POP 5

Lajmet më të lexuara të 5 minutave të fundit

Sport

Te Tirana të mërzitur për derbin! Sherri me Rrapajn, Doka: S’duhet të ndodhte! Keko: I lumtur që nderova Partizanin

Te Tirana janë shumë të mërzitur pas barazimit në derbi, ndërsa trajneri i Partizanit Arbër Abilaliaj thotë se mund të kishin fituar për nga mënyra sesi rrodhën ngjarjet. Sakaq ndeshja në Air Albania prodhoi shumë tension si mes futbollistëve në fushë ashtu edhe tifozëve në tribuna.

Emocione të forta, por jo fitues prodhoi derbi i kryeqytetit mes Tiranës dhe Partizanit, që u mbyll me shifrat 1-1. Si çdo herë shkëlqyen tifozët me koreografitë, ndërsa Tirana që kaloi e para në avantazh me Hasanin shpërdoroi shumë, derisa Albers Keko për të kuqtë vulosi rezultatin e sfidës. 1 pikë që kënaqi më shumë Partizanin, që vijon të mbetet në vendin e dytë me 7 pikë më shumë se Tirana ndjekëse.

“Është e dyta ndeshja që ne ndëshkohemi nga një episode. Në dy ndeshjet e fundit jemi ndëshkuar nga vetëm një episode. Më kënaq vetëm loja, performanca e lojtarëve sepse rezultati na mërzit të gjithëve,”-u shpreh Julian Ahmataj, trajner i Tiranës.

“Mendoj që duhet ta kishim fituar ndeshjen për nga mënyra sesi rrodhi pjesa e dytë, por e rëndësishme është që mos ta humbisnim këtë ndeshje,”-tha Arbër Abilaliaj, trajner i Partizanit.

Autori i golit për Partizanin, Albers Keko, hyri si zëvendësues në pjesën e dytë.

“Jam shumë i lumtur sepse çdo pikë është e vlefshme. Jam i lumtur që kam firmosur me Partizanin dhe do bëj ç’mos që ta nderoj,”-deklaroi Albers Keko, futbollist i Partizanit.

Kjo përballje nuk i shpëtoi një përplasje të ashpër mes futbollistëve në fushë. Albi Doka i Tiranës dhe Arinaldo Rrapaj i Partizanit kërkuan të përplaseshin fizikisht edhe pas ndeshjes, ndërsa Olsi Rama i qetësoi gjakrat.

“Nuk dua ta komentoj fare sepse nuk është një gjest i hijshëm. Jam lojtar profesionist, ashtu si Rrapaj dhe kështu që nuk dua ta komentoj,”-tha Albi Doka, futbollist i Partizanit.

Në fund të ndeshjes pati një tentativë të gjatë të ultrasve për tu përleshur me njëri-tjetrin në stadiumin ‘Air Albania’, por falë edhe ndërhyrjes së FNSH-së nuk qe e mundur.

Rendit zhvillimet sipas orarit:
Ora 14:22
Dhuna dhe flakadanët në derbi, policia arreston 4 tifozë! 2 në kërkim, 1 prej tyre i mitur

Katër tifozë të cilët kanë hedhur flakadanë në fushën e Air Albanias dhe që kanë shkaktuar dhunë në përfundim të ndeshjes derbi Tirana-Partizani janë arrestuar nga policia. Të katër këta persona janë banues në Tiranë të moshës nga 19-35 vjeç.

Gjithashtu janë shoqëruar nga policia tre tifozë të tjerë, ndërsa dy janë ende në kërkim, një prej tyre i mitur. Konkretisht ata akuzohen për disa vepra penale si “Prishja e qetësisë publike”, “Goditja e sportistit, trajnerit, arbitrit, ndërmjetësit sportiv” dhe “Veprime të dhunshme në aktivitetet sportive”.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ta rras lala: 04/12/2023 15:18

    Futini nga nje dajak derisa ti vine mendte

    Përgjigju
  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Trafik i rënduar në autostradën Tiranë-Elbasan, 4.7 km vargu i makinave! 1 orë pritje në radhë

Trafik i rënduar në autostradën Tiranë-Elbasan, 4.7 km vargu i makinave! 1 orë pritje në radhë

28 Dhjetor, 17:46