Tensione në veri, Begaj: Kosova dhe Serbia të dialogojnë, të respektohen  marrëveshjet e dakordësuara nga palët

 

Presidenti Bajram Begaj nga Azerbajxhani ka folur ehde një lidhje me situatën në veri të Kosovës. Begaj tha se dialogu është shumë i rëndësishëm e që vendet ta shohin njëri tjetërin jo përmes mërive të së djeshmes, por sipas mendësive të se ardhmes.

Sipas Begajt, stabiliteti rajonal është shumë i rëndësishëm e se Kosova dhe Serbia janë palë dialoguese për zgjidhjen e çdo mos-marrëveshje dhe të ndërtimit të një fryme të re bashkëpunimi mes njëri tjetrit.

‘Edhe në Rajonin e Ballkanit Perëndimor, dialogu është shumë i rëndësishëm, që ta shohim njëri tjetrin jo përmes mërive të së djeshmes, por mendësive të së ardhmes. Stabiliteti rajonal është shumë I rëndësishëm, Kosova dhe Serbia janë palë dialoguese për zgjidhjen e çdo mos-marrëveshje dhe të ndërtimit të një fryme të re bashkëpunimi mes njëri tjetrit. Respektimi i marrëdhënieve të dakordësuara nga palët si mes tyre dhe në forumet ndërkombëtare duhet të jetë pikë orientimi drejt paqes së qëndrueshme. Prosperiteti dhe jo konflikti duhet të jenë busulla e orientimit të mbarëvajtjes bilaterale dhe rajonale. Sa më shpejt të ndodhë diçka e tillë, aq më dobiprurëse do të jetë për popujt tanë.’- tha Begaj.

Lajmi kryesor:

Vizita në Azerbajxhan/ Begaj flet për Kosovën: Duhet dialog! Të shohim njëri-tjetrin jo përmes mërive të së djeshmes! Aliyev: Në fokus, rrjeti i gazsjellësit

M.Q./LR/Shqiptarja.com

TAG:
• Azerbajxhan
• Ilham Aliyev
• Bajram Begaj