Tensione në veri, Petkoviç publikon foto të policëve të Kosovës: Serbët në barrikada luftojnë për mbijetesë, Kurti po dërgon ROSU-në, shkel marrëveshjen

Drejtori i të ashtuquajturës zyre serbe për Kosovë, Petar Petkoviç

Drejtori i të ashtuquajturës zyre serbe për Kosovë, Petar Petkoviç, përmes një postimi në rrjetin social Twitter, ka postuar disa foto të policëve të Kosovës, të cilët kanë formuar me duar shqiponjën duke i quajtur kështu si rrezik. Petkoviç ka kërkuar që të gjitha shtetet që sulmojnë Serbinë të shohin fotot e policëve me armë në duar dhe me pretendimin që këta policë janë mbi spitalin e Mitrovicës veriore, ndërsa serbët ne barrikada thjesht janë duke luftuar për mbijetesë. Sipas mediave kosovare, ai  ka tentuar të viktimizohet, duke shpërndarë disa fotografi të policëve të Kosovës në veri të vendit.

“Evropë, a je duke parë tytat e gjatë në veri?! Evropë, a i sheh forcat speciale mbi spital? Ndërsa serbët në barrikada luftojnë thjeshtë për mbijetesë, Kurti po dërgon ROSU-në në veri me gisht në këmbëz!”, ka shkruar Petkoviç në një postim në Twitter. Sipas cilës pikë të ndonjë marrëveshjeje po qëndrojnë forcat speciale të Kurtit në veri të Kosovës? Nuk kanë çfarë të kërkojnë atje dhe prania e tyre është shkelje e qartë e marrëveshjes”, ka shkruar Petkoviç.

LEXO EDHE:
 ‘Ai po mbahet në ferr’/ 'DailyMail' për Sadik Durakun që u ndalua në Serbi për ‘krime lufte’ në 1999! E bija: Në atë kohë ishim në Britani

 

Lajmi kryesor:

Serbia nuk tërhiqet, Vuçiç: Më 15 dhjetor kërkesë NATO-s të fusim ushtrinë në Kosovë! Borrell: BE-ja e gatshme të shtojë trupat e EULEX-it! Rama: Prishtina ka mbështetjen tonë

F.D/Shqiptarja.com

TAG:
• tensione ne veri te kosoves
• Petar Petkoviç