Tha se do jap dorëheqjen nëse Berisha fiton Shkodrën, Agron Kapllanaj: Jam nxituar

Kryetari i komanduar i PD në Fier, Agron Kapllanaj duket se nuk do e mbajë fjalën që dha se do të jap dorëheqjen nëse Bashkinë Shkodër e fiton Berisha. Sot që tashmë kjo është fakt, i pyetur nga gazetarët Kapllanaj justifikohet me një fjalë "u nxitova".

"Sa i takon deklaratës sime që kam thënë që jap dorëheqjen nga politika nëse Berisha fiton Shkodrën ndoshta jam nxituar", tha ai.

Lidhur me humbjen e thellë që pësoi në bastionin historik të PD-së, Kapllanaj tha se Shkodrën nuk e humbën, por e fitoi aleanca e së keqes Berisha-Rama-Doshi.

"Shkodrën se humbi PD e fitoi Berisha Edi Rama dhe Tom Doshi", tha Kapllanaj.

Lajmi kryesor:

Deputetët i kërkuan dorëheqjen Bashës, i dalin në mbrojtje krerët e degëve: S'është faji yt, humbja përgjegjësi e jona dhe e deputetëve që s'bënë fushatë, por vinin për foto (Debati i plotë)

/KT/Shqiptarja.com

TAG:
• lulzim basha
• zgjedhjet 6 mars 2022
• PD