Për shkak të lëvizjes së madhe të popullsisë dhe largimit të njerëzve jashtë kufinjve shqiptarë, sot nuk dihet saktë vendodhja e adresës së këtyre personave. Kjo situatë ka sjellë mjaft probleme për shumë institucione shtetërore dhe private. Nisur nga kjo gjëndje ministria e Punëve të Brendshme ka hapur procedurat tenderuese për ndërtimin e një ndërfaqe komunikimi ndërmjet Regjistrit Kombëtar të Gjëndjes Civile dhe Regjistrit Kombëtar të Adresave.
Nëpërmjet kësaj faqe, që do kushtojë 91 milionë lekë të reja (Pa TVSH), ministria e Brendshme synon të rregjistrojë të gjitha adresat e qytetarëve në Shqipëri por dhe të emigrantëve, për të ditur vendodhjen e tyre, jashtë kufinjve të Shqipërisë. ”Shqiptarja.com” mëson se procedura tenderuese ka nisur në 17 tetor 2016 dhe mbyllet në 15 nëntor të këtij viti.
Një burim pranë ministrisë tha se deri në këtë kohë kanë shfaqur interes dhe kanë dhënë disa kompani oferta financiare për ngritjen e sistemit elektronik, që do të arrijë të komunikojë mes Regjistrit Kombëtar të Gjëndjes Civile dhe Regjistrit Kombëtar të Adresave.Gjithashtu tashmë ka nisur dhe procesi i rekrutikmit të 1200 personave që do shpërndahen në gjithë vendin për të ndërtuar adrrestarin e ri.
Adresat kërkojnë vetëm dollarë
Rezulton se në vitet 2006-2010 janë akorduar 57 milion dollarë fonde nga institucionet BE-OSBE-BB dhe 6.5 milionë dollarë nga buxheti i shtetit, për të ndërtuar dhe futur në funksionim sistemin e adresave në Tiranë e në rrethe. Madje, janë bërë edhe përurime shtetërore të realizimit të adresarit dixhital e fizik me tabela emërtesash, zyra informacioni e guida orientuese në qendra publike, lidhur me gjetjen e adresave. Por në Shqipëri, adresat nuk gjenden lehtë.
Në këtë katrahurë adresash, ku nuk dihet nga të shkosh për të arritur në destinacion, përveç se nuk ka adresa, në 70 për qind të qendrave të banimit e shërbimit nuk ka as zyra adresash, për të marrë ndihmën e duhur. Kështu, jo vetëm të huajt, por dhe shqiptarët, madje edhe vetë postierët që kërkojnë të gjejnë adresa për të realizuar shërbimet me institucionet, shkollat, spitalet, rrugët, lagjet, blloqet e banimit, apartamentet, hotelet etj, vazhdojnë të vijnë vërdallë rrugëve. Mos funksionimi i sistemit të adresave shpesh herë sjell dengje me letra dhe kolive në magazinat postës, të cilat nuk dërgohen në kohën e duhur për shkak të mos gjetjes së adresave.
Në janar 2008, Ministria e Brendshme, shpalli datën 30 shtator 2008, si afatin e fundit për kompletimin e adresave në 30 mars 2009, nuk do kishte asnjë rrugicë, as në komuna… pa adresë. Realisht adresat mungojnë në 40 për qind të mjediseve publike, ndërkohë që nuk i dinë as postierët, paçka se ky projekt ka marrë 63.5 milionë dollarë.
Regjistrim emigrantëve
Mirëpo pavarësisht këtyre shpenzimeve,në nëntor të vitit 2015, qeveria aktuale ndërmori iniciativën për të realizuar një sistem të ri të adresave dhe realizimin e përditësimit të të dhënave të tij. Aktualisht, është realizuar sistemi i adresave, duke përfshirë funksionalitetet e munguara dhe është realizuar përditësimi i të dhënave si dhe është përshtatur sipas reformës territoriale.Gjithashtu, në vijim të regjistrimit te adreses së shtetasve shqiptare, qeveria ka ndërmarrë një iniciativë,mundësimin e deklarimit të adresës së shtetasve shqiptare që jetojnë jashtë territorit të Shqipërisë, duke mundësuar kështu identifikimin e çdo shtetasi shqiptar me adresat e tyre.
Problemet në sistem
Regjistri Kombëtar i Gjëndjes Civile funksionon siç duhet në nivel qëndror dhe lokal. Ajo që mungon në situatën aktuale, është që ky regjistër duhet të aksesojë të dhënat e Regjistrit Kombëtar të Adresave dhe gjithashtu mungon një platformë që të realizojë shkëmbimin e vazhdueshëm të të dhënave ndërmjet këtyre dy regjistrave. Një shkëmbim i tillë i të dhënave do të mundësonte Zyrat e Gjëndjes Civile që të bënin regjistrimin e banoreve në adresën korrekte dhe zyrtare. Gjithashtu, Regjistri Kombëtar i Adresave funksionon siç duhet në nivel qëndror dhe është në proces të shtrirjes së tij në nivel lokal. Sikurse u përmend edhe në paragrafin e mësipërm, mungon shkëmbimi i të dhënave ndërmjet RKA dhe RKGJC.
Redaksia Online
(Er.Nu/Shqiptarja.com)
Lajme të tjera
-
'Krimet me armë të lehta ndodhin kudo por në Shqipëri është më i ashpër' Ambasadori i OSBE-së: Siguria nuk është vetëm përgjegjesi e policisë
20 Nëntor, 17:32
-
Goditja e korrupsionit politik, financimi i partive dhe kufizimi për punësimin e titullarëve pas mbarimit të detyrës! Zbardhen disa nga propozimet në Komisionin e Posaçëm
13 Nëntor, 09:47 -
Mbahet tryeza e parë për Dokumentin Analitik, ekspertët zbulojnë gjetjet dhe rekomandimet për integritetin e administratës publike dhe konsolidimin e shërbimeve digjitale
4 Nëntor, 20:27 -
'Mashkull, femër apo të tjera', OSBE flet për sondazhin: E konsultuam me Kuvendin
29 Tetor, 09:18
-
Fitorja e partisë proruse, Presidentja e Gjeorgjisë thotë se nuk e njeh rezultatin e zgjedhjeve
27 Tetor, 22:27 -
'Mashkull, femër apo të tjera, çfarë gjinie je?', Tritan Shehu denoncon 'sondazhin' e OSBE-së për deputetët: Fyes, refuzoj ta plotësoj
24 Tetor, 20:21 -
Prapaskenat e garës për sekretarin e Përgjithshëm të OSBE, Shqipëria me kandidaturën e Igli Hasanit mund rivalin turk! Si do zgjidhet në Vjenë
26 Shtator, 17:15 -
Pas Celibashit, ambasadori i OSBE-së në Shqipëri takohet me Presidentin Begaj
7 Qershor, 21:05 -
Vota e diasporës/ OSBE: Mbeten vetëm 10 muaj për ta realizuar, e vështirë edhe për vendet e zhvilluara! Partitë të gjejnë marrëveshje sa më shpejt
4 Qershor, 20:59 -
PROFILI/ Merr detyrën kreu i ri i Prezencës së OSBE-së në Shqipëri, Tarran: Pres me padurim të punoj krah partnerëve shqiptarë
22 Maj, 11:51 -
Lufta në Ukrainë/ Moska: Sulmi në Belgorod nga Kievi u krye me armë të furnizuara nga NATO
12 Maj, 16:45 -
Basha takon ambasadoren e OSBE, në fokus reforma zgjedhore dhe drejtësia
18 Prill, 19:56
