POP 5

Lajmet më të lexuara të 5 minutave të fundit

Kronikë

Tepelenë, punëtorët e Kalivaçit
sërish në protesta ndaj Becchetti-t

Punëtorët e HEC-it të Kalivaçit në Tepelenë kanë tubuar sërish sot në protestë ndaj firmës "Becchetti".(Në foto: Protesta e punëtorëve në Tepelenë)
Tepelenë, punëtorët e Kalivaçit<br />sërish në protesta ndaj Becchetti-t
TEPELENË - Banorët e fshatit Kalivaç kanë tubuar sërish mesditën e të hënës, përpara kompleksit të veprës energjitike, e cila është ndërtim e sipër prej dhjetë viteve. Mes tubuesve kanë qenë edhe katër të arrestuarit e javës së kaluar nga policia, të cilët u akuzuan nga organi i akuzës, për tubim të paligjshëm dhe prishje të qetësisë publike.
 
Vetë kryetari i fshatit Kalivaç, Perlat Zeneli shprehet mjaft i shqetësuar për zhvillimet e këtushme, ku firma koncesionare “Becchetti” nuk është treguar korrekte me pagesat e punëtorëve kryesisht banorë të Kalivaçit, si dhe mungesën e sigurisë në punë dhe sigurimeve shëndetësore dhe shoqërore.

Arrestimi i disa ditëve më parë i kryeplakut dhe tre anëtarëve të tjerë të komunitetit të Kalivaçit ka qenë tërësisht i instrumentalizuar nga firma Bechetti, e cila ka interes mbylljen e gojës së tyre.
 
 
 protesta ne kalivac
(Foto: Protesta e banorëve në Kalivaç)

Ish-punonjësit e H/C në ndërtim e sipër për herë të parë zbulojnë detaje mjaft të rëndësishme, që kanë të bëjnë me mënyrën e operimit në procesin e punës në kantierin e veprës hidro-energjitike. Sipas tyre, masat e sigurisë në punë kanë qenë tërësisht inekzistente, pa mjete mbrojtëse dhe aq më tepër pa asnjë lloj veshjeje, por gjithçka ka qenë jofunksionale.
 

protesta ne kalivac

Veç kësaj, sipas tyre, punonjës të policisë private, të kontraktuar nga firma italiane, në dy raste kanë kanosur me armë zjarri ata punonjës që ngrinin zërin për kushtet e munguara teknike dhe pagat e prapambetura. Tubuesit kanë kërcënuar me grevë urie, nëse firma italiane nuk plotëson detyrimet që ka karshi tyre të cilat janë legjitime dhe plotësisht të realizueshme.
 
protesta ne kalivac
 
Vlera e përgjithshme e H/C të Kalivaçit llogaritet në 75 milionë euro dhe sipas kontratës së konçesionit, firma konçesionare italiane Becchetti s.p.a duhet ta ndërtojë veprën brenda 4 vjetëve, ndërkohë që afati, është tejkaluar me 7 vite dhe po prek të tetin.
 
Punimet e për ndërtimin e HEC të Kalivaçit startuan në vitin 2004 dhe sipas kontratës duhet të përfundonin në 2008, mirëpo kanë kaluar plot 10 vjet nga prerja e shiritit të fillimit të punimeve prej ish-kryeministrit Fatos Nano dhe deri më sot është kryer vetëm 30% e volumit të punimeve.

Redaksia online
(ac/mag/shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Dronë misteriozë shihen mbi tri baza amerikane në Britani

Dronë misteriozë shihen mbi tri baza amerikane në Britani

24 Nëntor, 07:41