Temperaturat e larta mbushin urgjencën e Fierit! Shfaqin simptoma helmimi dhe viroza, mjeku: Trajtojmë 200 pacientë në ditë

Temperaturat e larta kanë shtuar ndjeshëm numrin e të sëmurëve me virozat e stinës dhe helmimet në Fier. Mjekja tha se kërkojnë ndihmë mjekësore rreth 200 pacientë në ditë.

Temperaturat e larta kanë shtuar numrin e pacientëve në Fier. Çdo ditë në urgjencë kërkojnë ndihmë mjekësore rreth 200 persona të prekur nga virozat por dhe helmime nga ushqimet dhe konsumi i produkteve të ruajtura në vende të papërshtatshme.

“Muajt korrik dhe gusht janë muajt që ne jemi më të zënë, ka raste që mund të shkojë deri ne 200 raste në ditë, kryesisht nga helmimet, hipertensioni.”- tha Elca Gjini, mjeke.

LEXO EDHE:
Fier, përplasen dy automjete tek 'Ura e Mbrostarit', drejtuesja e Wolksvagenit dërgohet në spital

Teksa bën apel për kujdes, mjekja nënvizon rrezikun e goditjes nga dielli.

“Njerëzit duhet të jenë shumë të kujdesshëm, të mos dalin në pikun e të nxehtit, sidomos moshat e 3-ta sepse e vuajnë me shumë temperaturat e larta. Pacienti vjen, vlerësohet nga ana mjekëve, jepet ndihma e parë më pas trajtohet nga mjeku I familjes ose me trajtime ambulatore.”- tha mjekja.

Temperaturat e larta janë reflektuar me shqetësime shëndetësore më së shumti tek mosha e treta, sidomos tek të sëmurët kardiakë dhe ata me hipertension.

G.MO/E.H/Shqiptarja.com

TAG:
• elca gjini
• Spitalet
• Fier