Policia e Shkodrës ka arrestuar gjatë operacionit të koduar "STOP" një 27-vjeçar të dyshuar si trafikant i qenieve njerëzore. Një ditë më parë policia ndaloi 19 shtetas afganë të cilët po përpiqeshin të kalonin kufirin drejt Malit të Zi.

I arrestuari është Robert Medha, banues në Tiranë, i cili kundrejt shumave të mëdha të parave ka tentuar të trafikojë klandestinët afganë. 

Ai akuzohet për veprën penale "Ndihmë për kalimit të paligjshëm të kufijve" e kryer në bashkëpunim.

Gjatë ditës së djeshme policia arrestoi Kushtrim Brahajn 26 vjeç, i cili shoqëronte klandestinët afganë dhe është identifikuar si bashkëpunëtor i Robert Medhas.

Redaksia Online
l.q/Shqiptarja.com