POP 5

Lajmet më të lexuara të 5 minutave të fundit

Kronikë

Tentuan të trafikonin 2.6 ton kanabis drejt Malit të Zi, arrestohet një 32-vjeçar i shpallur në kërkim

Një 32-vjeçar, i shpallur në kërkim si bashkëpunëtor i tentativës për të trafikuar 2.6 ton kanabis drejt Malit të Zi, është arrestuar nga policia. Policia ka vendosur në pranga 32-vjeçarin me iniciale E.P., banues në lagjen Yrshek, Katund i Ri në Tiranë i cili dyshohet se ka ndihmuar Ervis Çallikun për kalimin e ngarkesës së kanabisit në Malin e Zi e me destinacion vendet e BE-së.

Tentuan të trafikonin 2.6 ton kanabis drejt Malit të Zi, arrestohet një 32-vjeçar i shpallur në kërkim

Lënda narkotike e sekuestruar më 3 nëntor

Një 32-vjeçar, i shpallur në kërkim si bashkëpunëtor i tentativës për të trafikuar 2.6 ton kanabis drejt Malit të Zi, është arrestuar nga policia.

Policia ka vendosur në pranga 32-vjeçarin me iniciale E.P., banues në lagjen Yrshek, Katund i Ri në Tiranë i cili dyshohet se ka ndihmuar Ervis Çallikun për kalimin e ngarkesës së kanabisit në Malin e Zi e me destinacion vendet e BE-së.

Ky është personi i katërt i arrestuar në kuadër të operacionit të koduar "Bozhaj" së bashku me drejtuesin e kamionit, Ervis Çallikut, Arlind Tabakut si dhe biznesmenit nga Lushnja Përparim Shurdhi.

Sasia e lëndës narkotike është kapur më 3 nëntor në Podgoricë të Malit të Zi dhe dyshohet se kishte destinacion Gjermaninë. Ajo kishte hyrë në Shqipëri nga Kapshtica e më pas kishte kaluar në Mal të Zi përmes Hanit të Hotit.

Në pranga ra drejtuesi i Kamionit, Ervis Çalliku, 42 vjeç banues në Durrës. Kamioni, mësohet se ishte ngarkuar në një magazinë në Lushnje në pronësi të 41-vjeçarit Përparim Shurdhit,  ky i fundit i arrestuar.

Ndërkohë, së bashku me të ka rënë në pranga dhe Arlind Tabaku 36 vjeç. Shurdhi dhe Tabaku, të dy banues në Lushnje, për policinë janë persona të përfshirë drejtpërdrejtë në trafikun e drogës dhe për këtë sipas uniformave blu ka prova të shumta, të cilat janë sekuestruar në cilësinë e provës materiale.

Kamioni kishte një afat 11 orësh për të qëndruar tranzit në Shqipëri dhe se linja e lëvizjes së tij në Shqipëri ishte me segment direkt Kapshticë-Hani i Hotit në Shkodër. Por nga verifikimet e kamerave të sigurisë, ka rezultuar se kamioni, është kthyer për disa orë në Lushnjë dhe pikërisht në këtë magazinë, besohet se është ngarkuar me hashash.

 

E.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Klani duka: 13/12/2020 16:32

    Po klani duka pse nuk del te kjo ngarkesa qe u kap.kush i mbuloi???

    Përgjigju
  • Abc: 13/12/2020 16:11

    Lerini mor njerezit rehat ,,,cfare eshte marijuana ,,,njesoj si duhani,,po sikur dikush te marre gjethet e rrapit ,ti grije dhe ti pije si duhan,,c'fare do brni do i denoni keta njerez,,,legalixojeni marijuanen dhe cmimi behet si cmimi i spinaqit....l

    Përgjigju
  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Ilir Yzeiri: Sistemi ynë mbështetet te mediokriteti kolektiv

Ilir Yzeiri: Sistemi ynë mbështetet te mediokriteti kolektiv

24 Janar, 12:20 nga Ilir Yzeiri