Gjendja në Izmir përkeqësohet orë pas ore, të paktën 39 persona kanë humbur jetën ndërkohë që të paktën 885 persona janë lënduar, ndërkohë që vazhdojnë misionet e kërkim shpëtimit në tre zonat më të prekura Bornova, Bayraklı dhe Karşıyaka.
Në një konferencë për median ministri i Mjedisit dhe Planifikimit Urban Murat Kurum tha se deri tani janë shpëtuar 100 qytetarë nga momenti i tërmetit dhe ende vazhdojnë kërkimet për 21 persona të cilët gjenden nën rrënoja. Në anën tjetër behët thirrje që në ndërtesat e dëmtuara të mos hyhet pa pasur një vlerësim të tyre.
Pas tërmetit, kanë ndodhur më shumë se 35 tronditje të magnitudës më të lartë se 4 ballë dhe gjithsej 484 tronditje. Në një njoftim për median u njoftua se javën e ardhshme në të gjitha shkollat e Izmirit u ndalua mësimdhënia deri sa të ketë inspektim të gjendjes së të gjitha shkollave. Natën e mbrëmshme qytetarët të frikësuar nga lëkundjet e njëpasnjëshme, kanë fjetur në ambiente të hapura. Në të gjitha parqet e qytetit janë ngritur çadra dhe familjet kanë kaluar natën aty.
Ekipet e kërkimit janë të përqendruara tanimë në 8 ndërtesa dhe 6000 persona, nga emergjencat civile apo dhe efektivë të policisë, dhe mbi 20 qenë të stërvitur për kërkime. Autoritetet vijojnë ende operacionet e kërkim-shpëtimit. Nga 17 banesa të shembura, deri më tani ka përfunduar puna në 8 prej tyre nga gërmadhat e të cilave janë nxjerrë trupat e pajetë. Lëkundjet e tërmetit u ndjenë deri në Greqi ku në ishullin e Samos ka shkaktuar dhe 2 viktima, një 15 dhe 17-vjeçar.
Shteti është mobilizuar i gjithi teksa në zonën e tërmetit janë vendosur 3.066 çadra, 10.560 shtretër dhe 5 kuzhina të lëvizshme. Tërmeti i rëndë goditi mesditën e djeshme (30 tetor) Turqinë dhe Greqinë. Në Turqi lëkundjet janë ndjerë në Stamboll, Izmir, Çanakkale, Denizli dhe Bursa.
Qendra e tërmetit që u ndie në shumë provinca u njoftua si İzmir Karabağlar. Sipas Qendrës Evropiane të Sizmologjisë, AFAD njoftoi intensitetin e tërmetit si 6.6, ballë. Sipas mediave turke, tërmeti u shoqërua me 410 pasgoditje ku 33 prej tyre ishin me magnitudë mbi 4 të shkallës Rihter.
Si pasojë e tërmetit në Turqi kanë humbur jetën 3 shqiptarë nga Kosova. Lajmi konfirmohet për Report Tv nga gazetari në Izmir Sokol Brahaj. Mësohet se kanë humbur jetën 3 persona me origjinë shqiptarë nga Kosova të ardhur në Izmir në vitin 1956.
1- Nazmije Dograjan, 64 vjeçe (dhe është plagosur i biri i saj Malik Tahirleri që aktualisht është në spital dhe mjekët janë optimist për jetën e tij)
2- Hatixhe Dogruja (70 vjeçe dhe burri i saj)
3- Bajram Dogruja (73 vjeç)
Ka shkuar në 39 numri i viktimave nga tërmeti në Turqi.
Ministri i Shëndetësisë së Turqisë Fahrettin Koca, i cili ndodhet për momentin në zonën e tërmetit në Izmir, njoftoi se numri i viktimave arriti në 35.
Ministri Koca deklaroi se 8 persona, 3 prej të cilëve janë në gjendje të rëndë, ndodhen në kujdes intensiv dhe në total 243 persona po trajtohen në spitale.
Deri tani janë rregjistrua 885 të lënduar dhe operacionet e kërkim shpëtimit vazhdojnë ende.
Për mbështetjen e treguar dhe ngushëllimet e tyre pas tërmetit që u mori jetën të paktën 28 personave dhe plagosi 885 të tjerë, presidenti turk Rexhep Taip Erdogan ka falenderuar qytetarët turk me anë të një postimi në Facebook.
Në mesin e flamujve të vendeve për të cilat ai ka shfaqur mirënjohjen e thellë është edhe flamuri shqiptar.
Në postimin e tij ai theksoi se ai dhe të gjitha insitucionet e vendit janë pranë qytetarëvë të cilët janë dëmtuar nga tërmeti më i rëndë që ka goditur vendin së fundmi.
Postimi i presidentit Erdogan
Në bazë të dhënave të fundit arrin në 26 numri i viktimave në Izmir ndërkohë numri i të plagosurve arriti në 885. Vazhdojnë akoma misionet e kërkim shpëtimit kur një grua para pak minutash u nxorr nga rrënojat së bashku me 4 fëmijët e saj u arritën të shpëtohen në apartamentin e shembur në Doğanlar të Izmirit. Ndërsa puna e ekipeve vazhdon, pritja shpresëdhënëse vazhdon.
Përpjekjet e kërkim-shpëtimit vazhdojnë për afërsisht 20 persona, të cilët vlerësohet se janë bllokuar nën rrënojat e Apartamentit Doğanlar, ku 2 persona vdiqën dhe 10 njerëz u shpëtuan.
Izmiri është një vend sizmik, vendi është goditur herë pas here nga tërmete me efekte shkatërruese.
Një nga tërmetet më të vjetër Tërmeti i Izmirit në vitin 1688 të paktën 7 ballë, i cili shkaktoi dëme të mëdha në qytet, Izmiri pothuajse u shkatërrua. Plotësisht dhe të paktën u shënuan 16 mijë viktima.
Tërmeti tjetër më 4 prill 1739 shkaktoi dëme të mëdha, me një forcë prej 6.8 ballë dhe 80 njerëz vdiqën, edhe pse atë vit pas-goditjet nuk pushuan deri në shtator, qytetarët e Izmirit kaluan shumë muaj në ambiente të hapura.
Izmiri është tronditur vazhdimisht nga tërmete të rënda vit pas viti, më 22 shtator 1939 ishte i radhës në Dikili, ku humbën jetën të paktën 60 njerëz dhe një mijë shtëpi u shkatërruan.
Më pas në 12 qershor 2017, me epiqendër në Karaburunit u regjistrua një goditje prej 6.2, po nuk ui shënuan viktima.
Orë e para të mëngjesit forcat e kërkim shpëtimit kanë arritur të nxjerrin nga gërmadhat një të moshuar, pas tërmetit të fuqishëm q• goditi Izmirin. Gjendja e Të moshuarës dukej e qëndrueshme.
Për momentin 21 persona janë të zhdukur dhe 100 të tjerë janë shpëtuar nga rrënojat. 25 persona kanë humbur jetën deri tani në izmir dhe të paktën 804 persona janë të lënduar.
Rritet bilanci i të shpëtuarve nga tërmeti në Turqi. Autoritetet vendase bëjnë me dije se deri më tani janë shpëtuar 100 persona.
Shumë prej tyre po marrin trajtim në spital ku disa janë në gjendje të rëndë shëndetësore. Një pjesë e të plagosurve i janë nënshtruar ndërhyrjeve kirurgjikale.
Ndërkohë që shumë të tjerë kanë dalë nga spitali pasi kanë përfunduar trajtimin mjekësor.
Lajme të tjera
-
Greqi/ Tërmet me magnitudë 5.3 në Selanik, ja ku ishte epiqendra
3 Nëntor, 18:29 -
Po pret në radë, Shqiptarja.com sjell pamjet nga afër të kontejnerëve me mbetje të dyshuara të rrezikshme në anijen 'Moliva'
2 Nëntor, 13:55 -
Anija me 2100 tonë mbetje të dyshuara të rrezikshme në Durrës, pret në radën e jashtme! Prokuroria sekuestrohen 102 kontejnerët: Monitorim 24 orë! Rrjeti i Bazelit: Zbuloni origjinën (VIDEO)
28 Tetor, 07:38 -
Tërmeti shkund Greqinë, epiqendra afër Mitilinit dhe Lesbos! Ja sa ishte forca dhe të dhënat e para nga terreni
27 Tetor, 17:38 -
Anijet me mbetje ankorohen nesër, PD protestë pranë portit të Durrësit
27 Tetor, 12:21 -
Tërmet me magnitudë 3.8 në Fier, lëkundjet ndihen në Vlorë, Lushnje e Mallakastër! Ja ku ishte epiqendra
25 Tetor, 19:37 -
Anijet me mbetje të dyshuara të rrezikshme mbërrijnë në Portin e Durrësit me 27 tetor! BAN thirrje qeverisë shqiptare: Beni analizat dhe transparencë
21 Tetor, 13:31 -
VIDEOLAJM/ Tërmeti i fuqishëm ‘shkundi’ Turqinë, spikeren e zë paniku gjatë transmetimit live
16 Tetor, 15:18 -
Tërmeti i fuqishëm shkund Turqinë, ja sa ishte forca dhe ku ishte epiqendra! Nuk ka raportime për viktima (VIDEO)
16 Tetor, 10:48 -
Tërmet 4 ballë godet kufirin Shqipëri-Greqi, ndjehet edhe në Sarandë
1 Tetor, 07:46
-
'Mbetjet e rrezikshme të Kurum' në Kuvend! Rama në interpelancë: Aludim psikopatologjik i artikuluar nga goja 7 penxherëshe! Bardhi: Kush i lejoi?
12 Shtator, 07:09 -
Bardhi interpelancë nesër në Kuvend për anijen me 816 ton mbetje toksike, burime për Report Tv: I përgjigjet vetë Rama
11 Shtator, 20:24
