POP 5

Lajmet më të lexuara të 5 minutave të fundit

Kronikë

U akuzua se po pinte kokainë, SPAK nis hetimin për kryebashkiakun e Bulqizës (VIDEO)

SPAK regjistron hetimin për kryebashkiakun e Bulqizës pas videos ku PD-ja aludon se Lefter Alla po konsumon kokainë. Sipas Kodit Penal në Shqipëri, mbajtja e substancave narkotike në doza të vogla për përdorim vetjak nuk dënohet. Tashmë pritet për t'u parë se në çfarë situate penale do ta vendosë SPAK-u kryebashkiakun, ndërsa do të sekuestrohet video e publikuar në media dhe të merren deklarimet përkatëse

TIRANE-Prokuroria e Posaçme Anti-Korrupsion nis hetimet për kryebashkiakun e Bulqizës Lefter Alla pak orë pas publikimit të videos, ku Partia Demokratike aludon se zyrtari i lartë i pushtetit lokal zgjedhur nga PS-ja në zgjedhjet e 30 Qershorit konsumon kokainë. Hetimet e drejtuara nga prokurori Ened Nakuçi kanë nisur për të verifikuar situatën penale se ku ndodhet kryebashkiaku.

Por çfarë thotë Kodi Penal në Shqipëri? Sipas Kodit Penal, mbajtja e substancave narkotike në doza të vogla për përdorim vetjak nuk dënohet. Puna do të nisë nga sekuestrimi i videos së publikuar në media për të marrë më pas deklarimet përkatëse dhe për të parë se në çfarë situate penale do ta vendosë SPAK-u kryebashkiakun, raporton gazetari i Report Tv, Arsen Rusta.

Gjithashtu pritet për t'u parë nëse do të kërkohet pezullimi nga detyra për kryebashkiakun, pasi SPAK-u e ka një kompetencë të tillë. Dosja do të gjykohet nga kjo strukturë e re e dalë nga reforma në drejtësi duke qenë se është zyrtar i lartë. Kryebashkiaku reagoi dje duke e cilësuar videon si montazh dhe shantazh të klientëve, sipas tij të PD "që i largova pasi grabitën Bulqizën" (lexo këtu). 

Pavarësisht se e cilësoi si video-montazh, kryebashkiaku i Bulqizës, nuk sqaroi nëse është ai apo jo në videon që thotë se është shantazh nga PD dhe e montuar. Në studion e emisionit Repolitix deputeti Xhemal Qefalia u shpreh mbrëmë se pas publikimit të kësaj video do të vihet në lëvizje prokuroria e cila do të verifikojë të gjitha akuzat, të cilat nëse do të vërtetohen do sjellin shkarkimin e tij.

1579777236_kodi.jpg

Neni i Kodit Penal, qe percakton rastin kur nuk denohet per droge

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • kumrija: 23/01/2020 14:13

    oo 1 mortje SPAKUN, i mbaroi te gjitha te tjerat dhe kjo i ngeli !!!

    Përgjigju
    • Çingapoku: 23/01/2020 16:35

      Mos mbani shpresat as te spaku as te bkh, me kshu idiotësirash do meren herë pas here që mos të meren me politikanët. Më vjen keq ta them por nuk bohet mo shqipnia, ska sy për qabe, se mir politikanët por aty jan bo delenxhij dhe njerzit e thjeshtë, matet shoqnia e miqësia me lek, po të marun lekët s'të kam mo shok.

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Anastas Janullatos, engjëll apo djall? Esencë-Report Tv

Anastas Janullatos, engjëll apo djall? Esencë-Report Tv

22 Dhjetor, 21:01