Tërmeti i fortë me magnitudë 5.1 ballë i shkallës rihter i cili goditi vendin një ditë më parë, ka shkaktuar dëme të shumta në banesa në Qarkun e Dibrës. Emergjencat Civile raportojnë për 215 banesa të dëmtuara në të gjithë qarkun, ndërsa Bashkia e Matit është më e prekur nga pasojat e lëkunddjeve sizmike, ku rezultojnë 90 shtëpi të cilat kanë pësuar dëmtime si çarje të mureve dhe tavaneve.
Nga këto 7 familje kanë mbetur në qiell të hapur, për shkak se banesat kanë pësuar dëmtime të shumta. Epiqendra e tërmetit është regjistruar pranë Njësisë Administrative Macukull ku janë disa shtëpi të cilat janë dëmtuar. Banorët e këtyre shtëpive do akomodohen në çadra të vëna në dispozicion nga Shtabi i Emergjencave Civile.
Për të inspektuar nga pranë situatën, në Mat pritet të mbërrijtë drejtori i Emergjencave Civile, Haki Çako. Gjithashtu, ekspertët e Emergjencave Civile ndodhen prej ditës së djeshme në terren në ndihmë të përfaqësuesve të pushtetit lokal.
Report Tv siguroi një ditë më parë pamjet e para nga dëmet e shkaktuara nga tërmeti në disa banesa, të cilat kanë pësuar çarje të mureve dhe tavaneve si rrjedhojë e lëkundjeve të forta sizmike.
Shtatë nga 90 shtëpitë e dëmtuara nga tërmeti 5.1 ballë në rrethin e Matit, janë bërë të pabanueshme për shkak të lëkundjeve të forta sizmike. Gjatë një prononcimi për Report Tv, kreu i Emergjencave Civile, Haki Çako tha se familjet do strehohen në çadra të vëna në dispozicion nga Shtabi i Emergjencave. Çako tha se në total numri i banesave të dëmtuara nga tërmeti është 215 përfshirë edhe bashkitë Klos, Bulqizë dhe Mirditë.
Janë porositur banorët, janë marrë të gjitha masat për t'i sistemuar me çadra kampingu këto familje. Deri tani janë 215 banesa të dëmtuara në bashkinë Mat, Bulqizë, Klos dhe Mirditë. Dëmet më të mëdha janë në Mat ku 7 banesa janë tërësisht të pabanueshme. Ka dëmtime të konsiderueshme në banesa. Janë ngritur grupet e konstatimit.
Në bashkinë Mat janë 8 grupe, në bashkinë Klos, Mirditë dhe Bulqizë janë ngritur nga 4 grupe. Në Mat janë 90 banesa të dëmtuara pjesërisht, 4 banesa plotësisht të pabanueshme. Në Bulqizë janë dëmtuar 47 banesa. Në Klos janë dëmtuar 36 banesa dhe në Mirditë janë dëmtuar 38 banesa.
Haki Çako, Drejtor i Emergjencave Civile
Kreu i Emergjencave Civile ka inspektuar në terren dëmet e shkaktuara nga tërmeti në Njësinë Administrative Macukull të Bashkisë së Matit.
Komente
Lajme të tjera
-
Eduard Zaloshnja: Gjykata kushtetuese vs. realiteti elektoral
26 Dhjetor, 09:59
-
Sondazhi i Dibrës, PS përmbys rezultatin merr 3 mandate deputetësh kundër 2-ve të PD-së
25 Dhjetor, 21:51 -
Sondazhi për Dibrën, garë e ngushtë mes PS dhe PD, bojkotohen partitë e vjetra të tjera! Të rejat shohin ngjitje
25 Dhjetor, 21:49 -
Tërmeti shkund edhe Qipron, forca 4.3 ballë, s’ka raportime për të lënduar
24 Dhjetor, 20:48 -
Reshjet e dëborës në disa akse, ARRSH: Drejtuesit e mjeteve të pajisen me goma dimërore dhe zinxhir! Borëpastrueset në terren
24 Dhjetor, 08:39 -
Moti i keq/ Bora bllokon qarkullimin në rrugën e Arbrit (VIDEO)
23 Dhjetor, 15:33 -
Dibër, aksident në aksin Melan-Peshkopi! Automjeti i 62-vjeçarit del nga rruga, lëndohen 3 persona
23 Dhjetor, 10:51 -
Greqi/ Tërmeti shkund Patran, forca 4,7 ballë! Nuk raportohet për të lënduar, por ka shkëputje masive gurësh! Frikë për paslëkundje, panik te banorët
21 Dhjetor, 18:33 -
'Braktisen punimet prej 12.5 milionë eurosh për rrugën e Lurës', Elda Hoti: Fondet po vidhen nga investitorët strategjikë
18 Dhjetor, 16:25 -
Lëkundje tërmeti në Shqipëri, epiqendra në Burrel
17 Dhjetor, 18:05 -
Tërmeti i shkallës 7,3 ballë në Vanuatu, deri tani një viktimë, shumë trupa nën rrënoja! Dëmtohen ambasadat amerikane dhe franceze
17 Dhjetor, 09:00 -
Bulqizë/ Reshje të dendura shiu, bëhet e pakalueshme rruga që lidh dy lagjet e qytetit! Banorët heqin këpucët për të kaluar (VIDEO)
15 Dhjetor, 11:51
