POP 5

Lajmet më të lexuara të 5 minutave të fundit

Kosova & Rajoni

Thaçi për 'Guardian': Ç'të bëjmë
me Serbët, të fillojmë prapë luftën?

Kryeministri i Kosovës, Hashim Thaçi i ka ftuar serbët e Kosovës, që të dielën të dalin për votime: "Si duhet ta zgjidhim situatën me Serbinë? A duhet ta fillojmë sërish luftën? Të vrasim njëri – tjetrin?”.
PRISHTINË - Kryeministri i Kosovës, Hashim Thaçi i ka ftuar serbët e Kosovës, që të dielën të dalin për votime në zgjedhjet e përsëritura, duke theksuar se "me pjesëmarrjen e tyre në zgjedhje do të humbnin vetëm ekstremistët në veri të Kosovës".

Ai ka tërhequr vëmendjen se në rast të incidenteve të reja, Serbinë do ta konsiderojë përgjegjëse për këtë.

Në intervistën për gazetën "Guardian", Thaçi ka thënë se Kosova nuk është e rrezikuar, nëse serbët integrohen në të dhe njëkohësisht ka hedhur poshtë kritikat se Marrëveshja e Brukselit u tregua kundërthënëse edhe në Serbi e edhe në Kosovë.

"Si duhet ta zgjidhim situatën me Serbinë? A duhet ta fillojmë sërish luftën? Të vrasim njëri – tjetrin?”. "Marrëveshja është përgjigjja e më e mirë e mundshme”, ka thënë Thaçi dhe ka shtuar se “ajo është zgjidhja më e mirë për Kosovën e për Serbinë, që të bëhen anëtare të BE-së”.

"Ne nuk kemi luftuar kundër serbëve, ne kemi luftuar ta largojmë Serbinë dhe mekanizmat e saj represivë të vitit 1999", ka thënë ai .

Lidhur me aktakuzën kundër 15 të akuzuarve të Grupit të Drenicës ai ka thënë se të gjithë ata që do të dënohen për krime lufte, do të përjashtohen nga partia e tij.

Redaksia Online
(mag/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Efektivi bie nga lartësia e pallatit në Tiranë, dërgohet te Trauma! Nuk dihen shkaqet

Efektivi bie nga lartësia e pallatit në Tiranë, dërgohet te Trauma! Nuk dihen shkaqet

15 Janar, 18:35