Ka qenë e pamundur që ditën e djeshme të vihen në kontroll vatrat e rrezikshme të zjarrit në Vlorë ku flakët vijojnë të përpijnë pa mëshirë gjithçka gjejnë përpara prej më shumë se 10 ditësh. 1 helikopter i vetëm nuk ka mundur prej 2 ditësh në qiellin e Vlorës që të “mbërthejë” flakët, kësisoj në mbledhjen e Komitetit të Mbrojtjes Civile është marrë vendimi që ditën e sotme të dalin për të shuar flakët tre helikopterë. Duke qenë se ministria e Mbrojtjes ka vetëm 1 helikopter në dispozicion pasi një tjetër është në remont në ditën e tetë të zjarrit në Karaburun është detyruar që të marrë edhe 2 helikopterë privatë.
Por teksa zjarri në Dukat i ndihmuar dhe nga era që fryn po përparon drejt Llogarasë, asnjë nga 3 helikopterët nuk ndërhyn për shuarjen. Trupat ushtarake kanë bërë të mundur reduktimin e flakëve dhe eliminimin e rrezikut të disa banesave nga zjarri në fshatin Dukat i Ri, megjithatë situata vijon të jetë problematike pasi flakët nuk mund të vihen nën kontroll për shkak të erës së fortë.
Gjatë gjithë natës gjashtë punonjës së zonave të mbrojtura kanë qëndruar në malin e Karaburunit për të mbajtur nën kontrroll zjarret së bashku me banorët e zonës, të cilët kanë qenë në gatishmëri pasi zjarri u është afruar shumë pranë banesave të tyre në fshatin Dukat i Ri.
Si duket flakët nuk kanë të ndalur në këto ditë vere, pasi një tjetër vatër zjarri është konstatuar edhe në Himarë, ku dhe aty rrezikohen banesa. Ndërkaq Peleshi tha ka nisur përpjekjet për të marrë ndihmë nga vendet fqinje, megjithëse një gjë e tillë shihet pak e vështirë duke qenë se disa prej tyre janë në situata të ngjashme me ne të krijuar si pasojë e flakëve.
Një vatër zjarri e aktivizuar në fshatin Delisuf të Novoselës në Vlorë është neutralizuar, ndërsa situata është përmirësuar edhe në malin e Dukatit. Forcat ushtarake dhe ato zjarrfikëse kanë bërë të mundur reduktimin e flakëve që rrezikonin banesat në zonën e Dukatit.
Lajmi është dhënë nga ministri Niko Peleshi, i cili shkruar se rreziku i banesave nga zjarri është eliminuar.
"Neutralizohet plotësisht zjarri në Delisuf, ndërkohe që ndërhyrja e trupave mbi fshatin Dukat ka mundësuar reduktimin e zjarrit dhe eliminimin e rrezikut të banesave”, shkruan Peleshi.
Zjarri në Dukat i ndihmuar dhe nga era që fryn po përparon drejt Llogarasë, ndërsa në atë zonë ende nuk ka ndërhyrë asnjë helikopterë për të hedhur ujë nga ajri.
Ministria e Mbrojtjes ka dhënë informacione lidhur me situatën e zjarreve në vendin tonë.
“Rreth 500 efektivë të Forcvave të Armatosura, 50 mjete, 3 helikopterë, zjarrfikëse e autoambulanca janë angazhuar prej orëve të para të mëngjesit të sotëm në operacionin për shuarjen e flakëve në Gadishullin e Karaburunit. Flakët kanë vijuar të jenë aktive përgjatë natës, duke u kthyer në rrezik për banorët e fshatit Dukat. Aksioni po vijon prej orësh nga toka dhe nga ajri për të vënën nën kontroll flakët, në mënyrë që ato të mos përparojnë drejt Parkut të Llogarasë”, thotë ministria.
Një tjetër vatër aktive është në fshatin Cukal, thotë ministria është në njësia administrative Shllak, bashkia Vau Dejës, ku ka rënë zjarr në një sipërfaqe me shkurre dhe pemë të ndryshme. Shërbimi vendor i MZSH Vau Dejës ndodhet në vendngjarje dhe po punohet për shuarjen e flakëve.
Gjithashtu puna po vijon për vënien nën kontroll të zjarrit të rënë në fshatin Qesorat, të njësisë administrative Lunxhëri në bashkinë e Gjirokastrës, ku bashkë me punonjësit e shërbimit të zjarrfikëses së këtij qarku janë bashkuar edhe 20 efektivë të FA.
Për shkak të erës së fortë e cila favorizon përhapjen e flakëve është ndërprerë operacioni i shuarjes së zjarrit në fshatin Dukat i Ri.
Puna e ushtrisë në terren është ndërprerë për shkak se atyre u rrezikohet jeta nga flakët. Rreth 500 FA janë angazhuar për të vënë flakët në kontroll në të gjitha vatrat e rrezikshme.
Nuk kanë të ndalur flakët në Vlorë. Ato kanë arritur edhe në Himarë shumë afër shtëpive. Ndërkaq zjarri ka rënë edhe në njësinë administrative Novoselë dhe zjarrfikësja ka shkuar drejt vendit të ngjarjes.
Dëmet e shkaktuara nga zjarret në Vlorë janë kolosale. Vetëm në Karaburun, gazetari i Report TV Armand Xhelili raporton se ka mësuar se janë djegur mbi 600 hektarë. Kjo tregon se helikopteri i ngritur prej 2 ditësh në ajër për shuarjen e flakëve është me vonesë, pasi nëse do të ishin nxjerrë më herët dëmet nuk do të ishin kaq të mëdha dhe situata do të ishte më në kontroll.
Kur Vlora ka më shumë se 10 ditë në flakë, sot kreu i Emergjencave Civile Haki Çako është detyruar që të ndërpresë pushimet dhe është shfaqur në Dukat. Në videot e Report TV Çako duket se po ftillohet për të nisur nga puna, tani që flakët në Dukat të Ri janë afër banesave. Ndërkaq të gjitha forcat si ato të ushtrisë edhe ato vullnetare janë urdhëruar të bëjnë një kordon, të hapin një kanal, që nuk do të lejojë depërtimin e zjarrit më tej.
Ndërsa ka qenë e pamundur shuarja e zjarreve në Vlorë me vetëm 1 helikopter, sot janë nxjerrë në terren 3 të tillë. Gazetari i Report TV Arsen Rusta mëson se helikopterët janë marrë me qira pasi për momentin nuk ka pasur të tjerë në dispozicion nga autoritetet.
Komente
Lajme të tjera
-
Albcontrol 39,7 milionë lekë për pajisjet e Kullës së Kontrollit në Aeroportin e Vlorës
26 Dhjetor, 15:35 -
Vlorë/ Drogë, thyerje mase, djegie makine dhe aksident, 2 të arrestuar, 2 nën hetim dhe një në kërkim
26 Dhjetor, 15:20 -
Zyrtare/ Bruno Telushi rikthehet në shtëpi pas 7 vitesh, firmos me Flamurtarin
26 Dhjetor, 10:55 -
Krimi në familje në Sarandë, e arrestuara shtang hetuesit: Tentova ta vrisja dhe më parë bashkëshortin, nuk kisha arsye!
25 Dhjetor, 15:53
-
Në Himarë babagjyshi vjen nga deti, parada dhe koncerti festiv (VIDEO)
25 Dhjetor, 13:12 -
Çelet tenderi 95 mln lekë për projektin e rehabilitimit të hekurudhës Rrogozhinë-Vlorë dhe lidhjen me aeroportin
25 Dhjetor, 12:39
-
Kreu i Burgjeve dhe kryebashkiaku i Vlorës firmosin marrëveshje: Ndihmë të dënuarve që të riintegrohen në shoqëri dhe për një fillim të ri
24 Dhjetor, 20:29 -
Emigrantët kthehen për festa! Çdo ditë mbi 1 mijë pasagjerë mbërrijnë në portin e Vlorës
24 Dhjetor, 16:12
-
Panik në Paris, zjarr në ashensorin e Kullës Eifel, evakuohen 1200 veta
24 Dhjetor, 12:59 -
Vlorë/ Plagosi me thikë 19 vjeçarin, arrestohet 44 vjeçari! I riu te Trauma
23 Dhjetor, 17:58 -
Vlorë/ Sekuestrohen rreth 32 mijë euro cash në port, procedohen 2 shoferët! Ishin fshehur në sediljen e autobusit të agjencisë së udhëtimit
23 Dhjetor, 16:09 -
Pogradec/ Shkrumbohet makina e ish-oficerit të krimeve, digjen pjesërisht dhe dy mjete afër tij! Dëshmon se nuk ka konflikte, ja për çfarë dyshohet
23 Dhjetor, 13:13
Shkoni nxirni Enverin nga varri dhe shifeni si fiket zjarri… Turp, njerëz dembela qe veç flasin për punën në media e ikin bashke me median ne plazh.
PërgjigjuHakiu do e haje si koke turku. Por gjynaf populli per keto te babzitur qe i vune zjarrin Vlores per ca pallate me shume.
Përgjigju