TIRANE- Tetë gazetarë shqiptarë u bënë pjesë e një trajnimi që ambasada e SHBA organizoi në muajin Tetor në Shtetet e Bashkuara të Amerikës, për t'i njohur ata nga afër me rolin e medias amerikane në shtetin ligjor.
Tetë gazetarët, mes të cilëve dy nga grupi ynë mediatik Arsen Rusta nga Report Tv dhe Elton Qyno nga Shqiptarja.com, vizituan DASH, njësinë investigative të gazetës Washington Post, Gjykatën Supreme të SHBA-së si dhe u takuan me prokurorë, gjyqtarë dhe gazetarë investigativë.
Pas kthimit ata biseduan me zyrtarë të ambasadës, për të ndarë përvojën e tyre në Shtetet e Bashkuara. Gazetari i Report Tv Arsen Rusta ndan edhe kujtimin e këndshëm të vizitës së memorialit të Martin Luter King, ndërsa shprehet se tashmë edhe ai ka një ëndërr.
"Është e rëndësishme të kemi mundësi për të raportuar të vërtetën e cila kërkon edhe kohë por duhet të mbetemi larg interesave të pronarëve, të politikës dhe grupeve kriminale. Ishte kënaqësi që vizitova memorialin e Martin Luter King dhe e them sot ''Edhe unë e kam një ëndërr", shprehet gazetari i Report Tv, Arsen Rusta.
Gazetari i Report TV, Arsen Rusta
Ambasada Amerikane në Tiranë ka ndarë edhe disa nga momentet e vizitës së tetë gazetarëve shqiptarë në SHBA, duke e quajtur atë të rëndësishme në luftën kundër korrupsionit, teksa ndan edhe disa nga përshtypjet e tyre.
"Qeveria e Shteteve të Bashkuara është e përkushtuar në luftën kundër korrupsionit dhe respektimin e sundimit të ligjit në mbarë botën. Lufta kundër korrupsionit është prioritet i punës së Ambasadës së Shteteve të Bashkuara në Tiranë. Çdo javë do të nënvizojmë një nismë që kemi ndërmarrë për të luftuar korrupsionin në Shqipëri. Këtë javë, mësoni se si media mund të ndihmojë për një gjyqësor të përgjegjshëm dhe mund të kontribuojë për të luftuar korrupsionin dhe krimin e organizuar. Në tetor, Zyra e Marrëdhënieve me Publikun e Ambasadës së SHBA dërgoi një grup me tetë gazetarë shqiptarë në Shtetet e Bashkuara për të mësuar mbi rolin e medias amerikane në shtetin ligjor", shkruan Ambasada e SHBA-së.
Tetë gazetarët
Foto nga takimet në qytete të SHBA
Lajme të tjera
-
Tiranë/ Arrestohet amerikani 71-vjeçar, prodhonte materiale pornografike me të mitur! Mësuesi ishte dënuar më parë në Rusi, u vu në pranga me ndihmën e Ambasadës së SHBA (EMRI)
14 Nëntor, 09:25
-
Programi i Ndihmës për Antiterrorin, SHBA 10 milionë dollarë trajnime dhe pajisje për Policinë e Shtetit
9 Nëntor, 19:32 -
Altin Dumani e 4 prokurorë të SPAK zbarkojnë në Brazil, Ambasada amerikane: Do çmontojnë bandat shqiptare, transportuese të sasive të mëdha kokaine në Europë
5 Nëntor, 19:25 -
Raporti I KE-së, Zhupa: Liria e Medias një nga pjesët më të zeza! Do propozoj gjoba më të larta për zytarët që nuk japin informacion
5 Nëntor, 16:17 -
Progres-Raporti i BE/ Ina Zhupa: Situata e lirisë së medias është përkeqësuar, propozimet tona janë rrëzuar nga mazhoranca! Të mos injorohen rekomandimet
1 Nëntor, 13:47 -
Jorida Tabaku: Të luftojmë që askush të mos ketë forcën për t’i kërcënuar mediat
14 Tetor, 18:26 -
SHBA i dhuron AMP-së sistemin të çështjeve 1,2 mln USD
11 Tetor, 17:31 -
FBI seminar me prokurorët e SPAK, Ambasada e SHBA: Pranë institucioneve të pavarura, në luftën kundër korrupsionit dhe krimit të organizuar!
7 Tetor, 17:54 -
Protesta e Opozitës, Ambasada amerikane këshillon personelin: Shmangni demonstratën
7 Tetor, 14:51 -
Hapen aplikimet për lotarinë amerikane! Si të aplikoni dhe kriteret që kërkohen
2 Tetor, 16:48 -
Kandidatura e ambasadorit të ri amerikan në Shqipëri, David Kostelancik “ngec” në senat
28 Shtator, 07:56 -
Një grup me 14 gjyqtarë të dy shkallëve të GJKKO vizitë në SHBA: Ju mbështesim të vendosni në mënyrë të pavarur dhe me fakte, pavarësisht kërcënimeve!
25 Shtator, 10:57
