Tenderi te 'Unaza e Re'', Prokuroria: Hetim për shpërdorim detyre dhe falsifikim të dokumenteve

Tenderi te 'Unaza e Re'', Prokuroria: Hetim për shpërdorim detyre dhe falsifikim të dokumenteve

Projekti për 'Unazën e Re'

Prokuroria e Tiranës njofton se ka nisur hetimet për kompaninë "DH Albania shpk" që ka fituar tenderin e lotit të parë të Unazës së Madhe, pas denoncimit në emisionin "Të Paekspozuarit" se ka falsifikuar dokumentet për t'u bërë pjesë e garës. Kompania ka fituar tenderin 18.8 mln euro për një pjesë të punimeve të Unazës.  

Report Tv mëson se "prokuroria po kryen veprimet hetimore, në lidhje me faktet e bëra publike mbi rregullshmërinë e veprimeve të kryera, për ndërtimet e planifikuara në Unazën e Re". Ndërsa në një njoftim të shpërndarë për mediat, prokuroria sqaron se "verifikimi bëhet për veprat penale të Shpërdorimit te detyres, parashikuar nga neni 248 i Kodit Penal, Falsifikimi i dokumenteve, parashikuar nga neni 186 i Kodit Penal, Shkelje e barazisë në tendera, parashikuar nga neni 258 i Kodit Penal".

"Prokuroria shqiptare garanton vlerësimin me objektivitet të fakteve, objekt i ketij hetimi duke kryer veprimet hetimore brenda një afati të arsyeshëm", thuhet ndër të tjera në njoftimin organit të akuzës. 

Ndërkaq, autoriteti Rrugor Shqiptar deklaroi sot se ndërpreu punimet në lotin Nr.1 të segmentit të Unazës e Re, që shtrihet nga Ura e Lanës deri tek mbikalimi i sheshit "Shqiponja" deri në sqarimin e pretendimeve të bëra mediatike (Lexo këtu). ARRSH theksoi se në rast se autoritetet amerikane do të konfirmojnë zyrtarisht pretendimet për falsifikime dokumentacioni nga kjo kompani, në zbatim të përcaktimeve ligjore, Autoriteti Rrugor Shqiptar do të zgjidhë kontratën në mënyrë të njëanshme dhe do ndjekë procedurat e tjera të përcaktuara në ligj.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sfh: 07/12/2018 21:10

    Kush ka shoerdoruar detyren? Erjon veliaj, Lul Basha apo Edvin k. Rama? Po nese te tre e kane shperdoruar, a do burgosen te tre?

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Nedim Bajrami objektivi i klubit surprizë të Serie A, drejtori e ndjek në stadium

Nedim Bajrami objektivi i klubit surprizë të Serie A, drejtori e ndjek në stadium