POP 5

Lajmet më të lexuara të 5 minutave të fundit

Media

Tefta Radi: Nuk do shkëputem
asnjëherë nga gazetaria

Ka rreth një muaj që është shkëputur nga ekrani i Televizionit Publik Shqiptar, dhe nuk ngurron të thotë që nuk do të shkëputet asnjëherë nga gazetaria.
Tefta Radi: Nuk do shkëputem <br />asnjëherë nga gazetaria
Ka rreth një muaj që është shkëputur nga ekrani i Televizionit Publik Shqiptar, dhe nuk ngurron të thotë që nuk do të shkëputet asnjëherë nga gazetaria. Ikona e televionit Tefta Radi, u nderua nga Presidenti i Republikës Bamir Topi me urdhrin “Naim Frashëri i Artë”, me motivacionin: “Gazetares së mirënjohur të Radio-Televizionit Shqiptar që me punën profesionale dhe me personalitetin e saj u bë një ndër figurat më të respektuara të ekranit”. Në një prononcim për Shqiptarja. Com spikerja, Tefta Radi thotë se, ndihet shumë e nderuar dhe se ky urdhër e vë përpara përgjegjesish të mëdha. Duke u ndalur te dekorimi ajo thotë se , “ndihem vërtet e lumtur që pas një jetë mbi 40 vjet aktive në gazetari, të jem në krahë të gazetareve të mrekullueshme që dekorohen si, Nexhmije Zajmit një emër i madh në gazetarinë amerikane. Po ashtu më vjen mirë që do të kem në krahë Adile Xhabijen, gazeteren e parë të radio Shkodrës , një grua shumë e formuar dhe kompletuar në cdo aspekt”, vlerëson Radi.
Fillesat e saj do të ishin në radio Tirana dhe më pas në Televizion. E pyetur se cilën do të veçonte prej tyre Radi thotë se, është shumë e vështirë ti ndash nga njëra-tjetra.
“E kam të shumë të vështirë ti ndajë. Fillesat e mija janë në radio ku kam punuar me folësa shumë të mirë , si Kico Fotiallin, Elsa Xhajën, Dhimitër Gjokën, Land Roshin, Ben Kamberin, etj”, u shpreh Radi. Sipas saj, “nëse radio është një komoditet për të qënë më e qetë nga ekrani, ky i fundit ka emocionin jo vetëm të fjalës së pastër, por dhe të transmetimit të diksionit, të llogjikës, e gjithçkaje. Vec kësaj televizioni ka edhe emocionin e paraqitjes, veshjes dhe anës estetike”, shprehet Radi.
Duke folur per gazetarinë mes dy periudhave asaj komuniste dhe postkomuniste Radi pohon se, ka ekzituar një autocensurë që për fat të keq eksizton edhe sot.
“Gazetaria në diktaturë ishte e politizuar, por për hir të së vërtetës struktura e televiziznionit ka qënë shumë e pasur me emisione për të gjitha ciklet, moshat, kategoritë socilae por ana ideologjike ishte anë ideologjike”, tha Radi duke shtuar se, edhe sot vihet re një autocensurë. Televizionet e kanë një ngjyrim majtas, djathtas, shumë herë e kalojnë sensin e masës, megjithëse nuk dua ta përgjithësojë sepse ka ekrane që janë vërtet për tu admiruar. Në këtë drejtim ajo i sugjeron gazetarëve të rinj të rrinë larg politikës dhe keqpërdorimit prej saj.
(ab/shqiparja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Mos harroni çadrat! Reshje shiu dhe temperatura deri në 14 gradë

Mos harroni çadrat! Reshje shiu dhe temperatura deri në 14 gradë

28 Nëntor, 07:23