POP 5

Lajmet më të lexuara të 5 minutave të fundit

Sport

Theu tersin e Tottenham, 'shi' milionash për Milanin nga biletat! Conte: Fitoren e 'djallit' e vendosi një episod

Milan është rikthyer me fitore pas 9 vitesh në fazën e 1/8 të Champions League. ‘Djalli’ mposhti në San Siro 1-0 Tottenham, duke vendosur edhe një rekord absolut përsa i përket fitimeve nga biletat për një ndeshje në Itali. Sakaq po 1-0 ia doli të fitonte superpërballjen në Francë Bayern Munchen kundër Paris SG.

Tersi është thyer dhe Milan është rikthyer. Kështu mund të përkufizohet ndeshja e parë e fazës së 1/8 të ‘djallit’ kundër Tottenham në San Siro, që u fitua me shifrat minimale 1-0. Goli vendimtar i sfidës u shënua shumë shpejt, pasi në minutën e 7 Brahim Diaz realizoi në tentativën e dytë, duke çuar peshë zemrat e mbi 74 mijë tifozëve në stadium.

Në vijim Milani i Stefano Piolit pati disa mundësi të arta për të dyfishuar por nuk ia arriti. Si përfundim kuqezinjtë morën fitoren e parë në histori kundër Tottenham në Champions League në 5 përballje që kanë patur. Pas 90 minutave trajneri Pioli u shpreh ‘se është një fitore që jep moral dhe se ekipi duhet të vazhdojë të jetë energjik’. Sakaq italini i Tottenham Antonio Conte tha se ‘ndeshja ishte e ekuilibruar dhe se vetëm një episod e vendosi’.

Për t’u theksuar se nga biletat e ndeshjes Milan përfitoi mbi 9 milionë euro të ardhura, duke vendosur një rekord absolut në Itali.

Ndërkohë një hap drejt kualifikimit për në çerekfinale hodhi edhe Bayern Munchen që ia doli të fitonte 0-1 super përballjen e parë kundër Paris SG. Në ‘Parc de Prince’ vulosi goli i një parisieni si Kingsley Coman, i cili zgjodhi të mos festonte ndaj ish-skuadrës.

Për shkak të rasteve të humbura, por edhe për minutat e pakta që kishte si pasojë e dëmtimit, Kylian Mbappe ishte më i mërzituri pas sfidës, por tha se shpreson shumë te përmbysja në ndeshjen e kthimit. Si Bayern-Paris SG ashtu edhe Tottenham-Milan do të luhen më 8 mars.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Lamtumira për Kryepeshkopin, mban fjalim edhe mbesa e Anastasit! Ceremonia drejtohet nga Patriarku Bartolomeu

Lamtumira për Kryepeshkopin, mban fjalim edhe mbesa e Anastasit! Ceremonia drejtohet nga Patriarku Bartolomeu

30 Janar, 09:29