POP 5

Lajmet më të lexuara të 5 minutave të fundit

Kosova & Rajoni

Thellohet kaosi politik në Kosovë. Albin Kurti: Presidenti Thaçi ka dalë në ilegalitet

Kryeministri në detyrë i qeverisë së Kosovës, Albin Kurti, në një konferencë për media, duke komentuar zhvillimet e djeshme në vend, tha se do të çojë në Gjykatën Kushtetuese veprimet e ndërmarra nga presidenti Hashim Thaçi, i cili dje ftoi në një takim gjithë partitë parlamentare për të diskutuar për formimin e qeversisë së re

 

Thellohet kaosi politik në Kosovë. Albin Kurti: Presidenti Thaçi ka dalë në ilegalitet

Kryeministri në detyrë i qeverisë së Kosovës, Albin Kurti, në një konferencë për media, duke komentuar zhvillimet e djeshme në vend, tha se do të çojë në Gjykatën Kushtetuese veprimet e ndërmarra nga presidenti Hashim Thaçi, i cili dje ftoi në një takim gjithë partitë parlamentare për të diskutuar për formimin e qeversisë së re në kushtet kur nga LVV nuk ka patur reagim për kërkesën e tij që LVV duhej të çonte emrin e propozuar për tu mandatuar për krijimin e qeverisë.

Kurti tha se me veprimet e tij Thaçi e ka nxjerrë veten në ilegalitet dhe se veprimet e tij janë në kundërshtim me Kushtetutën.

Duke theksuar se prioritet i tij ishte parandalimi i përhapjes së COVID-19, kryeministri në detyrë u shpreh se si presidenti dhe partitë politike nuk kanë asnjë kompetencë për të refuzuar zgjedhjet e reja të propozuara nga LVVdhe i ka quajtur ata ‘Klub i vjetër politik’.

I pyetur se a do ta lirojë zyrën e Kryeministrit në rast se në Parlament do të votohet një qeveri e re, Kurti la të kuptohet se janë të pakta shanset që një gjë e tillë të ndodhë. Për të, nuk do të ketë qeveri të re pa zgjedhje të jashtëzakonshme.

Në takimin me partitë parlamentare, Presidenti Hashim Thaçi, pasi ka dëgjuar të gjitha qëndrimet e partive politike të cilat ishin kundër shkuarjes në zgjedhje të reja, përveç Lëvizjes Vetëvendosje, ka thënë se do t’i japë mandatin cilësdo parti apo koalicion që dëshmon se ka shumicën në Kuvend për krijimin e insistucioneve të reja. 

Ai tha se qeveria rrejedh nga Kuvendi, prandaj sipas tij propozimi duhet të rrjedh nga partia politike apo koalicioni që mund të ketë gjasa për krijimin e qeverisë dhe që do të marrë votat e nevojshme për të krijuar qeverinë.

Ndërkohë ish partnerja e Kurtit në qeveri, LDK ka nisur negociata me AAK e ish kryeministrit Haradinaj në kuadër të përpjekjeve për arritjen e koalicionit të ardhshëm qeverisës në Kosovë.

Isa Mustafa dhe Ramush Haradinaj i AAK-së, kanë zhvilluar mes tyre një takim ku sipas deklaratave të dy liderëve është folur vetëm për lidhjen e koalicionit edhe për jo për ndarjen e pozitave.

Takimi mes LDK dhe AAK ishte i pari në vazhdën e krijimit eventual të një koalicioni qeverisës. Takime të ngjashme priten edhe me Nismën Socialdemokrate, Aleancën Kosova e Re, Listën Serbe si dhe komunitetet tjera joshumicë, pasi që për formimin e qeverisë, Mustafës do t’i nevojiten të paktën 61 vota në Kuvend.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • adamo311: 24/04/2020 23:20

    shpendajeni informatat duke "perfituar vetvetiu" ne popullaritet: https://file.wikileaks.org/file/un-kosovo-pristina/ Te informahet populli se c`ka behet ne KS!!! Pershendetje

    Përgjigju
  • pesionisti: 24/04/2020 13:40

    Kurre nuk do besoja se, Albini eshte kaq kembengules ne "shkapjen e shtetit" sic thot ai, per ta kapur vet me duar te forta, ngjashem me nje dictator klasik.Kurre nuk do besoja se keta lider jane kaq te dalldisur per "kapjen" e shtetit dhe per mosdurim ndaj njeri-tjeterit.Keta praktikisht po deshmojne se, as nuk e kane dashur e as nuk e duan popullin e as shtetit e Kosoves,Keta e duam dhe plasin nga "dashuria",vetemm interesin personal.

    Përgjigju
  • Tosi: 23/04/2020 17:37

    Me ne fund dhe Shaban Memija i kosoves qe ndejti 100 dite ne bisedime per te formuar qeverine dhe ne krye te saj vetem 50 dite iku per lesh dhije. I shkofte prapa Shabonit te pd leshelis

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

VIDEO/ E nis dhe e mbyll aksionin, Edon Zhegrova shënon me Lille në Francë

VIDEO/ E nis dhe e mbyll aksionin, Edon Zhegrova shënon me Lille në Francë

24 Nëntor, 16:44