POP 5

Lajmet më të lexuara të 5 minutave të fundit

Kosova & Rajoni

Thaçi kërkon marrëveshje për
reformën zgjedhore në shkurt

Kryeministri i Kosovës, Hashim Thaçi ka kërkuar nga partitë politike marrëveshje për reformën zgjedhore në mënyrë që të plotësohen edhe pritjet e ndërkombëtarëve. Thaçi propozon muajin shkurt, si afatin kur mund të fillojnë bisedimet ndërpartiake. 
PRISHTINË- Kryeministri i Kosovës, Hashim Thaçi ka kërkuar nga partitë politike marrëveshje për reformën zgjedhore në mënyrë që të plotësohen edhe pritjet e ndërkombëtarëve. Thaçi propozon muajin shkurt, si afatin kur mund të fillojnë bisedimet ndërpartiake.

Në këtë formë, Thaçi e ka lënë të hapur mundësinë e plotësimit të kërkesës së ndërkombëtarëve për vazhdimin edhe për një mandat të vendeve të rezervuara për pakicat në Parlament.

"Pas mungesës së konsensusit të domosdoshëm për ndryshimet kushtetuese për vendet e rezervuara për komunitete në Kosovë, ftoj spektrin politik të Kosovës që t’i bëjmë reformat e nevojshme zgjedhore që garantojnë proces të drejtë, transparent, demokratik dhe respektim të vullnetit të qytetarëve, si dhe të plotësojmë pritjet e partnerëve tanë ndërkombëtarë", ka shkruar Thaçi, në Facebook.

Thaçi iu ka bërë thirrje partive politike që të bëjnë marrëveshje politike mes subjekteve për të shkuar në zgjedhje dhe për të kryer reformën në pjesën e parë të muajit shkurt.
Por, Thaçi ka kërkuar ndryshime ligjore të cilat nuk janë të mundshme pa e prekur Kushtetutën përsëri.

Kështu, lideri i PDK-së ka thënë se nëse nuk ka pajtim për hapjen e Kushtetutës, atëherë duhet të preken ligjet në disa pika.
 
"Në këtë drejtim, tani na mbetet t’i bëjmë reformat e nevojshme ligjore, që prekin ligjin për zgjedhjet nacionale në disa fusha, për të cilat pres të arrijmë konsensus politik, por edhe aprovimin në Kuvendin e Kosovës, si:

- Përcaktimi i kohëzgjatjes së fushatës elektorale,
- Përcaktimi i numrit të kandidatëve në listat zgjedhore,
- Përcaktimi i pragut zgjedhor,
-Përcaktimi i të drejtës për votim me kusht dhe çështje tjera të rëndësisë së përbashkët të të gjithë spektrit politik.
 
Thaçi ka ftuar partitë politike që këto ndryshime të bëhen në gjysmën e parë të shkurtit. Sipas tij, PDK-ja shpreh gatishmërinë për pjesëmarrje në debate si dhe vullnet për arritjen e konsensusit politik.

Redakisa online
(e.sh/shqiptarja.com)

 

/Shqiptarja.com
  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

29 Janar, 23:01