TIRANE – Një efektiv i policisë së Tiranës ka mbetur i plagosur pasi tentoi që të qetësonte një grindje. Ngjarja ka ndodhur pas mesnatës pranë një kazinoje tek zona e njohur me emrin fusha e aviacionit, në kryeqytet.

Polici i plagosur ka ndërhyrë për të shuar një grindje kur u qëllua me thikë nga një djalë i ri, 18-vjeçar, që u identifikua me inicialet A.M. e që është shoqëruar në komisariat.

Efektivi i policisë i plagosur është transportuar në Spitalin Ushtarak në Tiranë ku i është nënshtruar një ndërhyrjeje kirurgjikale. Mjekët që po kujdesen për të njoftuan se ai ndodhet jashtë rrezikut për jetën.

(im/shqiptarja.com)