Të shtënat me armë pas takimit për ‘Primaret’ në Kurbin, ‘Rithemelimi’ përjashton nga gara 2 kandidatë Alfred Dajçi dhe Edmond Shkoza

Personat e përfshirë në incident

Incidenti i ndodhur mbrëmjen e 28 nëntorit në Degën e Partisë Demokratike në Kurbin ku u qëllua me armë zjarri, ka sjellë penalite për protagonistët e ngjarjes. Dy kandidatë të primareve për Bashkinë e Kurbinit Alfred Dajçi dhe Edmond Shkoza janë përjashtuar nga gara e 4 dhjetorit.

Vendimi është marrë nga Komisioni i Organizimit dhe Kontrollit të Operacioneve Elektorale te Rithemelimi, pas shqyrtimit të fakteve, fotove dhe dëshmive. Sipas PD-së së Rithemelimit aktet e dhunës të papranueshme dhe me veprimet e tyre kandidatet dhe anëtaret e kryesisë së kësaj force politike kanë cenuar rëndë ecurinë e procesit zgjedhor të primareve.

Gjithashtu Komisioni i Organizimit dhe Kontrollit të Operacioneve Elektorale i kërkon kryesisë së PD-së Kurbin marrjen e masave disiplinore me shkarkim nga çdo funksion në këtë parti të shtetasit Van Rica. Ngjarja ndodhi mbrëmjen e së hënës gjatë një takimi të kandidateve të primareve me kryesinë, ku 53-vjeçari  Van Rica i cili mbështeste kandidatin Edmond Shkoza kishte kërkuar anëtarësimin e disa simpatizantëve, por kjo është kundërshtuar nga nënkryetari i degës së Partisë Demokratike të Rithemelimit Kastriot Marku me pretendimin se kishte përfunduar afati i anëtarësimeve.

Në debat e sipër Van Rica ka qëlluar me armë zjarri pistoletë në korridoret e zyrave të Partisë Demokratike dhe më pas është larguar, por fatmirësisht nuk pati persona të lënduar. Autori i kësaj ngjarje u arrestua nga policia disa orë më vonë, por pas tre ditësh gjykata vendosi që të hetohet në gjendje të lirë.

Lajmi kryesor:

Nesër PD e Berishës zgjedh kandidatët e bashkive për garën e 14 majit! Fiton kush merr mbi 50% ndryshe balotazh! Ish-kryeministri ‘dorëzohet’ për Malësinë e Madhe

K.T./Shqiptarja.com

TAG:
• zgjedhjet vendore 2023
• sali berisha
• komisioni i rithemelimit
• primaret e berishes