Mbetën mes katër rrugëve pas tërmetit! Efektivit Rifat Aga dhe 4 fëmijëve të tij u ndodh mrekullia (VIDEO)

Tirana ka lënë pas fazën e emergjencës që krijoi tërmeti i javës së shkuar dhe ka hyrë plotësisht në fazën e rimëkëmbjes dhe rindërtimit të të gjitha banesave të dëmtuara. Pak ditë më parë, kryetari i Bashkisë së Tiranës, Erion Veliaj vizitoi shtëpinë familjes së Rifat Agës, ku i premtoi vajzës së tij, Oksanës se falë edhe kontributit të donatorëve të ndryshëm Vitin e Ri do ta kalonin në shtëpinë e tyre të re. 

Menjëherë janë bërë matjet dhe mjetet e rënda kanë nisur punën për të mbajtur këtë premtim të dhënë. Lajmin e bën të ditur kryetari Veliaj, i cili ka publikuar në rrjetet sociale edhe një video me pamjet nga puna që po zhvillohet për ndërtimin e shtëpisë së Rifatit, i cili prej 30 vitesh i ka shërbyer shtetit dhe shoqërisë si një polic i ndershëm. 

LEXO EDHE:
Pse u pyet Veliaj? SPAK: S'është person nën hetim! Pas kallëzimit nga Nesti Angoni jemi në hetime paraprake për 4 vepra penale

“Pardje ishim tek shtëpia e këputur e policit të ndershëm Rifat Aga në Vishnje për të çuar ndihmat e para dhe një përqafim bashkë me Blerina Gjylametin dhe Toni Gogun. Totalisht e shkatërruar nga tërmeti dhe e parikuperueshme. Sot nisi puna për të ndërtuar shtëpinë e re të Rifatit e katër fëmijëve të tij në Vishnje. Për 30 vite Rifati i ka shërbyer Tiranës si polic shembullor. Për 30 ditë ne do t'i ndërtojmë shtëpinë e re. Tirana jonë është mirënjohëse dhe solidare! Sot më shumë se kurrë”, mbyll komentin e tij Veliaj.

Postimi i Erion Veliaj

TAG:
• erion veliaj
• Termet i fuqishem ne Shqiperi
• rifat aga

Sondazhi i ditës:

Si ka qene per ju viti 2024?

• I mire

  43.9%

• I keq

  22.8%

• As i mire as i keq

  33.3%

Vota total: 1516

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq