Tensionet në Veri, Rama thirrje autoriteteve në Beograd dhe Vuçiç: Mos ushqeni grupet për kundërshtimin e zbatimit të marrëveshjes

Kryeministri Edi Rama ka reaguar për tensionet në Veri duke treguar se mbështet vendimin e qeverisë së Kosovës për të shtyrë zbatimin e reciprocitetit për targat dhe mjetet ID. Ndër të tjera i bën thirrje autoriteteve në Beograd dhe Aleksandër Vuçiç që të mos ushqejnë grupet serbe në veri të Kosovës për t’iu kundërvënë zbatimit të marrëveshjes. Këtë qëndrim e mbajti gjatë konferencës për shtyp me kryeministrin e Spanjës, Pedro Sanchez.

“Folëm për Kosovën, dihet që Spanja a një pozicion të ndryshëm dhe të palëvizshëm për arsye që lidhen me vetë Spanjën e nuk kanë të bëjnë me asnjë lloj diskriminimi apo paragjykimi ndaj bashkësissë së shqiptarëve në Kosovë e të drejtës së tyre, por ne kemi diskutuar aq më tepër në kuadrin e një situate që mbrëmë vonë ka pasur përshkallëzim krejtësisht të paarsyeshëm pasi qeveria e Kosovës ka të drejtën dhe detyrën që të zbatojë marrëveshjet duke ushtruar sovranitetin territorial që buron nga një pavarësi në administrimin e shtetit dhe marrëveshjet e dakordësuara janë për tu zbatuar, jo për tu diskutuar.

Ne e përshëndesim edhe shtyrjen me 30 ditë të zbatimit të marrëveshjes, gjë që e ka mbështetur edhe Borell. U kërkua dhe nga SHBA përmes ambasadorit në Prishtinë. I bëj thirrje autoriteteve në Beograd, presidentit të Serbisë që të mos ushqejnë me asnjë lloj justifikimi apo alibie grupe të caktuara në veriun e Kosovës që për arsyet e tyre i kundërvihen zbatimit të një marrëveshje”, tha Rama.

LEXO EDHE:
Zyrtare/ FK Ballkani kampion i Kosovës për herë të tretë radhazi, Ilir Daja shkruan historinë në futboll

Lajmi kryesor:

Tensionet në Veri, Rama: Kosova ka të drejtë, Serbia të zbatojë marrëveshjen! Presidenti Begaj: U shmang një provokim

/r.k./Shqiptarja.com

TAG:
• Pedro Sánchez
• kosove
• edi rama
• Albin Kurti
• tensione ne veri te kosoves