mësohet se njëri prej dy të kërkuarve është Ermal Sherifi, ndërsa emri i personit tjetër ende nuk bëhet i ditur. Në sasinë e provës materiale janë dy plumba të cilat janë gjetur ne vendngjarje.

Foto nga vendi i ngjarjes