Ditën e sotme moti do të dominohet nga kthjellime dhe vranësira të dukshme të cilat sjellin reshje të pakta dëbore në zonat të izoluara në Veri dhe Lindje por pasditja dhe në vijim sjellin shtim të kthjellimeve në të gjithë territorin.
Temperaturat e ajrit ulen me 4-5 gradë celcius në mëngjes dhe mesditë duke bërë që vlerat minimale dhe maksimale të luhaten nga -9 në 10 gradë celcius, gjatë mesditës.
Era do të vijojë të fryjë nga mesatare dhe shpesh herë e fortë, me shpejtësi deri në 75 km/h nga drejtimi Verior-Verilindor duke krijuar në det dallgëzim mbi 6 ballë.
Ndërkohë ditën e nesërme (e martë, 7 janar) pritet të jetë një ditë shumë e ftohtë ku sipas 'MeteoAlb' temperaturat pritet të shkojnë deri në -12 gradë celcius në zonat malore, por mesdita do të sjellë një përmirësim të kushteve atmosferike ku temperaturat pritet të arrijnë maksimumin 12-13 gradë celcius. Megjithatë era edhe për ditën e nesërme pritet të jetë shpesh e fortë me shpejtësi 50 km/h.
Ditën e djeshme, era e fortë në Tiranë por jo vetëm shkaktoi mjaftë probleme. Në kryeqytet u rrëzuan shumë pemë përfshi edhe pemën dekorative në Sheshi Skënderbej. por nuk munguan as rënia e tullave e sendeve të tjera metalike duke u kthyer në një rrezik për qytetarët.
Foto ilustruese
Teksa sy ditë më parë u njoftua se në pikën kufitare të Kapshticës se do të ndalohej kalimi i mjeteve të tonazhit të lartë drejt Greqisë për shkak të prezencës së akullit, mesditën e kësaj të hënë lëvizja është kryer normalisht.
Burime zyrtarë bëjnë me dije për Report Tv se aktualisht të gjithë kamionët që kanë destinacion Kapshticë-Kostur apo më tej, do të lejohen. Kjo ka ardhur për shkak të përmirësimit të kushteve atmosferike.
Ndërkohë në këtë pikë kufitare ka patur edhe një fluks të shtuar të emigrantëve që kthehen në Greqi apo në vendet e tjera ku punojnë dhe jetojnë, pas kalimit të festave në Shqipëri.
Si pasojë e erës së fortë, dëborës dhe ngricave ka pasur probleme në disa akse rrugore. Autoriteti Rrugor Shqiptar thekson se janë në gatishmëri për përballimin e çdo situate, ndërkohë që vijon puna për pastrimin e akseve dhe kriposjen në vendet ku ka ngrica dhe akull nga temperaturat e ulëta.
SITUATA NGA ARRSH
Rajoni Verior
Gjatë natës problem kanë qenë temperaturat e ulëta dhe era e fortë. Ne segmentin “Kuben-Vasije” ka pasur reshje bore 4-5 cm, shoqëruar me erë të fortë në formë cikloni. Qarkullimi realizohet normalisht dhe pa zinxhirë në të gjitha akset e rajonit verior.
Rajoni Qendror
Në të gjitha akset e Rajonit Qendror qarkullimi kryhet normalisht. Vazhdon puna për spërkatjen me kripë në vendet ku ka akull e ngrica.
Rajoni Jugor
Në akset rrugore të Rajonit Jugor qarkullimi kryhet normalisht. Nuk ka pasur reshje gjatë natës. Temperatura deri në -7 ° në disa zona, si: Dardha dhe Qafa e Qarrit ku ka pasur dhe erë të fortë. Është punuar me kriposjen e akseve.
Deti i trazuar dhe era e fortë në brigjet e Italisë jugore kanë penguar natën e kaluar nisjen e dy trageteve të linjës Bari – Durrës. Nga të dhënat e Qendrës së Informacionit në Autoritetin Portual Durrës, mësohet se dy tragete të tjerë, “Rigel III dhe “AF Marina” janë nisur nga Durrësi drejt Barit sot rreth orës 00.40 dhe tashmë po ankorohen në portin italian.
Dy tragetet e tjerë “Rigel II” dhe “AF Francesca”, që pritej të mbërrinin rreth orës 21.00 të së dielës nuk u nisën dot nga Bari për arsye të motit të keq me det të trazuar dhe erë të fortë.
Ndërkohë kompanitë e lundrimit njoftojnë se kanë marrë masa për njoftimin e udhëtarëve me anë të telefonit për ndryshimet e orareve të nisjes së trageteve.
Pesë persona kanë marrë lëndime nga era e fortë që përfshiu Tiranën ditën e djeshme. Këto qytetarë janë paraqitur në spitalin e Traumës për të marrë mjekimet e nevojshme dhe me pas janë kthyer në banesat e tyre. Ditën e djeshme kryeqyteti por jo vetëm u përfshi nga një stuhi ku era arrinte deri në 80 km/h.
Moti i keq ka bërë që në qytetin e Kukësit dhe në zonat përreth të ketë reshje intensive të dëborës. Megjithatë mëngjesin e sotëm sipas të dhënave nga Bashkia e Kukësit nuk ka asnjë rrugë të pa kalueshme për shkak të dëborës.
Nga firma kontraktore ka filluar pastrimi i akseve më problematike dhe atyre që janë me fluks të lartë lëvizjesh.
Kapiteneria e Portit Vlorë ka njoftuar se lundrimi i anijeve të peshkimit dhe mjeteve të vogla lundruese do të jetë i pezulluar edhe përgjatë ditës së sotme deri nesër (07.01.2019) mbas orës 06:00 të mëngjesit. Ky pezullim i lundrimeve vjen për shkak të dallgëzimit të fortë në det dhe përkeqësimit të motit. Ndërkohë pritet që në ditët në vijim kushtet atmosferike të përmirësohen dhe lundrimet do t'i kthehen normalitetit.
Lajme të tjera
-
Fushë Arrëz/ Reshjet e dëborës vështirësojnë qarkullimin në Iballë, borëpastrueset në terren (VIDEO)
26 Dhjetor, 09:38 -
Ballkani nën stuhi të forta bore
25 Dhjetor, 12:44 -
Reshjet e dëborës në disa akse, ARRSH: Drejtuesit e mjeteve të pajisen me goma dimërore dhe zinxhir! Borëpastrueset në terren
24 Dhjetor, 08:39 -
Moti për sot/ Reshje shiu dhe dëbore në gjithë territorin
24 Dhjetor, 07:40 -
Moti i keq/ Pezullohet lundrimi i trageteve Durrës-Bari e anasjelltas, në Vlorë trageti mbetet në radë! Rruga e Arbrit e pakalueshme
23 Dhjetor, 13:45 -
Mot me shi, ndalohet lundrimi i peshkarexhave në Vlorë! Vijon normalisht për tragetet
20 Dhjetor, 10:29 -
Bulqizë/ Reshje të dendura shiu, bëhet e pakalueshme rruga që lidh dy lagjet e qytetit! Banorët heqin këpucët për të kaluar (VIDEO)
15 Dhjetor, 11:51 -
Moti i keq/ Kapiteneria e Portit të Durrësit dhe Vlorës ndalon sot lundrimin e anijeve të vogla të peshkimit! Tragetet vijojnë normalisht
14 Dhjetor, 10:06 -
Moti i keq/ Reshje të dendura bore në veri të vendit! Vështirësi në qarkullim, Policia thirrje drejtuesve: Përdorni zinxhirë
9 Dhjetor, 07:29 -
Moti i keq/ Korça dhe veriu i vendit nën ‘pushtetin’ e borës, trashësia deri në 60 cm! Mijëra banorë pa energji, s'ka probleme me qarkullimin (VIDEO)
1 Dhjetor, 09:48 -
Aksident nga moti i keq në aksin Morinë-Kukës, mjeti del nga rruga! S'ka persona të plagosur
30 Nëntor, 21:55 -
Reshjet e dendura të dëborës në Rrugën e Kombit dhe Bulqizë, policia apel shoferëve: Pajisuni me zinxhirë dhe goma dimërore, asnjë aks rrugor i bllokuar
30 Nëntor, 16:30
