Terroristi në Zelandën e Re: Doja të vrisja sa më shumë myslimanë që faleshin në xhami

Brenton Tarrant, autori i sulmit terrorist në dy xhami në Zelandën e Re më 15 mars të vitit 2019

Brenton Tarrant, autori i sulmit terrorist në dy xhami në Zelandën e Re më 15 mars të vitit 2019 ku u vranë 51 persona, kishte planifikuar gjithashtu të sulmonte një xhami të tretë. Gjatë seancës gjyqësore që po mbahet sot, Tarrant tha se kishte planifikuar t’i digjte xhamitë dhe të shkaktonte sa më shumë viktima të pafajshme

Australiani akuzohet për vdekjen e 51 personave, për 40 tentativa të dështuara për vrasje dhe një akuzë për terrorizëm.

Brenton Tarrant, është i pari person në Zelandën e Re i cili rrezikon dënim të përjetshëm me burg, pa të drejtë apelimi.

Gjatë seancës gjyqësore ai u përball me të mbijetuar dhe familjarë të viktimave, të cilët u shprehën se nuk mund ta falnin atë dhe tmerrin që ai kishte shkaktuar.

Sulmet terroriste ndaj besimtarëve që po merrnin pjesë në lutjet e së premtes, Tarrant i shpërndau edhe online në rrjetet sociale.

Sulmi shkaktoi atë kohë vala zemërimi në gjithë botën dhe detyroi gjithashtu autoritetet në Zelandën e Re të ndryshonin ligjin për Mbajtjen e armëve.

 

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Çfarë mendoni se do të krijojë situata në PD me mbledhjen e dy Kuvendeve?



×

Lajmi i fundit

John

Operacion gjatë gjithë natës kundër lojërave të fatit në Vlorë, 3 në pranga! Nën hetim 3 të tjerë që po vinin baste! Bllokohen disa pika llotosh