Tërmeti në Afganistan, Talebanët kërkojnë ndihmën e ndërkombëtarëve

Tërmeti në Afganistan, Talebanët kërkojnë ndihmën e ndërkombëtarëve

Një zonjë duke gërmuar në rrënojat e një ndërtese që u shemb nga tërmeti

Sistemi shëndetësor i Afganistanit po përballej me kolapsin edhe para katastrofës por sot ai është në momentin e tij më të vështirë, me ilaçe që mungojnë dhe pa infrastrukturën e nevojshme është shumë e vështirë dhënia e ndihmës ndërkohë autoritet bëjnë thirrje për ndihmë.

Autoritetet talebane kanë bërë thirrje për më shumë ndihmë ndërkombëtare. Rrjetet e komunikimit janë gjithashtu të goditura keq.

"Ne nuk mund të arrijmë në zonë, rrjetet janë shumë të dobëta," tha një zëdhënës i talebanëve nga Reuters.

Kombet e Bashkuara janë ndër ato që përpiqen të ofrojnë strehim urgjent dhe ndihmë ushqimore për zonat e largëta në provincën Paktika të goditur më keq.

Të mbijetuarit dhe shpëtuesit i kanë thënë BBC-së për fshatrat e shkatërruar plotësisht pranë epiqendrës së tërmetit, për rrugët e rrënuara dhe kullat e telefonave celularë - dhe për frikën e tyre se numri i të vdekurve do të rritet më tej. Rreth 1,500 njerëz u plagosën gjithashtu, thonë zyrtarët.

Tërmeti më vdekjeprurës që goditi vendin në dy dekada është një sfidë e madhe për talebanët, lëvizjen islamike e cila rifitoi pushtetin vitin e kaluar pas rënies së qeverisë së mbështetur nga perëndimi.

Tërmeti goditi herët të mërkurën rreth 44 km (27 milje) nga qyteti i Khost dhe lëkundjet u ndjenë deri në Pakistan dhe Indi.

Afganistani është në mes të një krize humanitare dhe ekonomike, dhe Abdul Qahar Balkhi, një zyrtar i lartë i talebanëve, tha se qeveria ishte "e paaftë financiarisht të ndihmojë njerëzit në masën që është e nevojshme".

Kreu i OKB-së, António Guterres tha se agjencia ishte "mobilizuar plotësisht" për katastrofën. Ekipet shëndetësore, furnizimet mjekësore, ushqimi dhe strehimoret e urgjencës ishin rrugës për në zonën e tërmetit, thanë zyrtarët e OKB-së.

E.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Pritet konferenca e parë ndërqeveritare, mendoni se Shqipëria bëhet anëtare e BE në një kohë të shkurtër?



×

Lajmi i fundit

John

Pas 5 vitesh mungesë Adele ngjitet përsëri në skenë! Tregon emocionet e rikthimit