POP 5

Lajmet më të lexuara të 5 minutave të fundit

Kronikë

Dan Hutra ‘thuri’ planin e arratisjes nga burgu i Fierit me 3 vlonjatë të burgosur! Krijuan mjete me enë kuzhine të prisnin hekurat! Kërkohet izolimi në ’41 Bis’

Tentativa për tu arratisur nga burgu i sigurisë së lartë të Fierit, do t’i kushtojë vrasësit serial Dan Hutra dhe 3 të burgosurve nga Vlora për vjedhje, izolimin në regjimin e posaçëm 41 bis për një afat të pacaktuar

I njohur si vrasësi gjakftohtë i grave, Dan Hutra, është në krye të skenarit të arratisjes nga burgu i sigurisë së lartë të Fierit, që dyshohet se është organizuar gjatë festave të fundvitit. Për të realizuar planin i cili u zbulua nga stafi i burgjeve pak para mesditës së 4 janarit, 42-vjeçari nga Kukësi me histori të përsëritur kriminale, bashkëpunoi me 3 burgosur të tjerë, qelia e të cilëve është ngjitur me të tijën.

Tre vlonjatët, Martin Kapllani, Geraldo Veizi, Feti Kovaçi kishin nisur të prisnin zgarën e dritares me mjete të improvizuara. Ata kishin krijuar disa tela metalikë që dyshohet se i kishin realizuar duke shtypur enët e kuzhinës. Dan Hutra në qelinë e tij ngjitur me numrin 15, kishte bërë gati çarçafët e improvizuar si litar. Aty, stafi i burgjeve gjeti edhe mjete prerëse të improvizuara.

Nën dirigjimin e Dan Hutrës, të burgosurit, kishin bërë plan të arratiseshin gjatë ndërrimit të turneve të rojeve. Sapo dyert të hapeshin, Dan Hutra do të kalonte në qelinë e miqve vlonjatë e më tej do të vareshin me litar pasi të kishin prerë hekurat e dritares.

Martin Kapllani 21 vjeç dhe Gerlado Veiza 20 vjeç janë futur në burgun e Fierit me masë arrest me burg për vjedhje, në të njëjtën ditë, më 4 nëntor 2023. Aty kanë gjetur bashkëpunëtorin tjetër të tyre, Feti Kovaçi, 28 vjeç i cili ndodhej në paraburgim prej 21 tetorit.

Si masë ndëshkimi për planin e arratisjes, Drejtoria e Burgjeve po vijon procedurat për futjen e tyre në regjimin '41 Bis', pa një afat të caktuar

Dan Hutra prej 4 marsit 2023 është në masë arresti me burg për vrasjen e 3 grave, dhe plagosjen e 3 të tjerave gjatë të njëjtës ditë në Tiranë e vetëm brenda pak orëve. Të parën vrasje e kreu në 2007-ën, kur ishte vetëm 25 vjeç i mori jetën me thikë gruas së tij të parë.

Në atë që u quajt masakra e 1 marsit në Tiranë, Dan Hutra, vetëm pak kohë pasi kishte lënë burgun për dhunë në familje, plagosi ish-bashkëjetuesen që e kishte denoncuar, Elena Hysën dhe nënën e saj, e në të njëjtën banesë në Paskuqan vrau me armë zjarri motrën e ish-bashkëjetueses dhe të fejuarën e vëllait të tyre. Nga aty, vrasësi gjakftohtë arriti në Kamëz dhe vrau Etleva Kurtin 31-vjeçare, për hakmarrje ndaj vëllait të saj Vladimir Kurti me të cilin Hutra kishte pasur konflikt teksa vuanin të dy dënimin në të njëjtin burg. Pak para, Dan Hutra plagosi në zonën e “Astirit” një 40-vjeçare me të cilin kishte lidhje dhe i kërkonte vazhdimisht lekë borxh.

M.Q./S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Daje Sami: 05/01/2024 18:18

    Ne regjimin 41 bis nuk duhet te futen Sokol Mjacaj apo Dan Hutra por tere kreret e politikes sepse me ndihmen e tyre krimi droga prostitucioni kane lulezuar dhe tashme po sfidojne hapur shtetin

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29