POP 5

Lajmet më të lexuara të 5 minutave të fundit

Ekonomi

Tensione Serbi-Shqipëri? BIRN:
"Tregtia mes tyre vetëm me rritje"

Sipa një investigimi të BIRN, tregtia mes Shqipërisë dhe Serbisë, kanë njohur vetëm rritje duke arritur që vetëm gjatë vitit 2013, të jenë 170 milionë dollarë shkëmbime tregtare mes tyre, ndryshe nga 30 milionë dollarë të vitit 2007. VIDEO
Në një kohë kur kryeministri shqiptar Edi Rama ka mbërritur në Beograd në vizitën e tij zyrtare dy ditore, dhe kur marrëdhëniet politike mes dy vendeve paraqiten të tensionuara, e njëjta gjë nuk mund të thuhet për marrëdhëniet ekonomike.

Sipa një investigimi të BIRN, tregtia mes Shqipërisë dhe Serbisë, kanë njohur vetëm rritje duke arritur që vetëm gjatë vitit 2013, të jenë 170 milionë dollarë shkëmbime tregtare mes tyre, ndryshe nga 30 milionë dollarë të vitit 2007.

Sipas BIRN të dhënat e Institutit të Statistikave për import-eksportet mes dy vendeve tregojnë rritje galoponte, megjithëse kjo rritje ka pësuar luhatje të mëdha për shkak se një pjesë e mirë e tregtisë është e përqendruar në pak mallra.

shkembimet serbi shqiperi

Shqipëria importon nga Serbia energji elektrike, ushqime, produkte kimike, metale e materiale ndërtimi ndërsa eksporton drejt Serbisë energji elektrike, ushqime (përgjithësisht zarzavate) dhe materiale ndërtimi e metale.

Të dhënat e tregtisë së jashtme të raportuara nga INSTAT nuk janë të plota për shkak se energjia elektrike zakonisht regjistrohet si e importuar nga vendi ku është regjistruar kompania që ia shet Shqipërisë dhe disa kompani të tilla janë të regjistruara në vende të tjera pavarësisht se janë kompani serbe.

Përveç energjisë së importuar në linjën Beograd-Podgoricë-Shqipëri, vendi ynë ia shet, përgjithësisht disa kompanive serbe që dominojnë tregun energjetik të Ballkanit, energjinë e prodhuar tepër në kaskadën e Drinit në periudhat me shumë reshje. Importi tjetër i rëndësishëm i Shqipërisë nga Serbia është ai i skrapit, i cili shkrihet në Elbasan.

Rritja më e qëndrueshme e importeve të Shqipërisë nga Serbia i përket grupit Ushqim, Pije dhe Duhan. Në vitin 2007, në Shqipëri u importuan rreth 346 milionë lekë (3.4 milionë dollarë), ushqime nga Serbia ndërsa në vitin 2013, importet e këtij grupi arritën në 4.8 miliardë lekë.

Importet e drithit nga Serbia zunë pjesën më të madhe të importeve. Gjatë vitit 2013, Shqipëria importoi 81 mijë tonë drithë nga Serbia me vlerë të përgjithshme prej 2.9 miliardë lekësh. Serbia zë një të pestën e të gjitha importeve të drithit në Shqipëri.

Redaksia Online
(e.c/shqiptarja.com)

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Vota e diasporës/ Fleta e votimit u shkon në 2 zarfe! Shifrat e regjistrimit, ‘miratohen’ për rreth 55 mijë emigrantë

Vota e diasporës/ Fleta e votimit u shkon në 2 zarfe! Shifrat e regjistrimit, ‘miratohen’ për rreth 55 mijë emigrantë

28 Janar, 22:00 nga Danjela Maloku