Në Asamblenë Parlamentare të Këshillit të Europës, ditën e sotme do të diskutohet për tensionet në veri të Kosovës dhe do ketë përpjekje për të miratuar një rezolutë të përbashkët për të dënuar sulmin e 24 shtatorit, ku mbeti i vrarë polici Afrim Bunjaku.
Rezoluta është propozuar nga deputeti i CDU Knut Abraham si dhe deputetja PD pjesë e grupit të PPE në Këshillin e Europës, Jorida Tabaku. Deputetja Tabaku ka ndarë një video nga Këshilli i Europës, ndërsa thotë se përmes rezolutës kërkohet dënimi i sulmit, vendosjen para drejtësisë të personave përgjegjës, si dhe një hetim të plotë mbi sulmin.
“Nga Strasburgu Asambleja parlamentare e Këshillit të Europës, ku çështja e ditës do të jetë Kosova. Mbas prezantimit të një rezolute me deputetin gjerman, Knut Abraham. Sot, do të diskutohet në seancën e pasdites një diskutim urgjent ku do të fokusohem në 3 tema kryesore
Së pari, në dënimin e sulmit në veri të Kosovës. Vendosjen para drejtësisë të gjithë personave përgjegjës, qofshin instanca zyrtare apo grupe terroriste. Së treti, mbledhja e të gjithë provave që një hetim i plotë ndërkombëtar të vendos përpara drejtësisë të gjithë personat përgjegjës për këtë çështje E pamundur që të avancohet në procesin e dialogut, të rikthemi aq të nevojshëm të dialogut nëse ky akt terrorist nuk do sqarohet me Kosovën”, thotë Tabaku.
Projekt-rezoluta në shqip
“Asambleja Parlamentare është e shqetësuar për sulmin e dhunshëm të 30 paramilitarëve serbë, përfshirë nënkryetarin e Listës Serbe, Milan Radoiçiç, që ndodhi më 24 shtator në veri të Kosovës me armë të rënda luftarake kundër patrullave të policisë së Kosovës, duke vrarë një polic të Kosovës. Ne e dënojmë këtë akt agresioni në territorin e Kosovës. Gjithashtu, jemi të alarmuar nga mobilizimet e përsëritura të ushtrisë serbe përgjatë kufirit me Kosovën dhe rrëmbimi tre policëve të Kosovës në qershor të këtij viti. Asambleja Parlamentare vëren se ekziston një kërcënim në rritje për paqen dhe stabilitetin në rajon.
Kjo rezolutë i bën thirrje shteteve anëtare të Këshillit të Evropës që të dënojnë në mënyrë më të ashpër sulmin e 24 shtatorit dhe i'u bëjnë thirrje vendeve anëtare të BE-së të heqin masat e miratuara kundër Kosovës në qershor dhe të kërkojnë nga autoritetet serbe që të sjellin para drejtësisë përgjegjësit e sulmin, të cilër aktualisht banojnë në Serbi, në përputhje me sundimin e ligjit.
Kuvendi i bën thirrje qeverisë së Kosovës që të zbulojë të gjitha provat e incidentit dhe u bën thirrje institucioneve ndërkombëtare në Kosovë (p.sh. EULEX-it) që t'i vlerësojnë këto prova dhe të përcaktojnë nëse janë bindëse. Për më tepër, Serbia duhet të përmbahet nga çdo përpjekje e mëtejshme përshkallëzimi që cenon rendin kushtetues të Republikës së Kosovës si parakusht për bisedimet e mëtejshme të anëtarësimit në BE dhe disbursimin e fondeve. Këtu përfshihet përmbajtja nga gjuha e urrejtjes dhe përhapja e gënjeshtrave për “spastrim etnik” dhe “pogrome” në Republikën e Kosovës, për të cilat nuk ka dëshmi.”
Lajme të tjera
-
Kosovë/ Një vit pas vrasjes së policit, Banjska me rrugën e Afrim Bunjakut
28 Shtator, 17:37 -
Sot një vit nga ‘Banjska’, homazhe për heroin Afrim Bunjaku! Kurti: Ndërkombëtarët të detyrojnë Serbinë të mbajë përgjegjësi
24 Shtator, 10:02 -
KFOR: I pasaktë raporti ku thuhet se negociuam tërheqjen e sulmuesve serbë në Banjskë
26 Maj, 18:26 -
‘Fotoja ime me autorin që vrau policin në Fier ka 3 vite’, Luan Baçi reagon ndaj deklaratave të Felajt: Shfrytëzove mungesën time në seancë, gënjeve
17 Maj, 21:23 -
Kosovë/ Sekuestrohet tjetër arsenal armësh në veri, Sveçla: Janë të grupeve kriminale që sulmuan në Banjskë! Ndalohet ish-zyrtari i policisë
15 Maj, 00:35 -
Serbët bojkotojnë zgjedhjet, shqiptarët mbeten në krye të komunave në veri të Kosovës! Osmani: Vuçiç shkeli fjalën që u dha ndërkombëtarëve
21 Prill, 19:28 -
I dërguari i Gjermanisë për Ballkanin Perëndimor: Të vazhdohen hapat për krijimin e Asociacionit
13 Prill, 09:03 -
Kosova hap drejt anëtarësimit në KiE, eksperti i sigurisë: Serbia mund të përshkallëzojë situatën, grupet kriminale po përgatiten për sulm në veri
28 Mars, 12:29 -
Forcat serbe në kufi me Kosovën, eksperti i sigurisë: FSK gati për luftë, e shporrim përgjithmonë ushtrinë e Serbisë nëse na cenon integritetin territorial
22 Mars, 14:34 -
Kurti publikon videon: Ushtria serbe pranë kufirit të Kosovës, kërkojnë të provokojnë! Serbia: 'Pushtim' imagjinar
22 Mars, 07:45 -
Escobar takohet me familjen e Afrim Bunjakut, policit që u vra në Banjskë
18 Mars, 14:55 -
Inteligjenca e SHBA: Në Ballkanin Perëndimor priten përplasje ndëretnike në 2024
12 Mars, 08:11
