Tensionet në Veri të Kosovës, ekspertja e SHBA-së: BE duhet ta kuptojë që Serbisë duhet t’i vihen disa kufij

Ivana Stradner, bashkëpunëtore shkencore në Fondacionin për Mbrojtjen e Demokracisë në Uashington, në një intervistë për REL, thotë se thotë se Bashkimi Evropian duhet të jetë sa më i ashpër me Beogradin.

“Bashkimi Evropian duhet ta kuptojë që Serbisë duhet t’i vihen disa kufij. Pra, ndihma më e paktë financiare apo masa të tjera shtesë. Serbia ende nuk i ka vendosur sanksione Rusisë. Pra, nuk është e mjaftueshme që Bashkimi Evropian vetëm të nisë një plan të tillë dhe të mendojë se çështja do të zgjidhet. Vetëm t’ua përkujtoj se para disa javësh (kryediplomati i Bashkimit Evropian, Josep) Borrell tha hapur se shpreson që ky është fundi i situatave intensive ndërmjet Kosovës dhe Serbisë. Nuk kanë kaluar as disa javë dhe ja, tashmë jemi, siç ka thënë ambasadori rus, buzë konfliktit”, është shprehur ajo.

LEXO EDHE:
Vuçiç bisedon me Scholzin për Asociacionin

Strander thotë po ashtu se Rusisë i konvenon konflikti në Ballkan” dhe aty po zhvillon luftë hibride.

“Rusisë, për ta destabilizuar Perëndimin, nuk i duhet që t’i shtyjë tanket në Uashington ose Bruksel, por i mjafton që të krijojë vatra të reja, në mënyrë që pesha e përqendrimit të zhvendoset plotësisht në veprimet tjera. Dhe, këtu nuk bëhet fjalë vetëm për Kosovën”, thotë Stradner.

Lajmi kryesor:

Dita e 4 e barrikadave në veri të Kosovës/ Escobar pas takimit me Kurtin: SHBA në krah të Kosovës nëse cënohet siguria! Stoltenberg: NATO është gati

S.C/Shqiptarja.com

TAG:
• tensione ne veri te kosoves