Temperaturat e ulëta dhe ngricat, Drejtori i Përgjithshëm i UKT në Tiranë: Qytetarët të izolojnë tubat dhe matësit! 30 grupe të gatshme në terren për të zgjidhur problematikat

Drejtori i Përgjithshëm i UKT Tiranë, Elton Kacidhja i ftuar në “Sot Live në Shqipëri” me gazetarin Andi Kapxhiu teksa foli për problematikat e mundshme që mund të hasin qytetarët ditët e fundit për shkak të temperaturave të ulëta, tha se në terren janë rreth 30 grupe të gatshme dhe në dispozicionin e tyre për t’i ofruar shërbimet e nevojshme.
Ai shtoi se deri më tani nuk janë konstatuar problematika serioze.

“UKT nëpërmjet një plani ka vendosur në dispozicion rreth 30 grupe mirëmbajtjeje për të qenë në gatishmëri të problematikave që mund të shfaqen. Aktualisht nuk kemi asnjë problem të konstatuar përveç problematikave të vogla. Kemi publikuar një lajmërim zyrtar, sidomos për ata që i kanë tubat e ujit të jashtme, pasi aty zakonisht për shkak se janë të ekspozuar, ndodh ngrica shpërthejnë. Deri më tani s’kemi patur problematike, qytetarët i janë përgjigjur njoftimeve tona dhe kanë marrë masa.”, u shpreh ai.

Kacidhja i ftuar në Report Tv, sugjeroi se tubat e ujit dhe matësit që kanë kontakt me jashtë dhe me temperaturat e ulëta duhet të mbështillen me lecka ose materiale izoluese, në mënyrë që mos të ngrinë dhe shpërthejnë.

“Duhet t’i mbështjellin matësin dhe pjesën e tubit me lecka ose me mjete të tjera izoluese, Deri në 4-5 ditë që do të jenë temperaturat nënë zero, por edhe nëse ato shpërthejnë grupet tona do të jenë të gatshme për të bërë riparimet.”, tha ai.

Gjatë fjalës së tij ai dha dhe numrin “jeshil” ku çdo qytetar mund t’i drejtohet për problematika e tij.

“Numër kontakti: 08004488, mund të marrë çdo qytetarë 24 orë në 24 dhe një grup i taskforcës do të shkojë në çdo moment pranë banese”, sqaroi ai.

Drejtori i Përgjithshëm i UKT në Tiranë, tha se deri më tani nuk ka patur problematika në furnizimin dhe shpërndarjen e ujit dhe se gjithçka është nën kontroll.

“Jo nuk ka mungesë në furnizim. Linja e transmetimit dhe shpërndarjes janë nën kontroll. Problemet më të mundshme janë tek pikat fundore, tek sahati apo tubi. Mbase në ditët në vijimi që temperaturat do të shkojnë -8 gradë.”, u shpreh ai.

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • drini: 24/01/2022 12:16

    Ky drejtori sa euro m2 ja shiti shtepine Almes?

    Përgjigju
  • Sondazhi i ditës:

    A mendoni se Presidenti i ri do të jetë një prej emrave të propozuar nga opozita?



×

Lajmi i fundit

John

10 mln euro grante për Start Up-et për sipërmarrësit e rinj, ministrja Bilali në ‘Pa Protokoll’: Aplikimet të hapura që nga 16 maji, ja 3 kategoritë që përfitojnë