Theu arrestin e shtëpisë për të shitur drogë, kapet me rreth 12 milionë lekë trafikanti 17-vjeçar

Një 17 vjeçar është vënë në pranga pasi u kap me 42 doza me lëndë narkotike cannabis sativa, 9000 euro dhe një sasi lekësh të dyshuara të përfituara nga kjo veprimtari kriminale.

Punonjësit e Policisë e kanë konstatuar në rrugën “Ndre Mjeda”, 17 vjeçarin me iniciale M. B., i cili sapo ka parë shërbimet e Policisë është larguar me vrap, por gjatë ndjekjes është vënë në pranga nga Policia.

Pas kontrollit, në brezoren që mbante me vete, shërbimet e Policisë i kanë gjetur 42 doza me lëndë të dyshuar cannabis sativa, si dhe shumat 9000 euro dhe 7200 lekë, të cilat u sekuestruan në cilësinë e provës materiale, së bashku me 1 aparat celular.

LEXO EDHE:
LIVE- Zgjedhjet 2025/ KQZ teston Platformën Elektronike të Regjistrimit për zgjedhësit jashtë Shqipërisë

Nga verifikimi i kryer rezultoi se ky shtetas ishte me masë sigurie “Arrest në shtëpi”, për veprën penale “Prodhimi dhe shitja e lëndëve narkotike” dhe ishte larguar nga vendi i qëndrimit.

Materialet procedurale do t’i kalojnë Prokurorisë pranë Gjykatës së Shkallës së Parë Tiranë, për veprime të mëtejshme hetimore, për veprat penale “Prodhimi dhe shitja e lëndëve narkotike”, “Pastrimi i produkteve të veprës penale ose veprimtarisë kriminale“ dhe ”Largimi i të burgosurit nga vendi i qëndrimit”.

TAG:
• Tirane
• droge

Sondazhi i ditës:

Si ka qene per ju viti 2024?

• I mire

  43.9%

• I keq

  22.8%

• As i mire as i keq

  33.3%

Vota total: 1514

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq