Tentuan të korruptojnë policët pasi u kapën të dehur, me shpejtësi dhe pa rrip sigurimi, e pësojnë keq pesë shoferët në Tiranë, Fier dhe Sarandë

Gjatë 24 orëve të fundit pesë shoferë janë arrestuar nga Policia Rrugore pasi akuzohen për mitdhënie. Mësohet se tre raste janë regjistruar në Tiranë, një në Fier dhe një tjetër në Sarandë.

Në kryeqytet kanë përfunduar në pranga L.N., A.M., dhe A.D., të cilët drejtonin mjetin nën efektin e alkoolit, me shpejtësi tej normave të lejuara dhe pa rrip sigurimi.

Ndërsa Policia e Fierit ka konstatuar një person me inicialet O.J., i cili drejtonte mjetin me xhama të riveshur.

LEXO EDHE:
Spanjolli u dënua për një cigare hashashi në Shqipëri: Avokati më kërkoi t’i jepnim 3 mijë euro prokurorit për lirimin

Rrugorja në Sarandë ka arrestuar V.K., i cili u ka ofruar para policëve pasi u konstatua se nuk kishte vënë rripin e sigurimit teksa drejtonte automjetin.

Gjatë javës që lamë pas janë goditur edhe 18 raste të tjera të mitëdhënies.

Njoftimi i Policisë
Strukturat e Policisë së Shtetit vijojnë kontrollet intensive, me qëllim parandalimin, evidentimin dhe goditjen e paligjshmërisë. Si rezultat i intensifikimit të kontrolleve, janë evidentuar dhe goditur dhjetëra raste të mitëdhënies, kryesisht nga shërbimet e Policisë Rrugore dhe Patrullat e Përgjithshme, në të gjithë vendin. Vetëm gjatë 24 orëve të fundit janë goditur 5 raste të mitëdhënies, konkretisht 3 nga Policia Rrugore e Tiranës, një nga Policia Rrugore e Fierit dhe një nga Patrulla e Përgjithshme e Komisariatit të Policisë Sarandë. Gjatë javës që lamë pas janë goditur edhe 18 raste të tjera të mitëdhënies.

Gjatë kontrolleve parandaluese në 24 orët e fundit në Tiranë, shërbimet e Policisë Rrugore kanë kapur në flagrancë për veprën penale "Korrupsioni aktiv i personave që ushtrojnë funksione publike", 3 drejtues mjetesh, shtetasit L. N., A. M. dhe A. D, të cilët drejtonin mjetet nën ndikimin e alkoolit, me shpejtësi tej normave të lejuara apo duke përdorur aparatin celular. Për t’i shpëtuar ndëshkimit me masë administrative, të tre drejtuesit e mjeteve u kanë ofruar para punonjësve të Policisë Rrugore.  

Në Fier, gjatë kontrolleve parandaluese, shërbimet e Policisë Rrugore Fier, në vendin e quajtur "Rrethrrotullimi i Levanit", kanë konstatuar shtetasin O. J. duke drejtuar automjetin tip "Benz" me xhama të riveshur. Për të shmangur masën administrative, ai i ka ofruar punonjësit të Policisë, një shumë parash. Drejtuesi i mjetit është arrestuar në flagrancë, për veprën penale "Korrupsioni aktiv i personave që ushtrojnë funksione publike".

Ndërkohë, në Sarandë, është arrestuar në flagrancë shtetasi V. K., për veprën penale "Korrupsioni aktiv i personave që ushtrojnë funksione publike", i cili pasi është konstatuar nga shërbimet e Patrullës së Përgjithshme Sarandë, duke drejtuar mjetin pa vendosur rripin e sigurimit, u ka ofruar para punonjësve të Policisë, për të shmangur masën administrative.

Policia e Shtetit apelon për të gjithë drejtuesit e mjeteve që të zbatojnë me rigorozitet rregullat e qarkullimit rrugor dhe të mos tentojnë të korruptojnë punonjësit e Policisë, sepse do të përballen me forcën e ligjit. Policia e Shtetit fton qytetarët që të kontribuojnë në rritjen e parametrave të sigurisë rrugore, duke denoncuar çdo rast të shkeljes së rregullave të qarkullimit rrugor, si dhe çdo rast tjetër të paligjshmërisë, në numrin 112 dhe në Komisariatin Dixhital.

TAG:
• policia rrugore
• Arrestime
• korrupsion
• Tirane
• sarande
• Fier

Sondazhi i ditës:

Si ka qene per ju viti 2024?

• I mire

  43.5%

• I keq

  22.7%

• As i mire as i keq

  33.8%

Vota total: 1554

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq