MAROK- Numri i personave që kanë humbur jetën nga tërmeti me shkallë 6.8 Rihter në Marok është rritur. Mediat e huaja raportojnë se deri më tani numri i viktimave ka shkuar në 2122, ndërkohë rreth 2421 persona janë të lënduar, nga të cilët 1404 paraqiten në gjendje të rëndë.
Gërmimet nën rrënoja vazhdojnë, ndërsa numri i viktimave sipas ekspertëeve pritet të rritet sërish. Maroku ka shpallur tre ditë zi pas tërmetit tragjik, ndërsa sot flamujt janë ulur në gjysmë shtizë.
Në Marrakesh, mijëra njerëz kanë kaluar sërish natën në qiell të hapur. Parkimet e makinave dhe sheshrt publike janë mbushur me qytetarë të mbështjellë me batanije.
Ka rrënoja në shumë rrugë të këtij qyteti historik, edhe pse situata në Marrakesh duket më mirë se zonat malore në jug-perëndim.
Në fshatin Tafeghaghte të Marokut, konfirmohet se kanë vdekur 90 persona, rreth gjysma e fshatit dhe shumë të tjerë janë të zhdukur pas tërmetit vdekjeprurës që goditi vendin.
Tërmeti me magnitudë 6.8 goditi Marokun të premten mbrëma (8 shtator). Tërmeti u ndje në të gjithë vendin, veçanërisht në pikën turistike të Marrakeshit dhe fshatrat e largëta në malet e Atlasit të Lartë.
Së bashku me shumë vende që ofrojnë ndihmë, Algjeria ka thënë se ishte gati të hapte hapësirën e saj ajrore në mbështetje të Marokut, pavarësisht ndërprerjes së lidhjeve me fqinjin e saj dy vjet më parë.
Ekipet e shpëtimit po përpiqen të gjejnë të mbijetuarit nën rrënoja pas një tërmetit tragjik që vrau më shumë se 2,100 njerëz në Marok. Raportohet se në fshatin Tafeghaghte, konfirmohet se kanë vdekur 90 persona dhe shumë të tjerë janë nën rrënoja. Por shpresa për të gjetur më shumë të mbijetuar në këtë fshat po zbehet, duke pasur parasysh shembjen katastrofike të ndërtesave që nuk janë ndërtuar për t'i bërë ballë një tërmeti të tillë.
Të mbijetuarit nga tërmeti tragjik i Marokut, që i mori jetën mbi 2 mijë personave, kanë rrëfyer përjetimet e tyre.
Yousef At Ali i tha BBC-së se ishte ulur jashtë me miqtë e tij në Marrakesh kur ndodhi tërmeti dhe gjithçka që mendonin ishte të vraponin.
"Gjithçka ra. Gjithçka që mund të mendonim ishte të iknim. Gjithçka u rrëzua. Gjithçka që mund të mendonim ishte të vraponim”, tha ai për BBC.
Në qytet, njerëzit janë gjithashtu të bllokuar pa energji elektrike në shtëpitë e tyre, pa sinjal telefoni dhe pa internet.
Për të dytën natë radhazi njerëzit fjetën jashtë. Një tjetër banor, Faisal Baddour tregon se sapo a tërmeti njerëzit dolën menjëherë të panikosur jashtë.
“Forca dhe intensiteti i këtij tërmeti është ndjerë në godinën tonë pothuajse tre herë. Njerëzit dolën në rrugë menjëherë pas këtij paniku total. Dhe ka familje që ende flenë jashtë”, tha ai për BBC.
Kjo është një përmbledhje e situatës në Marok, pas tërmetit tragjik që i mori jetën mbi 2 mijë personave.
-Ushtria ka pastruar një nga rrugët kryesore për në zonat më të prekura nga tërmeti i së premtes në Marok, duke lejuar që ndihma jetike të arrijë për njerëzit.
-Një rrëshqitje dheu kishte bllokuar rrugën për në qytetin e vogël Asni në malet e Atlasit të Lartë
-Ekipet e shpëtimit janë ende duke luftuar për të ofruar ndihmë në vendbanimet e largëta
-Atlasi është zona më e goditur.
-Të paktën 2,000 viktima janë konfirmuar nga tërmeti
-Ekziston frika se numri i të vdekurve mund të rritet në ditët në vijim, ka thënë një ish-ministër i turizmit për BBC.
-Rreth 300,000 njerëz janë prekur në Marrakesh dhe zonën përreth, thotë OKB.
-Spanja dhe Republika Çeke po dërgojnë ekipe shpëtimi në Marok, ndërsa Franca thotë se do të ofrojë ndihmë nëse Maroku e kërkon.
Pamje rrëqethëse vijnë nga Maroku, e cila u godit nga një tërmet vdekjeprurës mbrëmjen e së premtes.
Në mediat e huaja po qarkullon një video, ku tregon një burrë që nxjerr nga rrënojat një bebe të porsalindur. Thuhet se foshnja është dërguar në spital, ku po merr dhe kujdes mjekësor.
Lajme të tjera
-
Greqi/ Tërmeti shkund Patran, forca 4,7 ballë! Nuk raportohet për të lënduar, por ka shkëputje masive gurësh! Frikë për paslëkundje, panik te banorët
21 Dhjetor, 18:33 -
Lëkundje tërmeti në Shqipëri, epiqendra në Burrel
17 Dhjetor, 18:05 -
Tërmeti i shkallës 7,3 ballë në Vanuatu, deri tani një viktimë, shumë trupa nën rrënoja! Dëmtohen ambasadat amerikane dhe franceze
17 Dhjetor, 09:00 -
Lëkundje tërmeti janë ndjerë orët e para të mëngjesit në Kosovë! Epiqendra ishte në Prizren
12 Dhjetor, 09:55 -
Zyrtare/ FIFA: Kupa e Botës 2034 do zhvillohet në Arabinë Saudite, Botërori 2030 në tre Kontinente të ndryshme
11 Dhjetor, 16:46 -
Itali/ Kreu i ultrasve të Milanit, i lidhur në organizatën shqiptare të kokainës! U arrestua bashkë me 19 të tjerë, e trafikonin nga Amerika e Jugut dhe Maroku
19 Nëntor, 21:43 -
Greqi/ Tërmet me magnitudë 5.3 në Selanik, ja ku ishte epiqendra
3 Nëntor, 18:29 -
Tërmeti shkund Greqinë, epiqendra afër Mitilinit dhe Lesbos! Ja sa ishte forca dhe të dhënat e para nga terreni
27 Tetor, 17:38 -
Tërmet me magnitudë 3.8 në Fier, lëkundjet ndihen në Vlorë, Lushnje e Mallakastër! Ja ku ishte epiqendra
25 Tetor, 19:37 -
Vetëm 35 vjeç, ndahet nga jeta ish-futbollisti i PSG-së dhe Marseille
25 Tetor, 09:40 -
VIDEOLAJM/ Tërmeti i fuqishëm ‘shkundi’ Turqinë, spikeren e zë paniku gjatë transmetimit live
16 Tetor, 15:18 -
Tërmeti i fuqishëm shkund Turqinë, ja sa ishte forca dhe ku ishte epiqendra! Nuk ka raportime për viktima (VIDEO)
16 Tetor, 10:48
