POP 5

Lajmet më të lexuara të 5 minutave të fundit

Kronikë

"Më sill 10 mijë euro ose do të vras", kërcënohet biznesmeni në Bulqizë, autori qëllon me automatik në ajër

Një biznesmen ndërtimi në Bulqizë ka denoncuar në polici se është kërcënuar nga një person për vënie gjobe. Burime për Report Tv bëjnë të ditur se bëhet fjalë për biznesmenin Gëzim Balla.  

"Më sill 10 mijë euro ose do të vras", ky është denoncimi që ka bërë një biznesmen në Bulqizë, i cili thotë se është telefonuar nga një person dhe është kërcënuar.

Ngjarja ka ndodhur rreth orës 18:15, të ditë së sotme (19 qershor), ndërsa burime për Report Tv bëjnë të ditur se bëhet fjalë për biznesmenin Gëzim Balla, i cili është kërcënuar për një shumë prej 10 mijë euro. Po nga burimet mësohet se personi që ka kërcënuar biznesmenin është shtetasi Feruzan Shehu, i cili është në kërkim nga policia.

VIDEO nga vendngjarja

 

Blutë e Dibrës kanë shpallur në kërkim autorin, i cili për ta trembur biznesmenin kishte qëlluar edhe në ajër me armë zjarri. Në vendin e ngjarjes janë gjetur edhe 5 gëzhoja automatiku.

"Në vijim të veprimeve për kapjen e autorit, policia ka shoqëruar biznesmenin  në vendin ku i kishte kërkuar autori që të paraqitej. Shtetasi F.Sh, i cili ishte fshehur  rreth 500 metra në shpatin e malit, ka qëlluar në ajër dhe është larguar me shpejtësi", thuhet në njoftimin e policisë, ndërsa po punohet për zbardhjen e ngjarjes dhe kapjen e autorit.

Njoftimi i policisë
Me datë 19.06.2020, shtetasi G.B, (biznesmen), është paraqitur  në ambientet e Komisariatit të Policisë Bulqizë dhe ka bërë kallzim,  i cili ka deklaruar që është telefonuar dhe kërcënuar për vënie gjobë nga  një shtetas. Falë reagimit në kohë dhe veprimeve profesionale, Policia identifikoi  shtetasin  F.Sh,  i cili kishte telefonuar dhe kërcënuar shtetasin G.B.

Në vijim të veprimeve për kapjen e autorit, policia ka shoqëruar biznesmenin  në vendin ku i kishte kërkuar autori që të paraqitej. Shtetasi F.Sh, i cili ishte fshehur  rreth 500 metra në shpatin e malit, ka qëlluar në ajër dhe është larguar me shpejtësi. Shërbimet e policisë kanë rrethuar zonën dhe  vijon  krehja për  kapjen e autorit.

Rendit zhvillimet sipas orarit:
Ora 23:05
Kush është biznesmeni që u kërcënua në Bulqizë, ka marrë tenderin për një rrugë

Burime për Report TV bëjnë të ditur se biznesmeni Gëzim Balla ka marrë një tender 380 mln lekë për ndërtimin e një rruge 2.2 km në këtë zonë, fond i bashkisë së Bulqizës. Po ashtu mësohet se Balla ka edhe një galeri Kromi në Bulqizë. Por nuk dihet ende nëse janë këto motivet e ngjarjes. 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Berti: 19/06/2020 23:56

    Akoma ka nga keto njerez rrugeve kapene futeni ke spitali budadhijve ke 5 mos dali me sa te mbrapambetur

    Përgjigju
  • Sondazhi i ditës:

    A duhet prokurorëve të SPAK-ut t'u jepet e drejta e rikandidimit?

Lajme të tjera



×

Lajmi i fundit

OKB e shqetësuar: Rindërtimi i Gazës mund të zgjasë 80 vjet

OKB e shqetësuar: Rindërtimi i Gazës mund të zgjasë 80 vjet

4 Maj, 13:11