Ekzekutohet në qytetin e Vlorës me armë zjarri tip kallashnikov 40-vjeçari Gentjan Qarri, i njohur me pseudonimin "Geçe". Ngjarja e rëndë ka ndodhur rreth orës 18:16, në lagjen “29 Nëntori”, në afërsi të Bibliotekës të qytetit.

Viktima ishte duke ecur në këmbë ndërkohë që nga një automjet me dy persona të kamufluar brenda është qëlluar me breshëri plumbash, mbi 20 herë duke e lënë fillimisht të plagosur. Gentjan Qarri është qëlluar në gjymtyrët e poshtëm dhe në gjoks ku si pasojë e plagëve të marra ka ndërruar jetë në spitalin e Vlorës. 40-vjeçari Gentjan Qarri sapo kishte dalë nga banesa e tij në momentin ku dy persona nga një makinë kanë qëlluar në drejtim të tij me breshëri kallashnikovi. Autorët kanë qëlluar pa pushim deri sa i ka ngecur arma pasi i kanë mbaruar fishekët. Qarri jetonte në një pallat në katin e 12-të pranë vendit ku u ekzekutua.

Autorët e kamufluar dyshohet se janë larguar në drejtim të Pyllit të Sodës, ku është gjetur një makinë e djegur tip "Toyota Yaris" që dyshohet se është e tyre dhe prej andej lajnë larguar me një makinë tjetër. Brenda automjetit është gjetur edhe një kallashnikov tip "Sharrs" që mendohet se me të mund të jetë përdorur për ekzekutimin e 40-vjeçarit. Në vendin e ngjarjes janë gjetur gëzhoja plumbash, ku pritet të bëhet ekspertiza nëse i përkasin kallashnikovit të gjendur brenda makinës së djegur.

40-vjeçari kishte qenë i dënuar me 11 vite burg për drogë në Itali. Ai kishte 3 vite që kishte përfunduar dënimin dhe ishte kthyer në Vlorë, ku ishte martuar dhe punonte si hidraulik. Për shkak të dënimit me drogë pista e hetimit është përqëndruar tek larja e hesapeve.

Policia ka ngritur pika kontrolli në hyrje dhe në dalje të qytetit dhe përgjatë rrugëve që lidhin njësitë administrative me qëllim kapjen e autorit. Gjithashtu pritet që kamerat e sigurisë së bizneseve që janë në vendin e ngjarjes të hedhin dritë mbi identifikimin dhe kapjen e autorëve. Pas ngjarjes policia ka shoqëruar disa persona mes të cilëve dëshmitarë okularë, njerëz të cilët kanë qenë pranë vendit ku ndodhi ngjarja.

Rendit zhvillimet sipas orarit:
Ora 22:53
Video rrëqethëse/ I vranë djalin poshtë shtëpisë, nëna e Gentian Qarrit qan më të madhe, e mban djali tjetër

Ekzekutimi i Gentina Qarrit pranë banesës së tij ka bërë që familjarët të nxitojnë për tek vendi i ngjarjes. Në video shfaqet e ëma duke qarë me zë për të birin që ia vranë tek dera e shtëpisë, ndërsa vëllai i viktimës mundohet ta mbajë dhe ta largojë nga vendi i ngjarjes.  

Gentian Qarri ka qenë duke ecur në këmbë në lagjen ”29 Nëntori”, ndërsa autorët kanë qëlluar mbi 20 herë  nga makina e më pas janë larguar nga vendi i ngjarjes.

Pas atentatit, një makinë tip “Toyota” është djegur në Pyllin e Sodës dhe në bagazhin e saj është gjetur një kallashnikov, që dyshohet se është e autorëve

Pista kryesore e vrasjes së 40-vjeçarit është lara e hesapeve, pasi ai ka bërë 11 vite burg në Itali për trafikim droge.  

I.K/Shqiptarja.com

Ora 22:34
I ekzekutuari në Vlorë i fiksuar pas Vespave, miqtë në lot: Do na mungosh Geçe

Gentina Qarri, 40-vjeçari, i cili u ekzekutua pasditen e  sotme në Vlorë sapo doli nga shtëpia, ka qenë i fiksuar pas motorëve Vespa, ku edhe ne fotot e tij shihet gjithmonë duke pozuar mbi një mjet të tillë. Edhe klubi i miqve Vespa Club Vlora shkruan me dhimbje për ndarjen nga jeta të tij.

"Me hidhërim të thellë lajmërojmë largimin nga jeta e shokut dhe mikut tonë vespist Gentian Qarri ( Gece). Do na mungosh", shkruan Vespa Club Vlora

1612647300_Screenshot3.jpg

40-vjeçari Gentjan Qarri sapo kishte dalë nga banesa e tij në momentin ku dy persona nga një makinë kanë qëlluar në drejtim të tij me breshëri kallashnikovi. Autorët kanë qëlluar pa pushim deri sa i ka ngecur arma pasi i kanë mbaruar fishekët. 

I.K/Shqiptarja.com

Ora 20:22
Ja kush është 40-vjeçari i ekzekutuar në Vlorë

1612639445_page001.jpg

Report Tv ka siguruar foton e 40-vjeçarin Gentjan Qarri i ekzekutuar sot në qytetin e Vlorës. Ai u qëllua me breshëri kallashnikovi sapo doli nga shtëpia duke humbur jetën në spital pasi nuk i mbijetojë dot plagëve të marra. Ai ishte duke ecur në këmbë në mometin që nga një makinën u qëllua në drejtim të tij nga 2 persona të kamufluar.

I.K/Shqiptarja.com

Ora 20:00
Vrasja në Vlorë, viktima sapo doli nga shtëpia u qëllua deri sa mbaruan fishekët! Disa të shoqëruar në polici

40-vjeçari Gentjan Qarri sapo kishte dalë nga banesa e tij në momentin që dy persona nga një makinë kanë qëlluar në drejtim të tij me breshëri kallashnikovi. Autorët kanë qëlluar pa pushim deri sa i ka ngecur arma pasi i kanë mbaruar fishekët. Qarri jetonte në një pallat në katin e 12-të pranë vendit ku u ekzekutua. Pas ngjarjes policia ka shoqëruar disa persona mes të cilëve dëshmitarë okularë, njerëz të cilët kanë qenë pranë vendit ku ndodhi ngjarja.

I.K/Shqiptarja.com

Ora 19:55
Ekzekutimi në Vlorë, 2 autorët ishin të kamufluar

1612634110_foto3.jpg

Autorët që kanë ekzekutuar Gentjan Qarrin në Vlorë mendohet të kenë qenë dy dhe të kamufluar. 40-vjeçari ishte duke ecur në momentin që është qëlluar me kallashnikov.

I.K/Shqiptarja.com

Ora 19:45
Atentat në Vlorë, 40-vjeçari njihej me pseudonimin 'Geçe', larja e hesapeve pista e hetimit

40-vjeçari Gentjan Qarri që u ekzekutua në Vlorë njihej edhe me pseudonimin "Geçe", ndërsa më parë ka qenë i dënuar për drogë në Itali. Për shkak  të këtij dënimi, dyshohet se një nga pistat e ekzekutimit të jetë edhe ajo e larjes së hesapeve. Qarri ka kryer 11 vite burg në Itali dhe kishte 3 vite që kishte përfunduar dënimin.

I.K/Shqiptarja.com

Ora 19:24
Ekzekutimi në Vlorë, 40-vjeçari qëllohet mbi 20 herë me kallashnikov

Gentjan Qarri është qëlluar mbi 20 herë me kallashnikov nga autorët të cilën ndodheshin në një makinë në ecje në mes të Vlorës. Disa prej plumbave e kanë kapur atë në këmbë dhe gjoks, duke i shkaktuar vdekjen. Gjithashtu në vendin e ngjarjes janë gjetur edhe gëzhoja plumbash që do i shërbejnë policisë për zbardhjen e ngjarjes dhe autorëve.

I.K/Shqiptarja.com

Ora 19:02
Ekzekutimi në Vlorë/ Gjendet e djegur makina me targa greke në Pyllin e Sodës dhe një kallashnikov brenda saj, dyshohet e autorëve

Një makinë është gjetur e djegur në Pyllin e Sodës që dyshohet se është i autorëve që ekzekutuan Gentjan Qarrin në mes të Vlorës pak minuta më parë. Brenda automjetit është gjetur edhe një kallashnikov tip "Sharrs" që mendohet se me të mund të jetë ekzekutuar 40-vjeçari.

Gjatë krehjes së zonës nga policia është konstatuar në rrugën e Pyjores, lagja “24 Maji”, duke u djegur një automjet i braktisur i markës “Toyota Yaris” me targa IKA 3066 me targa greke, ngjyrë gri, që dyshohet se ju perket autorëve.

I.K/Shqiptarja.com

Ora 18:57
U ekzekutua në mes të Vlorës, viktima ishte dënuar me 11 vite burg për drogë në Itali

1612634216_foto.jpg

40-vjeçari i ekzekutuar në mes të Vlorës është Gentjan Qarri, i cili ka qenë i dënuar me burg për 11 vite për drogë në Itali. 40-vjeçari kishte 3 vite që kishte përfunduar dënimin në Itali dhe ishte kthyer në Vlorë ku ishte martuar. Aktualisht 40-vjeçari punonte si hidraulik.

I.K/Shqiptarja.com