POP 5

Lajmet më të lexuara të 5 minutave të fundit

Sociale

Tekstet shkollore, Leka:Zgjidhen
vetëm tre tekste, s'ka monopol

Unifikimi i teksteve shkollore si dhe alterteksti nuk do të ekzistojnë më pasi problem ii teksteve është zgjidhur tashmë. Në një intervistë për A1Report, Agim Leka sqaron se udhëzimi i ri i ministrisë parashikon zgjedhjen e tre teksteve e më pas punimin me to. Sipas Lekës procesi i përzgjedhjes së teksteve nga shtëpitë botuese nuk do të krijojnë monopol.  VIDEO
TIRANE - Përzgjedhja e teksteve shkollore ka qënë një ndër debatet e nxehta në lidhje me arsimin, por që duket se tashmë ka gjetur zgjidhje.
 
Agim Leka, Këshilltari i ministres Lindita Nikolla, në një intervistë për A1Report shprehet se tashmë ka nisur procesi drejt përzgjedhjes së teksteve cilësore.

“Ne kemi negociuar një proçes shumë serioz, një garë të hapur për botimin e teksteve të reja shkollore dhe ky hap i ri qe po bëhet shënon fillimin e reformës në fushën e teksteve,” – thotë Leka.

Lidhur me propozimin e tekstit unik dhe alterteksteve, Leka thotë se tashmë me përzgjedhjen e vetëm tre teksteve hyjmë në një fazë të re të arsimit parauniversitar.
 
“Përzgjedhja e librave dhe administrimi i proçesit të shpërndarjes përfundimisht është ndërtuar sipas standarteve të një shteti serioz siç e kemi ndërtuar ne politikën edhe në fushën e arsimit. Prodhimi i teksteve cilësor dhe kjo duhet të jetë e qartë nga njerëzit, prodhimi i teksteve cilësore nuk është një gjë që bëhet shumë thjesht sepse bëhet fjale për të prodhuar tekste cilësore të standarteve europiane 171 tekste,” – thotë ai.
 
Agim Leka po ashtu thotë se përzgjedhja e tre teksteve nuk lejon hapësira për monopoli pasi përzgjedhjen përfundimtare sërish do ta bëjnë mësuesit.
 
“Mësuesit përsëri duhet të zgjedhin tekstin më të mirë midis këtyre tre teksteve. Modeli i përzgjedhjes tashmë është një model i gjith pranuar sepse ne vjet e bëmë këtë model dhe botuesit, mësuesit dhe nxënësit nuk patën kondestime domethënë as grupet e interesit dhe vet botuesit e pranuan që modeli i zgjedhjes së vjetme të teksteve nga mësuesit ka qenë një model korrekt,” - shprehet Leka.
 
Faza e aplikimit për teste nga shtëpitë botuese pritet të mbyllet në 18 qershor ndërsa Leka thotë se me një marrëveshje kjo edhe mund të shtyhet për pak ditë nese do ta kerkojne botuesit.

Redaksia online
(f.m/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Elbasan/ Dy të rinjtë u larguan nga Komisariati më 31 dhjetor, AMP pezullon nga puna 3 efektivët! Nuk parandaluan arratisjen e tyre

Elbasan/ Dy të rinjtë u larguan nga Komisariati më 31 dhjetor, AMP pezullon nga puna 3 efektivët! Nuk parandaluan arratisjen e tyre

15 Janar, 16:41