EMRAT/ Plagosje në rrugën 'Princ Vidi' në Tiranë, i riu qëllon me armë në këmbë kushëririn pas sherrit dhe arratiset! Shoqërohen dy bashkëpunëtorët e dyshuar (EMRAT)

TIRANE- Nje plagosje me arme zjarri ka ndodhur diten e sotme (11 Shtator) ne Tirane, ne rrugen 'Princ Vidi', prane zones se QTU-se.

Sipas informacioneve te Shqiptarja.com dhe Report TV, mesohet se personi i palgosur eshte Ervin Nela, qe nga hetimet paraprake rezulton se eshte plagosur nga kusheriri i tij, Mario Nela, i shpallir ne kerkim. Gjithashtu ne konfliktin me motive te dobeta jane perfshire edhe 2 persona te tjere, te aferm te autorit, qe u shoqeruan.

Mësohet se Ervin Nela ka marrë një plumb në pulpën e këmbës dhe u dërgua në spital, ku ndodhet jashtë rrezikut për jetën.

Policia e Tiranës doli sot pasdite edhe me një njoftim mbi ngjarjen, duke theksuar se përveç autorit në kërkim, shoqëroi edhe 2 të afërmit e tij të dyshuar si bashkëpunëtorë në krim. Në cilësinë e provës materiale u sekuestrua një armë gjahu dhe një pistoletë zhurmuese.

“Nga veprimet e shpejta hetimore u be identifikimi i autoreve te dyshuar, shtetasve G. N., E. N., dhe M. N., (Mario Nela, ne kerkim), te cilet pas nje konflikti per motive te dobeta, diten e sotme, ne afersi te vendit te quajtur "Rrethrrotullimi i 3-shit", dyshohet se kane qelluar me arme zjarri shtetasin E. N., (Ervin Nela), i cili ndodhet ne spital, ne kujdesin e mjekeve, jashte rrezikut per jeten”, thuhet ne njoftimin zyrtar.

Të shoqëruarit janë G. N., dhe E. N., kurse Mario Nela, është ende në kërkim.

Mbetet i paqartë akoma shkaku i konfliktit, teksa hetuesit pritet të marrin në pyetje në spital të plagosurin. Grupi hetimor ka nisur procedimin penal edhe ndaj autorit të dyshuar të krimit, që u arratis nga vendngjarja.

SI.E./A.Q/Shqiptarja.com

TAG:
• Tirane
• plagosje me arme
• Ervin Nela
• Princ Vidi
• Mario Nela