Televizionet ruse nxisin tensionet me Ukrainën: Nacionalistët e Kievit planifikojnë të masakrojnë rusët

Që nga viti 2014, media ruse pro-Kremlinit ka akuzuar forcat ukrainase për kryerjen e mizorive kundër civilëve, shpesh me prova në mungesë.

Gjatë fundjavës, emisionet kryesore të lajmeve politike në kanalin shtetëror të Rusisë Rossiya 1 dhe NTV të Gazprom-Media transmetuan nga rajoni lindor i Ukrainës Donbas, ku flisnin për masakra dhe të vrarë rusë nga ukrainasit, mes tyre edhe fëmijë, duke lënë të kuptohet se ata ishin viktima të krimeve të luftës.

Prezantuesi i Rossiya 1, Dmitry Kiselyov, pretendoi se "mijëra civilë janë torturuar dhe vrarë egërsisht" në Donbas dhe akuzoi Perëndimin për "injorimin me kokëfortësi të krimeve të regjimit të Kievit". Këto deklarata u shoqëruan me një mbishkrim: "Ata po përgatiten të vrasin".

Raporti i një korrespondenti më vonë tregoi një luftëtar separatist që pretendonte se nacionalistët ukrainas kishin kërcënuar se "do të vinin t'ju vrisnin dhe t'ju thernin të gjithëve".

Veçanërisht, disa nga pretendimet e programeve kishin të bënin me fazat e mëparshme të konfliktit dhe praktikisht nuk kishte asnjë raportim për luftime aktuale që po ndodhnin atje për momentin.

Lajmi kryesor:

Frika nga pushtimi rus i Ukrainës rritet! Rusët japin sërish shenja pozitive: Të vazhdojnë bisedimet! Zelensky: Anëtarësimi në NATO, garanci për sigurinë e vendit

TAG:
• ukraine
• Rusi
• konflikti rusi-ukraine