POP 5

Lajmet më të lexuara të 5 minutave të fundit

Politikë

Tërmeti, Ndreu: Kemi siguruar vetë 2 mln euro donacione! Rasti i Allës? Jo dinjitoze nëse vërtetohet, por te PD-ja ka më keq se ai (VIDEO)

Pjerin Ndreu është shprehur se ka siguruar një shumë prej 2 mln eurosh nga donatorët me të cilat ka në plan ndërtimin e 40 banesave që janë prekur nga tërmeti. Por cfarë komenti ka Ndreu për homologun e tij socialist të zgjedhur në Bulqizë, të cilin PD-ja e akuzon se konsumon kokainë dhe që SPAK-u ka nisur hetimet...

Kryebashkiaku i Lezhës Pjerin Ndreu në një intervistë për Report Tv është shprehur se ka siguruar një shumë prej 2 mln eurosh nga donatorët me të cilat ka në plan ndërtimin e 40 banesave që janë prekur nga tërmeti. Ndreu deklaroi se puna e tij për donacione të tjera do të vijojë dhe se nuk do të presë vetëm atë që do të vijë nga qeveria. "Mendoj se askush nuk duhet ta kapë paniku se cdo ditë dhe cdo orë merremi me këtë punë. Sot bashkia është në negociata edhe me donatorë. Jemi e vetmja bashki që kemi siguruar 2 mln euro nga donatorët për ndërtimin e 40 banesave.

Bashkia nuk do të presë që  gjithcka të bjerë nga qielli dhe të shikojë vetëm qeverinë por do të bëjë edhe punët e vet. Po shikoj edhe disa donatorë të tjerë që kam nga lidhjet e mia nga Gjermania apo vendet të tjera për ndërtimin e një shkolle, pa qenë barrë për qeverinë. Deri tani 13 pallate janë konstatuar të pabanueshme. Godinat e vjetra mund të rrezikshëm nëse do të kenë ndonjë tjetër tërmet. Pasi mund të paraqesin probleme në të ardhmen. Jemi në presionin e një grupi që përmes tërmetit mendon se do të rregullojë shtëpinë. Por deri tani me bonus janë 333 familje" tha ai.

Por cfarë komenti ka Ndreu për homologun e tij socialist të zgjedhur në Bulqizë, të cilin PD-ja e akuzon se konsumon kokainë dhe që SPAK-u ka nisur hetimet? Ndreu tha se nuk e di nëse është Lefter Alla ai që shfaqet në video, por shtoi se nëse është e vërtetë sjella nuk është aspak dinjitoze dhe kostoja është personale dhe jo e PS-së. Referuar akuzave të PD-së, ish-deputeti socialist tha se është gati që të bëjë testin e drogës, por shtoi se te partia Demokratike ka më keq se Lefter Alla. 

"Nuk kam koment, jam teleshikues si të gjithë ju, kam parë në TV, nuk jam në gjendje të përcaktoj nëse personi në fjalë ishte filani. Janë ekspertiza që i bëhet videos dhe nxjerr faktin. Jemi përballë një akuze, nuk është etike të jap opinion. Nuk është dinjitoze për asnjë zyrtar nëse ka ndodhur që të jetë në ato kushte. Edhe kjo që merren rastet dhe zmadhohen dhe i faturohen si vijë sjellje një partie nuk është korrekte, edhe në jetë mund të ndodhë që derivon një pjesëtar. Po luhet si në partinë e punës. PS-ja është një familje e madhe dhe nuk është familje e cila nuk ka edhe njerëzit e vet problematikë. Nëse vërtetohen PS-ja mban qëndrimin e vet dhe që e ka mbajtur deri tani.

Nëse marrim rastet, ju keni Gërdecin, dhe më të rëndë, kur drejtori ishte me urdhër arresti dhe ishte drejtor se donte ta mbante kryeministri. Ka edhe vrasjen në bulevard, që nuk ishin asgjë kontigjent krimi. Unë nuk mund të them se një familje nuk janë në ritmin e asaj shoqërie, por nuk mund të etiketohet familja. Ne nuk kemi futur në parti testet e drogës, as PD-ja. Mos më bëni të them ca emra që e bëjnë më keq se ai i Bulqizës, se nuk është detyra ime, por e di të sigurt. Personalisht them, se kur të duan gjatë vitit nga 15 herë në muaj shkon e bëj unë testin. Vijnë ndonjë herë në Lezhë, por mos lodhen të vijnë se vetëm korrektesë do të gjejnë. Unë jam gati të shkoj kur të duan ata për test. Kush ka lidhje kostoja është personale. Janë shumë pak për të dëmtuar ujin e PS-së" përfundoi ai.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • F-35: 24/01/2020 07:50

    O Pjerin djali, s'eshte argument te thuash ne jemi keq por ata jane shume me keq.

    Përgjigju
  • Ton: 23/01/2020 21:23

    Dinjiteti nga goja ‘nelit.

    Përgjigju
  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

2 Nëntor, 17:15