Taulant (Roland) Luli, i konsideruar si i “forti i Maliqit” dhe që në muajin prill 2019, ka qenë i dyshuar dhe mbahej në vëzhgim nga agjentët e policisë së Shtetit, si pjesë e grupit të Gramoz Murataj, që grabitën 6 milion euro në aeroportin e Rinasit, rezulton i dënuar me tre burgime të përjetshme nga Prokuroria e Larisës në Greqi. “Shqiptarja.com” mëson se në 22 mars 2013 Luli është arratisur nga burgu i Trikallasë në Greqi. Ai i ka shpëtuar ndjekjes së policisë helene duke mundur të hyjë në territorin shqiptar, për të krijuar më pas një bazë qëndrimi nga ku drejtonte dhe aktivitetin kriminal të kultivimit të drogës dhe shfrytëzimit të prostitucionit në Greqi. Në momentin kur Luli është kapur nga agjentët e Policisë së Shtetit, atij i është sekuestruar në makinë një arsenal i madh me armë, si pistoletë me silenciator, granata dore dhe disa fishekë të kalibrave të ndryshëm. Agjentët nuk i kanë dhënë asnjë mundësi reagimi, pasi në çdo moment mundej që ai të përgjigjej me armë. Madje siç mësohet Luli ka pasur dhe një komunikim me agjentët që e arrestuan duke i thënë se “…nuk e dija që do të më rrethonit, se do kisha vrarë nja 6 vetë prej juve…”.
Prej muajit korrik 2019 e në vijim, Roland Luli, ndodhet i izoluar në burgun e Drenovës në Korçë, pasi prokuroria e këtij qyteti, e ka arrestuar për akuzën e “Mbajtjes pa lejë të armëve dhe municionit”, “Kultivim të lëndëve narkotike” dhe “Shfrytëzim të vajzave minorene për prostitucion”. Por teksa prokurorët e Korçës po vijojnë hetimet për Lulin dhe 7 bashkëpunëtorët e tij, nga Larisa në drejtim të Korçës, ka mbërritur një letërporosi, ku tregohen të gjitha krimet e bëra në Greqi të Roland Lulit. Pikërisht me anë të kësaj letërporosie autoritet greke kërkojnë ti njihet nga drejtësia Shqiptare vendimi me burgim të përjetshëm ndaj Roland Lulit, vendim të cilin nëse do njihet nga gjykata e Korçës, ai do ti duhet të vuajë në Shqipëri. Momentalisht çështja është në fazën e shqyrtimit gjyqësor, ndërsa dosja penale është administruar dhe po përfaqësohet në gjykatë nga prokurori Julian Kristo. Sipas dosjes së prokurorisë së Larisës, bëhet fjalë për 26 grabitje, ku në tre raste këto grabitje kanë sjellë jo vetëm vjedhjen e pasurisë, por edhe humbjen e jetës së tre shtetasve grekë. Njerëzit që janë grabitur dhe më pas vrarë nga Roland Luli dhe bashkëpunëtori i tij Altin Ndreka dhe shtetasja greke Aikaterini Kalfadopoulou, quhen Astra Vasileiou, Evdokias Anagnostopoulou dhe Aristeas Katergari. Sipas dosjes greke kjo e fundit është lidhur dhe më pas therur me thikë, vetëm për faktin se dy grabitësit shqiptarë Roland Luli dhe Altin Ndreka, nuk kishin çfarë të vidhnin në banesën e saj në Volos, ku në këtë rast kanë vjedhur vetëm 50 euro dhe një palë vathë floriri. Egërsia e Lulit dhe dy bashkëpunëtorëve të tij, ka vijuar të shfaqet edhe në raste të tjera, ku përgjithësisht viktimat e tyre dhunoheshin barbarisht ose priteshin me thika.
Në pjesën më të madhe të rasteve banda e Lulit vepronte duke lidhur personat që ndodheshin vetë në banesë, ku në largim e sipër i mbyllnin dhe gojën me natriban, duke sjellë dhe vdekjen e ngadaltë të personave. Policia e Larisës, ka mundur të lokalizojë dhe arrestojë Lulin duke e dënuar me tre burgime të përjetshme dhe më pas izoluar në burgun e Trikalasë. Por dënimin me burg përjetë Luli nuk e ka kryer për shkak se në mars të 2013 Luli ka mundur të arratiset nga burgu dhe të gjejë strehim në qytetin e Korçës. Me dosjen greke është njohur dhe Roland Luli në ambjentet e burgut të Korçës, ku sapo oficerët i kanë bërë me dije tre dënimit me burgim të përjetshëm në Larisa, ai i ka ngrisur dokumentat në sy të tyre. Lokalizimi dhe vëzhgimi i parë i Roland Lulit nga policia Shqiptare, është kryer gjatë muajit prill 2019, kur në Rinas u vodhën nga grupi i Gramoz Murataj shuma prej 6 milion euro. Policia dyshonte se edhe Roland Luli, një grabitës i stërvitur në Greqi, mund të kishte dorë në këtë grabitje. Menjëherë është nisur kërkimi i këtij personi derisa është lokalizuar dhe më pas vënë në vëzhgim të rreptë nga policia. Nga kjo ndjekje është mësuar se Luli kishte ngritur një bazë të kultivimit të lëndëve narkotike në një fshat të Maliqit.
Një oficer policie ka përcjellë të dhëna se Mirel Fasho ose siç njihet ndryshe si “Reli i Kakaçit”, kultivonte drogë dhe shfrytëzonte disa vajza të komunitetit Rom si prostitute në Korçë e Greqi. Më konkretisht në datën 26 maj 2019 është marrë informacion se “Reli i Kakaçit” dhe disa persona të tjerë të panjohur nga agjenti i policisë,kanë kultivuar bimë narkotike në territorin e Njësisë Administrative Pirg. Nga një bisedë që është zhvilluar ndërmjet Relit dhe një person tjetër, ky i fundit është shprehur se territori ku kanë mbjellë bimët narkotike është shumë larg dhe është shumë vështirë të shkohet atje. Reli i ka shprehur shqetësimin se mos flet ndonjë kalimtar, por personi tjetër e ka siguruar duke i thënë “…e dinë ca çobenë, por nuk flasin se kanë frikë…”.
Po kështu i ka thënë Relit se kanë qenë një ditë ata të policisë andej për kontroll, por deri aty tek vendi është shumë larg, këputesh në këmbë, nuk shkohet. Në prani të agjentit të policisë Reli, i ka kërkuar numrin e ri të telefonit, personit që po diskutonte sa më sipër. Pas verifikimeve të kryera ka rezultuar se ky person ishte Roland Luli.
Komente
Lajme të tjera
-
'E fundosën përgjimet!' GJKKO lë në burg Jurgis Çyrbjen e bashkëpunëtorin! Avokatët: Nuk janë përdorues të Sky ECC! Ish deputeti i PS-së mbyll gojën (VIDEO)
22 Tetor, 08:34 -
Arrestimi i Çyrbjes/ Siguronte sekrete shtetërore dhe ua jepte bosëve të krimit! Mister zyrtarët që i shërbyen ish-deputetit të PS, SPAK vijon hetimet për t’i zbuluar
21 Tetor, 12:36 -
Arrestimi i ish-deputetit Çyrbja, avokatja tërheq në GJKKO materialet hetimore! Deklaron se nuk është marrë asnjëherë në pyetje për çështjen (VIDEO)
21 Tetor, 10:40 -
Pajisje regjistrimi në formë pakete, celularë e para, çfarë sekuestroi SPAK gjatë kontrolleve për arrestimin e Çyrbjes
21 Tetor, 10:39 -
Sky ECC 'fundos' ish-deputetin e PS, Jurgis Çyrbja! SPAK: Shiti sekrete shtetërore te kriminelët e dekonspiroi policinë! Altin Hajri e shpërbleu me vota në 2021
21 Tetor, 10:27 -
Skeda/ U strehua nga Çyrbja, kush është Altin Hajri! Nga trafiku i drogës Shqipëri-Itali me kodet ‘Enigma’, te kompleksi ‘Golden’, bizneset dhe rrëmbimi e zhdukja e Jan Prengës
21 Tetor, 09:10 -
Arrestimi i Jurgis Çyrbjes, në kërkim edhe pronari i ‘Golden’, Altin Hajri! Pas vrasjes së Prengës, ish-deputeti e ndihmoi me ndërhyrje në institucione dhe lëvizjet e policisë
21 Tetor, 08:30 -
Rrëmbimi dhe zhdukja e Jan Prengës, i vëllai dëshmon në GJKKO: Gentiani dhe Gramozi me telefonuan në burg, më thanë ‘na jep atë gjënë’!
18 Tetor, 12:25 -
Rrëmbimi dhe zhdukja e Jan Prengës, GJKKO nis gjykimin në mungesë për Altin Hajrin, pronarin e kompleksit 'Golden'
10 Shtator, 10:30 -
Korçë, 55 të burgosur lënë sot burgun e Drenovës, 73 të tjerë përfitojnë ulje dënimi
24 Prill, 10:12 -
Të arrestuarit në burgun e Drenovës i gjendet celular
19 Prill, 11:34 -
Korçë/ Drogë me ushqimet, arrestohet një person brenda burgut të Drenovës
15 Prill, 20:17
Plumb pas koke ketyre qenave cti mbash ne burg kot
PërgjigjuTherri me rr të fortë o gazetar injorant!
PërgjigjuO Gjon, shko hap fjalorin e gjuhes shqipe. Para se te fyesh e te dalesh tamam bllof m, verifiko. Ka te drejte gazetari, shkruhet Ther.
Leshi i Maliq leshit, fshatarë primitivë. Shikoni c surrat shpelle, Epoka e Gurit.
PërgjigjuKATUNAR budalla...
Përgjigju