Temperaturat ekstreme deri në 41 gradë në muajin korrik, e që ende vijojnë, kanë shtuar kërkesën për kondicionerë, duke i bërë ato produktin më të kushtueshëm për muajin korrik.
Sipas të dhënave të INSTAT, nëse e bëjmë krahasimin me korrikun e vitit 2023, shtrenjtimin më të madh muajin e kaluar e pati grupi “Mobilie e pajisje shtëpie”, me 3.5%, ku shkaku kryesor është shtrenjtimi i kondicionerëve. Brenda këtij grupi, me 7.1% është rritur çmimi i kondicionerëve, ndikuar nga kërkesa e lartë në treg për këtë pajisje, çka automatikisht ka sjellë edhe shtrenjtim.
Grupi i dytë me shtrenjtimin më të madh është ai i veshjeve dhe këpucëve, me 3.3% krahasuar me korrikun e vitit të kaluar. Më të larta në muajin e kaluar kanë qenë veshjet e fëmijëve dhe burrave sipas INSTAT.
Sezoni veror ka shtuar fitimet për bizneset, por edhe ‘dozën e abuzimeve’. Çmimet e akomodimit (dhoma hoteli, apartamente etj) u rritën me 5.5% në korrik, kurse qiratë e tjera jo vetëm të apartamenteve, por edhe të makinave u rritën me 3.5%. Gjithashtu alkooli e duhani ishin 3.1% më të larta për konsumatorët. Të dhëna këto që lidhen me sezonin veror dhe tregojnë kërkesën e lartë për këto mallra apo shërbime, që është shoqëruar edhe me çmime më të kripura.
Kurse çmimet e ushqimeve krahasuar me korrikun e kaluar u shtrenjtuan me 1,9%. Edhe në këtë pikë, duket se turizmi ka pasur ndikimin më të madh, pasi shtrenjtimi më i madh është regjistruar tek produktet e peshkut me 5,4 %, pasuar nga bulmeti e vezët me 3,5%, zarzavate me rritje prej 3,4% për të vijuar me ëmbëlsirat që kushtuan 2.8% më shumë dhe mishi 2.6% rritje krahasuar me vjet. FOTO
Pavarësisht këtyre shifrave, inflacioni mesatar në korrik mbeti në nivelin 2.1% aq sa ishte edhe në qershor, ku ndikimin më të madh në formimin e tij mujor e kishin përsëri ushqimet, ndjekur nga energjia elektrike dhe mobilimi i shtëpisë. (Grupet që ndikuan në inflacionin në korrik-ushqimet dhe pije joalkoolike me +0,68%, “Qira, ujë, lëndë djegëse dhe energji” me +0,43%, “Mobilje, pajisje shtëpie dhe mirëmbajtje e shtëpisë” ndikuan me +0,26% etje).
Inflacioni i muajve të fundit është poshtë objektivit të Bankës së Shqipërisë prej 3%. Në këto kushte duhet të ishte lehtësuar politika monetare, dhe të ulej përsëri norma bazë e interesit, por Banka vlerëson se rritja e shpejtë e pagave, e pa mbështetur në produktivitet po rrit kostot e prodhimit në vend, dhe mund të çojë në një valë tjetër inflacioni, ndikuar nga faktorët e brendshëm.
Lajme të tjera
-
Fatos Çoçoli: Sa fitojmë nga SEPA si qytetarë?
22 Nëntor, 15:19
-
Transfertat kombëtare në euro u rritën me 33% për 10-mujorin e këtij viti
22 Nëntor, 14:54 -
Shqipëria në SEPA/ Ambasadori Gonzato takim me Sejkon: Moment historik, qytetarët dhe bizneset më afër tregut unik të BE
22 Nëntor, 11:21 -
Shqipëria anëtare e SEPA-s, Sejko: Kostoja e pagesave ndërkufitare në euro, 5 herë më e ulët! Kursimi në ekonomi 20 mln euro në vitin e parë
21 Nëntor, 17:50 -
Shqipëria pranohet zyrtarisht në SEPA
21 Nëntor, 16:38 -
Parapagimi i tatimit nga profesionet e lira, Malaj: Brenda dhjetorit do kthehen shumat e paguara
21 Nëntor, 15:36 -
Vrojtimi i Bankës së Shqipërisë/ 37% e bizneseve kanë një borxh për të shlyer! Të vegjlit marrin hua për shpenzime të papritura, të mëdhenjt 'zhyten' për investime
19 Nëntor, 22:34
-
Thellohet rënia/ Eksportet e mallrave tkurren me 530 mln euro nga janari në tetor!
18 Nëntor, 14:09
-
Këshilli Europian i Pagesave shqyrton aplikimin e Shqipërisë në SEPA
16 Nëntor, 12:09 -
Zhvlerësimi i euros, BSH: Po bëjmë analiza për të ndërhyrë për të ndaluar rënien e shpejtë
15 Nëntor, 11:10 -
Banka e Shqipërisë kërkon rishikim të skemës së pensioneve, rrezik për financat publike! Zv/ Guvernatorja ep opinionin për pr/buxhetin 2025 tek 'Ekonomia'
15 Nëntor, 10:04 -
Vrojtimi i Bankës së Shqipërisë: 24% e familjeve shqiptare jetojnë me borxhe! Pjesa më e madhe për konsum e shëndetësi, 20% blejnë ‘ushqime me listë’
14 Nëntor, 18:48
