Vlorë/ Tentuan të vrisnin me mjet të mprehtë një 29-vjeçar, pas një konflikti të çastit, vihen në pranga dy autorët.

Përforcuesi i grushtit dhe makina e sekuestruar

VLORË- Një konflik i çastit mes të rinjve për pak ka përfunduar në mënyrë tragjike. Një 37-vjeçar dhe një i mitur, 17 vjeç pas nje debati në një parkim në lagjen "1 Maji" në Vlorë, kanë qëlluar me thikë një 29-vjeçar, me inicialet R. M.. Ndërkohë, si pasojë e sherrit ka mbetur i lënduar edhe një 25-vjeçar me inicialet K. K..

Nga sa mësohet, dy autoret E. M., 37 vjeç dhe i mituri S. M., 17 vjeç, të dy banues në Fier, pas kontrolit të Policisë iu gjet edhe një përforcues grushti si edhe iu sekuestrua automjeti i markës “Mistubishi të cilin 37-vjeçari e drejtonte në gjendje të dehur. I plagosuri është jashtë rrezikut për jetën.

Ndaj tyre rëndojnë disa akuza.

"Materialet hetimore i kaluan Prokurorisë pranë Gjykatës së Shkallës së Parë Vlorë, në ngarkim të shtetasit E. M., për veprat penale  “Vrasje me dashje”, mbetur në tentativë, kryer në bashkëpunim, “Plagosje e lehtë me dashje” dhe “Drejtimi i automjeteve në mënyrë të parregullt” dhe në ngarkim të shtetasit S. M., për veprat penale, “Vrasje me dashje”, mbetur në tentativë, kryer në bashkëpunim, “Plagosje e lehtë me dashje” dhe “Prodhimi, mbajtja, blerja apo shitja pa leje e armëve të ftohta”", njofton Policia.  

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet ta legalizojë Shqipëria kanabisin për qëllime mjekësore?



×

Lajmi i fundit

John

Takimi i ‘sikletshëm’ virtual i Putinit dhe biznesmenëve italianë, mes tensioneve të perëndimit