POP 5

Lajmet më të lexuara të 5 minutave të fundit

Kronikë

Tepelenë,kapen 123 kg kanabis
pranga 58-vjeçarit, procedohet i moshuari

Rreth 123 kg lëndë narkotike e llojit kanabis sativa është sekuestruar nga policia e Tepelenës, gjatë dy akisoneve.Policia e Tepelenës bën me dije  se është arrestuar  58-vjeçari Seit Bejko dhe po procedohet në gjendje të lirë një tjetër person.  VIDEO
 
 

 
Rreth 123 kg lëndë narkotike e llojit kanabis sativa është sekuestruar nga policia e Tepelenës, gjatë dy akisoneve.

Policia e Tepelenës bën me dije se është arrestuar  58-vjeçari Seit Bejko dhe po procedohet në gjendje të lirë një tjetër person.
 
"Në vijim të Planit Operacional të ardhur nga Drejtoria e Përgjithshme e Policisë së Shtetit për evidentimin dhe goditjen e vendmagazinimit të lëndëve narkotike, si dhe për kapjen dhe arrestimin e personave që kryejnë këtë veprimtari kriminale, si dhe mbi bazën e informacioneve të marra në rrugë operative se shtetasi Seit Bejko dispononte lëndë narkotike në banesën e tij në fshatin Dukaj, Tepelenë, nga seksioni për Hetimin e narkotikëve në D.V.P Gjirokastër dhe nga shërbimet e Komisariatit të Policisë Tepelenë u zhvillua operacioni "VJOSA""thuhet në njoftimin për mediat.

Si rezultat i operacionit, nga kontrolli i ushtruar në këtë banesë u gjetën disa thasë, brenda të cilëve kishte lëndë narkotike Cannabis Sattiva.

Pesha totale e lëndës narkotike rezultoi 66 kg.

Lënda narkotike u sekuestrua në cilësinë e provës materiale. 

Nga specialistët e seksionit të Hetimit të Narkotikëve u arrestua në flagrancë shtetasi :

Seit Bejko, 58 vjeç, banues në fshatin Dukaj, Tepelenë.

Gjithashtu filloi procedimi penal në gjendje të lirë për  83-vjeçarin me inicialet Z.B

Në një banesë të tij në fshatin Gusmar (në të cilën nuk banonte aktualisht), nga shërbimet e policisë u gjetën disa thasë me lëndë të dyshuar narkotike.

Pesha totale e lëndës ishte 57 kg, e cila u sekuestrua në cilësinë e provës materiale. 

Materialet në ngarkim të dy shtetasve të mësipërm i kaluan Prokurorisë së Rrethit Gjyqësor Gjirokastër për veprën penale "Prodhim dhe shitje e lëndëve narkotike", parashikuar nga neni 283 i Kodit Penal.

Redaksia Online
e.m/Shqiptarja.com
 

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Revista franceze 'Easy Voyage': Turistët në zbulim të xhevahirit të Ballkanit, Shqipërisë

Revista franceze 'Easy Voyage': Turistët në zbulim të xhevahirit të Ballkanit, Shqipërisë

15 Janar, 16:15